Yo！我喺MTFU嘅Man神啊。
殘酷嘅真相話畀我哋知，世界上係冇完美嘅男人，亦都冇完美嘅女人。
你見到嗰一個又高大又靚仔又擁有模特兒身材嘅男神，可能其實佢好窮仲係同緊阿媽住；
又或者你見到嗰一個執得好正著曬西裝好成功好有錢好有社會地位嘅生意人，返到屋企好多時其實係畀屋企隻老虎乸欺凌緊，根本冇人知道佢內心嘅空虛。
但係無論點都好，過去咁多年嚟我發現咗每一位有性吸引力嘅男士，都擁有以下我所講嘅兩種主要性格特質。
當你可以隨時間develop呢兩種qualities嘅時候，你就會明白你靚唔靚仔根本唔太影響你溝唔到女。
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先想講嘅就係：依家嘅你之所以可能覺得靚仔+有錢+大隻係溝女三大元素。
如果你仍然相信呢個謊言嘅話，都唔可以怪你嘅；
因為咁多個世紀以嚟，社會都話畀我哋知我哋係一個『not enough／唔夠好／唔足夠』嘅人。
社會一直推崇你『需要更多』，你需要『買咁多嘢』，你需要有高薪厚職有車有樓先至可以成為一個完整嘅人，
你先至可以得到你想要嘅嘢，你先至可以得到完美嘅人生。
＃2 但係以上所講嘅『外在物質嘅qualities』，只係佔成個大畫面嘅一小部分。
社會從來都冇同你講，當你去吹噓自己嘅成就／事業／身家同林寶堅尼嘅時候，
當你去吹噓自己幾有學識／見識／品味等等嘅時候，其實你呢種行為正正係最無吸引力！
因為你需要透過『人哋去認同你嘅價值』，呢種行為只係表露你內心嘅insecurity／缺乏自信。
咁究竟有吸引力嘅男人同冇吸引力嘅男人，最大嘅兩種性格特質係啲乜嘢呢？
＃3 第一種就係：好多女人都同你講嘅『自信／self confidence』。
因為最重要嘅都係你嘅外在Actions， 而你係可以透過改變身體去改變你嘅內在心理質素。
但係喺女人眼中，咩叫做真正嘅所謂『自信』呢？
答案就係：
『自信』，就係當一個男人接近女人嘅時候，佢已經深信呢個女人已經係鍾意自己，已經assume咗／假設咗she likes me。
佢並唔需要去吹噓自己有幾cool，
佢並唔需要去sell自己有幾好，
佢並唔需要扮曬Alpha去『氣場震懾』條女，
佢更加唔需要去曬自己有幾叻或者去說服條女點解佢要鍾意自己…
一個有自信嘅男人，係深信條女係會鍾意真正唔完美嘅自己，
而佢係唔需要條女去approve／認可自己，並唔需要透過外界去證明自己價值！
呢種就係所謂『有自信』嘅男人；
但係以下第二樣quality／質素，其實係比起『有自信』更加重要。
＃4 有吸引力嘅男人第二種嘅性格特質：
就係你對自己嘅Self-Acceptance，你對自己嘅自我認同，你對自己嘅自愛／Self-Love！
如果自信就係『你鍾意我』，咁樣自我認同／self-acceptance就係『我鍾意自己！』
嗰種感覺，就係你唔需要任何外在嘅approval，你都已經好鍾意並且欣賞唔完美嘅自己！
Self-Acceptance並唔係講緊『我係天下無敵／我係十項全能／我係天才／我勁過所有男人』，
呢種並唔係Self-Acceptance，呢種叫做妄想症。
Self-Acceptance嘅真正意思，就係你能夠擁抱自己內在唔完美嘅每一面，
你唔會將批評take it personally／無限放大，
你係願意犯錯並且間唔中笑下自己有幾咁傻仔。
當你能夠完全接受唔完美嘅自己嘅時候，你就好難再去憎恨／痛恨／討厭自己，
你就能夠培養自愛／Self-Love，你就唔需要再依靠外在嘅人或事物去認同你，
你就唔會再咁needy／desperate／依戀某條女，或者覺得自己一定要有錢靚仔大隻先至溝到女！
＃5 以上所講嘅兩種囡囡最想要嘅男人特質，係需要時間練習並且培養，
你係必需提醒自己『我已經係一個夠好嘅人』。
你有咁樣嘅基礎心理質素，你之後進步嘅動機先至唔會係因為自己嘅insecurities而去做；
你之後去練大隻／去增長知識／去搵更多錢／去增加自己影響力／去改善自己style同儀容／去為自己使命mission打拼，
你先至會得到內心嘅滿足感同fulfillment，而唔係好似一隻倉鼠咁樣不斷為咗忙碌而忙碌！
所以各位巴打，請你慢慢開始培養『自信／Self-Confidence／你鍾意我』，
同埋更重要嘅『自我認同／Self-Acceptance／我鍾意我自己』嘅內在素質；
你能夠將呢兩種qualities慢慢植入自己心理之中，我保證任何女人都會覺得你無法抗拒！
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！