Yo！我喺MTFU嘅Man神啊。
我哋依家喺活係一個『男女關係正在下沉』嘅時代，
好多relationships一係只有激情或者有性冇愛嘅關係，
一係就只有承諾責任或者都有愛，但係就冇一開頭激情大家好想佔有大家嘅passion。
世界各地嘅離婚率越嚟越高，
越嚟越多人都覺得偷食／cheating係冇問題，
又或者嚟緊呢幾年Virtual Reality／VR嘅技術發展得成熟嘅時候，
小弟相信將會有越來越多人好似日本嘅變態毒男咁樣，永遠只靠虛擬科技去解決自己嘅性慾。
雖然呢件事好撚sad，
但係如果你唔甘心繼續活係一個虛擬世界，如果你係珍重真實人與人嘅情感交流，
我今日就會教你點樣盡快分辨清楚究竟自己同某條囡囡有冇將來，令你唔再需要浪費時間同一個『錯嘅人』錯誤地一齊。
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先我想問你嘅問題就係：究竟你有冇一個『完美女朋友或者伴侶』嘅畫面呢？
從我嘅經驗嚟講，
好可能問一千個人先至會有一兩個有一個清晰實質嘅idea，好多男人都冇認真諗過『索女外表』以外嘅性格特質。
咁所以如果你連自己都唔知道自己想要咩類型嘅囡囡嘅話，
因為我喺裏面嘅片喺有教你乜嘢先至係真正『有質素嘅女朋友』。
＃2 第二個重點就係：一段relationship之中能唔能夠成功最大嘅因素，
就係你哋雙方係咪compatible，你哋兩個係咪互相兼容可以共處到。
水同油永遠冇法溝得埋一齊嘅，
所以如果兩個人係『唔協調』 嘅話，你哋兩個係會經常嗌交並且好難長遠相處。
所以如果你唔去決定自己嘅personal life想要啲乜嘢，
如果你純粹讓女人去幫你揀，
如果你任由女人為你定義一段關係嘅條件或者動態，就算你將來係有女朋友或者老婆你都係唔會開心快樂。
咁點樣先知道你同條女係咪compatible呢？
以下有三條問題你可以問自己。
＃3 第一，就係你哋嘅性格／personalities係咪互相兼容呢？
呢個女仔係咪怕醜內向，定係開放外向呢？佢又match唔match你『理想女朋友』嘅畫面呢？
佢係一個好主動甚至進取強硬嘅女強人，定係一個比較被動鍾意聽你話嘅小鳥依人呢？
佢係鍾意諗清楚先去做，定係鍾意做咗先算呢？
＃4 Btw，各位巴打你要明白好重要嘅一點就係：
喺一段relationship之中，你通常係會被一個擁有同你性格相反嘅女士吸引，
或者如果一個女仔擁有『你細個嘅時候捨棄咗某一部分personalities』，你喺會不由自覺地被佢吸引。
但係過咗一段時間，你鍾意呢個女仔所擁有嘅性格特質，你就會慢慢開始唔鍾意呢一部分，
因為呢一類型personalities，正正就喺你好多年前自己disown／斷絕捨棄咗。
譬如話，你一開頭就係好鍾意呢個女仔夠主動夠開放夠唔care人哋諗乜，所以你好鍾意佢咁自由咁wild咁carefree嘅性格；
但係過咗一段時間，你就會開始覺得佢成日咁wild咁咩都唔諗咁探險冒險好煩，
原因就係呢個女仔展露嘅『嗰一部分性格特質』，就係你細個時候放棄咗一部分嘅自己。
Anyway，呢啲嘢比較深奧，我哋遲啲再講多啲啦！
＃5 當我哋發現雙方嘅性格係咪兼容之後，第二條你要問嘅問題就係：
究竟你哋嘅lifestyles／生活方式係咪互相兼容呢？
任何一段長遠成功嘅關係都要雙方少少嘅妥協，
但係妥協得嚟又唔會令自己犧牲太多嘅方法，就係你必須尋找一個同你擁有類近生活方式嘅女人！
所以你哋工作嘅schedules能否讓你哋兩個有足夠嘅時間一齊呢？
你係咪一個返朝九晚五嘅人，但係個女仔就係晚晚需要開夜呢？
你條女係咪一個食煙飲酒嘅人，你又係咪真係長期想同一個咁嘅人一齊生活呢？
咁所以請你觀察一下你同佢慣常嘅行為，同埋每日你哋大約點樣去活自己嘅人生。
透過『妥協』同『犧牲』當然可以令到一段關係work啦，
但係如果你想大家都係最開心最做到自己鍾意做嘅事情嘅話，好多成功嘅情侶都係擁有類近lifestyles。
＃6 最後第三亦都係最重要嘅問題就係：究竟你同條女性愛上係咪兼容呢？
Sexual compatibility，好可能係最重要亦都係最難定斷嘅因素，去決定究竟你同條女係咪有將來。
原因就係：如果你哋喺床上面都無火花無激情無chemistry嘅話，你哋根本只係同緊一個好朋友拍緊拖！
最後兩個慢慢地就會無意欲去做愛，慢慢就冇曬passion，對男人女人雙方破壞性都非常之大！
咁所以請你確保大家都係享受床上嘅時刻，
你哋大家係能夠提供雙方需要嘅性愛次數，
你哋每次做愛嘅時候都感受到大家嘅情感連繫等等。
只要你哋雙方繼續相同對方做更多愛，咁樣就代表你哋兩個性愛上喺兼容！
以上就係定斷自己同某條女有冇將來嘅方法，請各位巴打記得問自己以上三條問題。
鍾意今集嘅話就like並且留言話我知啦， 下集再見你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！