Yo！我喺MTFU嘅Man神啊。
巴打你有冇曾經諗過點解女人會約會一啲『badboy／壞男孩』，但係轉頭又喺你面前投訴佢哋呢個咁賤嘅男朋友呢？
點解女人明知你會對佢好啲，但係佢都唔選擇同你一齊呢？
你又知唔知道當女人投訴佢可怕賤格仆街嘅男朋友嘅時候，
佢話俾你知佢有幾唔開心，其實佢係咪真係因為盲咗睇唔到眼前你呢個Mr. Right所以先至繼續淪落呢？
一年幾前一首全球熱播Shawn Mendes主張嘅歌《Treat You Better》裏面嘅歌詞，就係一個好經典嘅例子，
話畀你知點解你有時跌落friendzone都唔知，又或者點解女人會寧願揀一個對佢差嘅壞男人都唔揀一個一心諗住對佢好嘅好男人。
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 咁首先歌詞第一句就係講『I won’t lie to you / I know he’s just not right for you.』，
就係講緊呢個諗住做好人角色嘅主角Shawn，好好心地解釋畀個女仔知點解佢男朋友並唔適合佢。
裏面嘅潛台詞就係講嘅：
Shawn覺得自己係一個比起條女更客觀地做判斷嘅一個人，
所以Shawn客觀地覺得自己每一方面都好過條女嘅男朋友，所以就奉勸條女唔好再同個賤男人一齊。
＃2 下一句歌詞『And you can tell me if I’m off / But I see it on your face / When you say that he’s the one that you want.』，
就係講緊Shawn喺一個絕對典型嘅nice guy，佢喺呢個女仔好親密嘅異性朋友；
佢可以睇到呢個女仔講男朋友嘅時候有幾唔開心有幾憤怒，
所以佢就解釋畀個女仔聽『佢咁唔開心就唔應該繼續同呢個男人繼續一齊』，
即使呢條女嘅actions／行為完全話俾人知其實佢仲好想要個賤男。
註解：各位巴打，當女人同你講話『我真係好希望某個賤男會對我好啲！』，
其實佢真正嘅意思係同你講：『你真係好好朋友，多謝你百聽不厭晚晚聽我訴苦，好兄弟！lol』所以條女其實係放咗你喺friendzone！
＃3 下一個歌詞『And you’re spending all your time / In this wrong situation / And anytime you want it to stop…』，
就係講緊Shawn充滿邏輯地話個女仔好浪費咁多時間係一個錯嘅人身上，
暗示『當條女坐喺度投訴自己男朋友嘅時候，阿Shawn就好耐心聆聽佢訴苦。』，
但係阿Shawn自己有意識唔到，其實條女投訴咁多都係為咗抒發情緒，好可能根本就無打算離開個賤男。
註解：各位巴打，正當阿Shawn喺度話個女仔好浪費時間同一個錯嘅人一齊，其實最浪費嘅根本就係阿Shawn自己！
除非阿Shawn真係淨係想同個女仔做好朋友啦，唔係嘅話其實喺阿Shawn浪費自己嘅時間同一個錯嘅對象一齊！
呢個就係好多男士犯嘅錯誤，佢哋容許女人放自己喺friend zone，
但係就幻想咁樣嘅方式將來就可以賺取女人對佢嘅芳心，將來條女就會揀佢！
＃4 再下一句歌詞就講出好多小男孩嘅內心說話：
『I know I can treat you better than he can／And any girl like you deserves a gentleman／Tell me why are we wasting time？』
意思就係『我知我可以對你更加好啊，好似你咁樣嘅女仔你絕對值得被愛被疼錫，
點解我哋仲浪費時間？
點解你咁蠢仲要同個賤男一齊？
點解你仲唔揀咁好嘅我？:-(』
＃5 Awwww…
無知嘅阿Shawn啊…
你又知唔知道其實係你自己咁蠢嘥緊自己時間呢！？
呢條女花勁多時間同條仔一齊，唔開心嘅時候先至嚟搵你，搵你嘅目的就係投訴嗰條仔；
你估下你繼續咁樣方式同佢花時間並且接受佢呢種行為，其實你話畀條女知你嘅時間寶唔寶貴呢？
真相就係：呢條女依家係擁有一切，
佢一方面可以從你身上得到『會聽佢訴苦嘅耳朵，一個畀佢喊嘅膊頭，一個可以接收佢所有負面情緒嘅好朋友』，
但係另一方面亦都係同時最重要，佢就可以喺個賤男人上得到最正最情緒起伏最充滿激情嘅性愛！
所以真係多謝你，佢依家從兩個男人身上可以得到所有嘢，
對佢嚟講係好事，但係對你嚟講呢？
你係咪甘心純粹做一個情緒垃圾袋呢？
＃6 所以如果巴打你想脫離friendzone嘅話，
第一步就係你必須首先知道自己已經跌撚咗落friendzone！
當你有以上類似嘅情況出現，
你就會意識到自己原來一直供奉所有『情感上嘅好處』畀條女，但係從來都冇接收任何肉體上甚至情感上嘅benefits，
你就可以決定你想唔想繼續留喺呢啲咁自殘咁可悲嘅局面裏面。
女人投訴自己男朋友未必係代表佢想離開個賤男，
就算佢真係想個賤男改變對自己好啲，
咁佢都只係講緊佢想男朋友改變，而唔係講緊想透過你去補償呢個賤男嘅不足！
＃7 Anyway，呢啲流行歌雖然好好聽，
雖然能夠喺社會上產生好多共鳴，亦都係點解有超過1.5億人睇咗並且有超過590萬個like；
但係如果你聽得多嘅話，
如果你『對號入座』並且覺得呢啲情景係人之常情嘅話，
你就係被流行音樂扭曲正確男女嘅觀念，
你嘅潛意識就會慢慢地吸收呢啲錯誤情節而喺現實中重蹈覆轍！
咁所以我都唔繼續分析啦，
nyway，已經獲得《殲滅friendzone方程式》嘅巴打，我相信你已經知道依家或者未來要點做。
如果仲未知道嘅巴打，
就請你首先去到manthefvckup.com/freebook加入我哋嘅免費newsletter去獲取更多私人價值啦！
鍾意今集嘅話就like並且留言話我知啦， 下集再見你！