＃1 Yo 各位巴打！終於嚟到我哋2017年嘅最後一日，
亦都係喺嚟到我哋《2018年成為真男人的七步曲》嘅最後一集，大家興唔興奮緊唔緊張呢！？
首先一個小小嘅宣佈就係：各位巴打應該發覺到，呢幾日唔係日日都有新片出嘅。
點解呢？
因為之前有唔少嘅巴打同private coaching clients同我反映，
話每日出新片雖然都好有價值，但係佢哋真係感覺好吃力追唔切，出片出得太快吸收唔到。
咁所以我決定嚟緊將會減少出片量，每個星期出大約三至四段片，
畀大家有足夠嘅時間去睇返之前未睇嘅片之外，
亦都有足夠嘅時間去keep住收到update最新嘅片，令大家更容易消化。
另一樣嘢就係，你會嚟緊喺2018年見到MTFU有更嶄新嘅trainings同服務比大家；
所以如果你唔想miss咗任何宣布嘅話，
你除咗follow我哋YouTube並且選取通知之外，
請你記得follow埋我哋嘅IG（manuptoday）同埋免費嘅newsletter，
去獲得第一時間通知同埋額外價值啦！
＃2 Anyway，講番今日最後一集先，就係我哋前幾日講咗七步曲嘅頭六步。
我哋講咗要集中喺自己嘅進步／progress，
我哋講咗要下定決心完成set好咗嘅事情／resolve，
我哋講咗要有清晰嘅願景同具說服力嘅原因／Reasons Why，
我哋講咗要提升自己嘅標準水平／standards，
我哋講咗要將自己嘅新標準變做內在嘅身份／identity，
我哋講咗要圍繞自己喺有高標準嘅朋友同導師之中／ peers ＆ mentors，
今日就嚟到最後第七步，就係你必須把握你眼前嘅機會，grasp your opportunity！
＃3 股神巴菲特曾經講過：
『Big opportunities in life have to be seized／人生嘅大機會係需要你主動去捉住嘅。』
佢曾經喺喬治亞州立大學嘅開學禮上面就講過：
『每逢你認清一個適合自己嘅大機會嘅時候，你就一定要捉住佢並且全力利用佢，因為人生未必會出現好多呢啲咁樣嘅機會。』
＃4 所以佢講嘅嘢就正正好連繫返我哋第一日講嘢第一步：
你必須爭取機會去率先開始，去開動你行動嘅機器，去start你嘅momentum。
你都聽得我多講話一定要take fvcking imperfect actions㗎嘛！？
就好似你見到我過去一年每日出片出咗350段片一樣，不斷付諸行動秘訣，
就係每次你喺一種做決定嘅狀態嘅時候，你就必須踏出第一小步去take action！
咁樣你先至能夠令到自己之後會follow through／持之而行，讓自己有內在嘅動力繼續向前行並且成長。
＃5 有一句好出名嘅說話好多人以為係馬克吐溫／Mark Twain所講嘅，
但係其實係由美國作家Harriett Jackson Brown Jr.所講嘅就係：
『20年後嘅今日，你將會對於自己冇做嘅嘢較為失望，多過嗰啲你已經做咗嘅嘢。所以唔好再逗留喺表面舒適安全嘅海岸裏面，你係時候勇敢出去大海航行，去探險去追夢去發掘更多真相。 』
『Twenty years from now you will be more disappointed by the things that you didn’t do than by the ones you did do. So throw off the bowlines. Sail away from the safe harbor. Catch the trade winds in your sails. Explore. Dream. Discover.』
＃6 所以各位巴打，你都知道MTFU存在嘅目的，就係想協助有野心有大志嘅你去得到你想要嘅嘢。
所以請你唔好讓2018年好似2017年咁樣渡過，
就算你嘅2017年好似小弟一樣咁精彩更充滿傳奇性，
我哋都千祈唔好自滿，唔好變得自鳴得意，唔好安於現狀；
我哋都必須進一步提升自己嘅standards，
