Yo！我喺MTFU嘅Man神啊。
前日我哋係就講完『如何令女人期待你嘅短訊』，
各位巴打今日想唔想知道最好嘅方式去whatsapp女人出街嘅方法係乜嘢呢？
你又想唔想解決『女人唔覆你message』嘅煩惱呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃１ 首先想講嘅就係：
如果你喺係現實世界裏面每個星期都keep住認識唔同嘅女士，
但係你好似成日都唔能夠約到佢哋出嚟，
又或者佢哋唔係成日覆你短訊嘅話 ，
其實好大嘅原因並唔係你嘅whatsapp／texting缺乏特別嘅技巧。
女人唔覆你短訊嘅最大原因：
其實係因為你攞佢電話之前，一開頭同佢嘅interaction做得差！
＃2 你要明白嘅一點就係：就算女人畀佢真嘅電話你，
其實絕對唔代表佢之後一定會出嚟見你，更加唔代表『抄到牌』就等於佢對你有性趣！
坦白講：今時今日要攞女人電話根本就易到出汁，
事實上只要佢對你有少少好奇／interest，女人都好容易同意畀佢電話你；
但係如果你覺得自己抄到牌就好叻仔嘅話，
又或者你覺得contact list裏面有幾千幾萬條女嘅電話就好威嘅話，
根本你就係捉錯用神！
＃3 重點就係：好多巴打之所以攞到女人電話但係之後對方對你失去興趣，其實並唔係因為你texting缺乏技巧；
真正嘅原因係你一開頭認識佢嘅時候，係你build up得唔夠吸引力同佢對你嘅興趣慾望！
Texting只係一個形式上去邀請女人出嚟嘅工具，只係你哋下次出嚟活動嘅前戲；
如果佢第一次見你真人嘅時候你能夠製造足夠吸引力嘅話，
你之後一個普普通通嘅短訊根本都絕對可以約到佢出嚟！
咁所以你要focus嘅嘢並唔係馬上『抄佢牌』／又或者諗住『越抄得多牌就愈大機會溝到女』，
你要focus嘅係『喺你決定攞佢電話或者畀電話佢之前，增加足夠佢對你嘅興趣，令到佢之後期待等你message佢接收約會嘅邀請！』。
＃4 咁所以巴打你要留意嘅，就係每次你攞女人電話／俾電話女人之前，
你確保自己製造到足夠嘅吸引力，並且都幾肯定對方對你有足夠嘅好奇感，
你先至畀電話佢以便進行之後嘅『約會』。
請你make sure所有嘅『溝女工作』係喺你下次meetup佢之前已經進行咗，
而唔係諗住攞完電話之後約佢再之後先至開始溝佢！
＃5 所謂嘅『date／約會／你邀請佢出嚟玩』只係一啲形式上／formality需要做嘅事情，
因為所有嘅attraction／吸引力係喺你第一次見面嘅時候已經必須開始馬上進行…
喺你啱啱識嘅時候你已經必須開始screen佢／篩選佢／qualify佢／睇下佢有冇你想要嘅性格特質／睇下佢有冇taste識揀你／睇下佢有冇最基本嘅內涵等等，
你先至決定佢有冇資格去攞你電話並且享有機會同你單獨相處！
當你製造到足夠吸引力，當佢嘅性格特質喺合乎你揀女人嘅資格，
當你確保大家至少有少少spark／chemistry／火花 ／連繫嘅時候，當佢對你至少有基本嘅服從性之後，
你就可以攞佢電話／畀你電話佢以便之後再聯絡connect，唔係嘅話你『抄咁多牌+同一啲對你冇興趣嘅囡whatsapp』根本就係浪費時間！
＃6 一個擁有高自我價值嘅男人根本就冇時間喺度同你玩whatsapp遊戲，
又或者浪費兩個禮拜係咁同條女text嚟text去嘗試約佢出街！
每逢女人臨時甩你底，又或者每次你發覺自己花太多時間嘗試約某一條女但係都約唔到，
巴打你都要反思『究竟你攞佢電話之前嘅interaction出現咗咩問題呢』？
以上就係點解女人唔覆你短訊最主要嘅原因，
你除咗可以訂閱MTFU嘅channel之外，
記得就係去㩒嗰一個『接收所有新影片通知』鐘鐘掣，並且每晚出片6-7點呢段時候留言問你想問我嘅問題嘞！
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！