Yo！我喺MTFU嘅Man神啊。
有冇曾經問過自己『我係咪為個女仔做得太多呢？』，我哋點樣可以偵測自己係咪跌緊落邪惡嘅friendzone呢？
咁首先我哋要定義一下咩叫做friendzone。
其實所謂嘅FZ，就係當你為某位女性做緊一啲『男朋友嘅行為』，但係對方無做返一啲『女朋友嘅行為』，你得唔到相認嘅待遇。
簡單嚟講，咩叫做『女朋友行為』呢？
除咗個女仔顯示佢好care你之外，
講到尾，最重要嘅就係佢有冇同你上床做愛，
因為冇sex嘅關係，根本就冇可能稱得上『男女朋友』嘅關係。
咁所以各位巴打，
如果你係『做緊一啲男朋友嘅行為』，但同時又唔係享受緊女朋友畀你嘅性愛，
sorry，你其實就係已經被friendzone。
咁問題就喺：咩先至叫做『男朋友行為』呢？
以下之後5條你需要問自己嘅問題…
＃1 你會唔會無條件地去幫個女仔做嘢，而完全唔會預期有乜嘢回報呢？
譬如話：你去幫佢整電腦／整電話／整機／整車或者幫佢公事上嘅嘢，一心諗住當佢係阿妹或者女朋友咁樣去幫佢呢？
如果有嘅話， 你就係顯示緊一啲『男朋友行為』。
＃2 你會唔會為咗佢嘅活動而幫佢畀錢呢？
譬如話帶佢去某間餐廳食飯，買生日禮物畀佢，請佢睇戲請佢飲嘢等等。
如果你係透過金錢去換取條女俾你嘅關注，
你好可能就係嘗試展露『男朋友行為』行為，嘗試利用錢去買佢對你興趣同愛，
which is永遠都唔work／就算你買到，你都係買咗一段不公平嘅關係。
＃3 你係咪永遠都會準時，但係條女就唔會呢？
當然我唔係主張叫你遲到啦，
但係如果條女慣性地遲到，其實就意味住佢根本就唔尊重你嘅時間。
你可能會反駁：『哎呀，或者佢工作好忙，所以先至遲幾個字啫？』
Well，come on，
如果佢可以睇bigbang喺後台見到GD，又唔見佢遲半個鐘？
咁所以，如果你容許人哋去唔尊重你嘅時間，個條女就認為『無論佢點做你永遠都會等待佢』，
佢就永遠都唔會尊重你，更加唔好講話將來同你上床！
＃4 你係咪會經常耐心聆聽佢訴苦，但係佢又唔係點樣care你嘅嘢呢？
譬如話，
佢係咪會不斷講自己啱啱嗰堂yoga班有機正，但係你講自己打波嘅嘢佢就求其回應你？
又或者甚至當佢投訴緊自己現任男朋友嘅時候，你就覺得好快就有機可乘，
跟住攻擊佢嘅男朋友，嘗試說服條女唔好再同對方一齊呢？
如果係嘅話，你就絕對係一個已經被friend zone，
條女淨係利用你去做自己發洩嘅對象，就算將來分手佢都唔會同你一齊！
＃5 最後最重要嘅就係：你係咪無論如何，都會永遠喺佢身邊支持佢？
OMG，呢句嘢聽落好感動呢…
但係如果你仲未同條女有性關係嘅話，你講呢句嘢就絕對會跌落friend zone！
因為條女咩都未做，你就咁快瞓身赴湯蹈火幫佢折腰，
係絕對顯示條女完全未投資喺你身上，你就太過nice幫佢做嘢，咁樣係唔會令到佢愛上你。
＃6 Anyway，以上嘅行為（除咗遲到同經常俾錢之外），行為嘅本質係冇問題嘅。
但係如果你嘗試透過呢啲行為，
希望『令到條女感動／終於睇到你嘅好』，
希望佢會隨時間間接地鍾意你，
咁樣就你就大錯特錯喇！
因為你啲行為只會令到你跌落被friendzone或者做兵位置，
條女永遠都唔會同你進入一段有性愛嘅男女朋友關係。
鍾意今集嘅話就like，
跟住留言話我知『你有冇發現自己曾經做過以上提及嘅行為呢？』，
下集再見你！