咁樣我哋先至可以不斷成長進步，繼續感受由內而外由心出發嘅fulfillment／滿足感。
＃7 成長進步／Growth ＆ Progress，就係令到我哋感到有活力感到興奮嘅秘訣。
令到我哋開心嘅，並唔係我哋最終得唔得到一啲外在嘅事物；
令到我哋開心嘅，係我哋喺過程之中成為一個點樣嘅人，
it is WHO we become that makes us happy and fulfilled！
因為最終我哋成為一個點樣嘅人，我哋就能夠利用嗰一個更有質素更有價值嘅自己，去為世界貢獻更多；
而嗰一種嘅contribution，就係令到我哋感受到深層次意義／自己既人生有meaning嘅終極方法。
＃8 所以最後我就想畀一份功課大家去做。
首先就係，你想自己人生嘅邊一個範疇得到改善呢？
如果你傾計好叻嘅時候，你識唔識得點樣從女人身上燃點激情呢？
如果你識得製造passion嘅話，你又識唔識得點樣同女人製造一啲有深度嘅connections呢？
你調情嘅方法又有幾好呢？
你嘅健康／fitness呢？你嘅工作同財政狀況呢？
＃9 當你搵到邊一個範疇最想獲得改善之後，請你仔細地形容一下嗰一個area依家嘅狀態係點樣。
譬如話：可能你依家係過重咗27磅，又或者每日起身發覺自己好攰，又或者成日見到靚女嘅時候就唔知講啲乜嘢；
又或者雖然成日食女，但係唔識得點樣同女仔進一步進展一段認真啲嘅relationship，
又或者其實你已經拍緊拖但係大家嘅感情冇乜passion等等。
＃10 之後就請你寫低，導致你依家情況出現嘅嗰樣嘢，
其實背後有乜嘢特定嘅behavioral habits／行為習慣，係令到你依家有咁樣嘅結果呢？
譬如話：可能你發覺自己真係食某啲嘢但係又唔食某啲嘢，
或者發覺自己瞓覺睡眠嘅習慣係點樣，又或者發覺自己可能成日都冇乜點郁等等。
通常出現嘅壞習慣都係唔止一種，所以你就要問下自己，
喺某個遇上困難嘅area之中，我有啲乜嘢壞習慣唔係成日做或者成日都唔做，導致出現嗰一種壞結果呢？
＃11 再之後一步係好簡單，就係問下自己：『我究竟真正想要啲乜嘢？
我2018年究竟有乜嘢嘅願景？如果今年我只可以達到三個目標，我最想得到啲乜嘢？』
寫嘅時候請你寫得仔細specific啲。
＃12 最後就係，究竟有啲乜嘢嘅行為習慣／behavioral habits，或者諗嘢嘅模式／thought patterns，
係我需要持之以恆地去做，我先至可以得到我想要嘅嘢呢？
譬如話：如果你想增加自己嘅力量／strength或者能量／energy，我每個星期要做幾多次負重運動呢？
我每星期邊一日咩時間係需要做gym呢？
邊一款嘅workouts係適合我自己呢？
我又可以點樣確保自己做啱到動作並且以合適嘅強度去訓練自己呢？
＃13 係時候起身啦巴打，係時候wake the fvck up啦巴打！
你真係想新一年有新嘅成績，請你馬上開始，
根據頭先我畀你嘅指引去做功課，並且運用我過去7集教你嘅7步曲去昇華自己。
就算你可能覺得目標好遙遠，好似好多嘢做，都唔緊要嘅；
你只需要開始做第一樣嘢，just start the first fvcking thing！
當你肯真係take action做第一步嘅時候，
你就會得到momentum／動量，你就會開始逐少逐少地改善自己。
＃14 要記住嘅就係，人生只有兩種痛苦…
第一種痛苦就係 the pain of discipline，自律嘅痛苦；
第二種痛苦就係the pain of regret，後悔嘅痛苦。
自律嘅痛苦係短暫輕微嘅，但係後悔嘅痛苦係一世沉重嘅…
你2018年又會選擇以邊一種嘅痛苦去做人呢？
＃15 多謝咁多位巴打喺2017年支持我Man神，
多謝咁多位巴打選擇去為自己活一種充滿激情充滿快樂充滿滿足感嘅生命，
多謝咁多位巴打繼續喺2018年同埋之後咁多年支持MTFU嘅遠景，去一齊令到世界變得更加美好。
鍾意今集嘅話，就畀個like呢段片並且comment話我知啦！
我哋2018年，上上下下喺新嘅一年再見大家，
peace！:D