Yo！我喺MTFU嘅Man神啊。
情人節快樂啊各位巴打！
你都應該知道：無論係咪情人節定係日常嘅日子裏面，女人係會經常遇上『變態佬』嘅，
而呢啲咁creepy嘅男人對女人嘅注意同賞識係女人絕對唔希罕。
無論係你喺個bar到同女人say hi，又或者係whatsapp或者社交媒體畀個單眼仔emoji佢，
呢啲嘅attention女人係唔會想要。
但係講到最尾，女人都係想有男人想要佢；
咁作為男人嘅我哋，又可以幾時主動啲呢？
我哋又可以幾時flirty啲色情啲鹹濕啲呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
以下就有5個情況係女人想你主動啲進取啲。
＃1 第一個情況，就係當你發覺女人對你製造嘅attraction係有正面反應，會同你互相揶揄並且出現一系列嘅興趣指標，
而你哋係過渡緊去『你篩選佢睇下佢同你有冇connection』嘅階段。
女人對你有興趣嘅指標我喺之前嘅集數已經講過，有唔明嘅巴打請你自己勤力啲做功課去research聽返之前嘅集數。
重點就係：一對陌生男女開始互相傾計，好少可真係純粹為做朋友，
大家肯花時間互相取笑相戲弄，都代表大家對雙方有少少interest。
所以如果你發覺女人係被你attract，又肯願意同你傾計connect嘅話 ，
唔該你就進取啲升溫去下一步！
如果你隔太耐都唔升溫或者隔離佢嘅話，佢就可能覺得你對佢冇興趣！
＃2 第二個情況，就係你發覺某個女仔打扮得實在太索，你根本唔能夠忽略佢。
意思就係，一個女人如果著衫著得特別玲瓏浮凸嘅話，好明顯地係有花心機去打扮自己嘅話，
佢做咁多嘢花咁多錢去汁靚自己，絕對唔係純粹為咗畀自己睇囉！
你可能心底裏都好清楚，佢花咁多功夫都係想得到男人嘅注意力；
而尤其喺single嘅時候，佢暗地裏其實都希望可以透過咁樣認識一個合適嘅男人。
咁所以如果你發覺某個女仔打扮得特別索嘅話，
喺合適嘅環境場合你都可以去稱讚賞下佢嘅，詳情就請大家睇番《最簡單稱讚女人的方法》嘅片。
＃3 第三個情況就係當女人講嘢嘅時候，已經係特別露骨特別色情特別sexual。
你都應該今時今日嘅女人，喺有更多嘅自由唔再做一個乖乖女嘅，
好多時候反而女人會比起男人更加主動更加咸濕。
都算係好事嚟嘅，
因為女人肯主動sexual啲嘅時候，都代表佢畀你一個好大嘅機會去開始同佢講多啲情色嘢。
所以當女人肯願意做『猴擒嘅一方』嘅時候，
請你唔好做嗰一個震驚／驚慌／打左個突嘅弱雞小男孩！
女人一sense到你對性愛存有保留，或者甚至存有負面批判性嘅諗法嘅時候，
佢就會驚你會道德批判佢而收埋番自己唔再露出sexual嘅一面。
所以如果你感覺到女人願意打開性愛嘅一面嘅時候，你就可以絕對更加主動open啲！
＃4 第四個情況好簡單，就係當你同佢已經係喺一段relationship之中。
雖然浪漫同激情係會自然地隨時間變得淡咗，
但係如果你能夠維持自己嘅masculinity／雄性力量嘅話，雌性feminine嘅佢仍然係會被你吸引。
女人揀得同你一齊，都代表佢想你『想要佢』；
咁所以你絕對可以間唔中『變態啲』，譬如行過簡簡單單地揸佢屎忽，
又或者喺公眾場合對佢陰陰嘴笑講咸濕嘢，呢啲全部都係一啲男女朋友接受到嘅『變態行為』。
如果係一段性愛關係你唔能夠令女人感覺到你對佢嘅desire／慾望，其他男人就會好可能取代咗你嘅角色！
＃5 最後第五個女人想你主動啲情況，就係當你哋發覺大家嘅passion開始減退緊。
同頭先第四點嘅情況好類似，
如果你哋喺係一個long term relationship之中已經好幾年，你又無仔細研究過點樣維持男女attraction嘅話，
好自然地你哋嘅感情係會變淡。
咁所以喺呢啲關鍵時刻，你主動再次『變態啲』係完全冇問題！
『Love／愛』係一個動詞，而唔係一個名詞。
你係需要主動去take action做一啲嘢，對方先至會感受到你對佢嘅愛！
而同你一齊嘅女人所需要嘅『愛』，同你屋企人朋友等等需要嘅『愛』係唔一樣嘅；
女人係想同你之間有SEX，有性愛有性慾望嘅愛；
咁所以就係你嘅責任去重燃大家之間嘅激情，令到大家的關係再次變得passionate豐盛啲！
以上就係女人想你主動進取『變態啲』嘅5個情況，
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，
下集再見啦！