Yo！我喺MTFU嘅Man神啊。
各位巴打，你有冇試過每次同囡囡傾計嘅時候，你個腦仲係好擔心佢當時點樣諗你呢？
又或者就算你可以吸引到條女去你度，但係有時你總係不自覺地太過在意佢所講嘅嘢，而搞到自己好緊張或者心不在焉呢？
遇上類似嘅問題又可以點樣解決呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先想講嘅就係：無論你係想溝女定係同普通人social，
當你不斷花費自己嘅精神去擔心對方點樣諗你嘅時候，
其實你就係鋪路搞到自己好緊張／好怕醜／好驚／並且好缺乏自信地唔知自己做緊乜，最後就搞到對方開始對你失去興趣。
所以有呢啲情況出現嘅時候，你就好難繼續做返一個平時有自信有佔據性大膽行動有吸引力嘅男人。
你越係『被困』喺你嘅大腦思想之中，你就越係令到條女對你失去感覺。
＃2 小弟都明白你呢種痛苦嘅，因為我都試過當自己識咗一個擺明鐘意自己嘅囡囡；
但係之後自己又過分擔心諗太多『究竟佢點樣諗我』，最後原本嘅吸引力都冇曬。
之後對方嘅身體語言同行為都開始話你知佢畀你搞到好悶，唔想繼續同你傾計，
so fvcking sad！
就算你之後應承自己下次一定會做好啲，
但係始終又係重蹈覆轍自己收自己皮，遇上咁嘅情況應該點算好？
＃3 Well，解決呢個問題第一步就係你要知道自己嘅『病徵』。
真相就係：你之所以會太過在意／介意／擔心某條囡囡點樣諗你，原因就係你喺現實之中缺乏可以選擇嘅options！
如果一個男人係有足夠嘅性愛機遇，你係有足夠嘅異性吸引力並且明確知道自己嘅『自我價值』嘅話，
佢根本就唔會太過care某條索女或者新朋友點樣諗自己！
原因就係：你心裏面係明確知道就算呢條女因為某啲原因而唔鍾意自己／對你冇興趣，你手頭上仍然係有幾打同佢同等level甚至比佢更正嘅囡囡等你搵佢哋，所以你根本就唔會擔心自己無選擇。
＃4 當一個男人係處於一個scarcity／缺乏稀有不足嘅位置，
你就會好自然地投放『過多嘅重要性』喺某一次嘅對話之中，
因為你會害怕如果今次攪和咗，你又唔知要等到幾時先至再有機會。
呢個係惡性循環嚟嘅，因為你越係try hard嘗試唔好攪和成件事，
你就越係在乎對方點樣諗你，你嘅行為表現就會越係needy唔自然，
你嘅非語言溝通就越係成個乞兒咁樣去欸人哋接受你，
最後你就會越容易令人反感推走你！
＃5 遇上咁樣兩難矛盾嘅問題你又應該點做呢？
點樣先至可以訓練自己處變不驚並且唔好咁容易受到其他人干擾呢？
除咗明顯地你必須擴闊自己朋友圈，增加女性朋友同埋囡囡嘅性愛選擇之外，
你喺必須尋找好幾樣你非常會care嘅事物。
＃6 要令自己變得更加『不在乎』，你唔一定要變得冰冷，對世事冷漠或者完全『I don’t give a fvck』嘅。
要令自己變得更加『唔介意人哋點睇你』，就係當你能夠轉移自己嘅視線，
去首先搵出有啲乜嘢願景／使命／理想，你係會更加在乎更加care更加give a fvck！
＃7 譬如話：當你非常清晰地知道原來『保護大自然／』先至係你人生最重要嘅目的嘅話，
你就好自然地冇咁驚畀囡囡reject，
你就會感覺自己冇需要同條女『解釋自己點解有價值』，
你就好自然地會吸引到一啲志同道合唔會武斷批判你嘅新朋友。
所以當你為自己訂立一種清晰嘅人生觀／人生哲學嘅時候，並且根據你嘅價值觀去活你嘅人生嘅時候，
你就能夠根據自己嘅philosophy而去行動，而唔係繼續玩『社會機器』製造比你嘅齒輪遊戲！
＃8 重點就係：當你能夠為自己制訂屬於你嘅人生觀，
言行一致地去活你相信嘅嘢，
但係又唔『強國武斷地』強求人哋必須跟從你嘅方式去活佢哋嘅生命；
當你能夠搵到一個『比你個人利益更加重要』嘅使命，
你就會清楚自己嘅人生有啲乜嘢先係重要而有啲乜嘢只係過眼雲煙，
你就唔會咁『太過在乎其他人點諗你』，
你就會更加忠於自己嘅使命，每一日以感恩同滿足嘅心去創造你嘅理想。
鍾意今集嘅話就like並且留言話我知啦， 下集再見你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！