Yo！我喺MTFU嘅Man神啊。
正如上個禮拜嘅宣布：
為咗讓更多巴打可以同我互動問我溝女問題，
小弟決定每次有新片推出嘅時候嘅頭1個鐘，即係每次出片夜晚6-7點呢段時間，我係會即時回答你嘅任何問題。
所以各位巴打除咗訂閱MTFU嘅channel之外，
記得就係去㩒嗰一個『接收所有新影片的通知』鐘鐘掣，
並且每次出片夜晚6-7點呢段時候留言問你想問我嘅問題嘞！
各位巴打有冇試過鍾意過身邊某啲女仔，但係發現佢依家有男朋友或者仲係依戀緊佢前度男朋友呢？
又或者當你同某個自己鍾意嘅女仔出街嘅時候，佢開始講自己男朋友或者前度男友有幾衰嘅時候，你又應該點樣回應呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃１ 首先想講嘅就係：如果某個女人無啦啦同你投訴佢男朋友或者前度，
其實好可能代表呢個女人只係當你喺friend，所以先至會咁舒服同你抒發感情，
亦都代表你好可能已經跌咗落friendzone。
因為女人係好少會咁快同你講佢一啲內心非常黑暗嘅秘密，因為佢好驚對方會唔鍾意佢；
但係如果佢可以咁快毫無保留地話你知自己嘅黑暗面，好多時都代表佢根本唔care你鍾唔鍾意佢，佢對你太過安心，佢只係當你係一個好朋友。
點解？
因為attraction係會令到女人緊張興奮，而attraction呢種情感正正係『令女人感到充滿自信』嘅相反；
如果佢係鍾意你嘅話，佢係會有忐忑不安嘅感覺，成日驚自己唔夠好被你鍾意。
＃2 Anyway，講返正題先：
如果你遇上一個女人無啦啦講自己前度男朋友或者關於現任男朋友有幾唔好嘅話，你應該點樣回應呢？
如果你真係享受同佢『好朋友』嘅關係，你係絕對應該同佢分析佢嘅感情，
話俾佢知點解男人同女人諗嘢係唔同，男人同女人被吸引嘅心理機制亦都唔同。
但係如果你想將來溝佢或者留下一條『佢應該考慮你』嘅伏線，
你就一定要阻止自己唔好咩都同意佢，唔好咩都企曬喺佢嗰邊幫曬佢，唔好同佢站喺同一陣線去踩佢男朋友或者ex！
＃3 原因就係：你要記住，呢個女人係鍾意緊嗰個男人，無論係過去或者現在。
所以無論嗰個男人聽落好似做錯咗啲乜嘢，又或者令到個女人有幾唔開心，
嗰個男人整體總係會做咗一啲嘢先至會令到個女人咁迷戀佢，
個男人做嘅嘢一定係比起你依家『認為係啱嘅事情』做得更正確。
你明唔明我講咩呀？
雖然個女人係投訴緊自己ex／男朋友，但係條仔係喺佢心裏面，而你而家只係外人咋！
無論女人口講話嗰個男人有幾賤格／下流／變態／核突／痴線／臭脾氣／仆街／冚家剷，
你估下如果嗰個臭男人突然之間畀個女仔見佢，條女會唔會即刻抌低你去見嗰條仔呢？
＃4 所以巴打你要明白嘅重點就係：
一個會令到女人成日諗起佢嘅男人，無論諗起嘅嘢係正面定係負面，呢個男人總係能夠令到呢個女人囉囉攣忐忑不安；
所以無論呢個男人做錯嘅事情有幾多，佢做啱嘅事情總係可以彌補到佢所有嘅過失，先至會令到女人繼續放唔低佢！
咁所以聰明嘅你要做嘅並唔係一齊幫手加鹽加醋踩嗰個男人，
你要做嘅係發掘一下嗰個男人究竟有咩做啱咗，令到呢個女人咁迷戀佢呢？
＃5 雖然女人喺你面前不斷講佢嘅ex／男朋友有幾賤格好似好唔尊重你，
但係其實你可以利用呢一點，去令女人不自覺地對你產生吸引力。
你有冇試過睇過一齣恐怖戲，譬如話以前睇貞子，
跟住之後就搞到你好驚開電視，搞到你對夜媽媽睇電視有陰影呢？
出現咁樣情況既原因就係因為Emotions／情感，係會associate落去你當時某一個situation裡面，
某一種感受係會同你當時係乜嘢環境場合裏面出現連繫埋一齊。
＃6 所以你更加需要remind返個女人點解佢個ex會搞到佢咁開心興奮呢？
條仔做過啲乜嘢係會搞到條女有一段難忘嘅回憶呢？
當你誘導女人諗返起嗰一種刺激又興奮有心跳嘅感覺嘅時候，
而你又喺佢面前嘅話，你就會暗地裏成為女人arousal／性興奮嘅間接受益者。
呢種就係misattribution of arousal嘅威力，
你越係能夠令女人想像感受不同嘅情感，佢就會越係誤以為嗰種情感係同你有關！
你又見唔見到呢招咁陰濕嘅招數可以點樣善用呢？
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！