Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
＃1 各位巴打，
我哋好快好快就會完成《2018年成為真男人的七步曲》呢個series喇，
我哋亦都好快好快就會踏入2018年啦，你準備好未呢！？
上一集我哋就講到提升自己嘅標準／raise your standards，
解釋咗點解你必須質問自己：『究竟現時我認為自己喺乜嘢身份，呢種諗法係幾多年前開始養成呢？
我覺得自己做到或者做唔到嘅嘢，我係幾時開始有咁樣嘅信念呢？』
＃2 今日就想講下，第六步去喺2018年成為真男人嘅方法：
就係除咗你要提升自己對自己嘅standards之外，
你亦都必須提升你身邊嘅朋友同埋導師嘅standards，唔係嘅話你就絕對會原地踏步！
＃3 首先你必須明白嘅就係：
你同乜嘢人花最多嘅時間相處，你就絕對會漸漸地成為嗰一類嘅人，亦都係『近朱者赤近墨者黑』嘅智慧。
＃4 各位巴打你雖然知道小弟Manson我喺又靚仔又有學識又有啟發性，
但係我之所以每年會投資超過六位數字喺coaching身上嘅原因
（無論係business／dating／meditation／又或者飛向世界各地參加live events），
原因就係我想得到最top嘅專家佢哋喺各個科目之中最高嘅standards！
如果你成日同一啲低標準／low standards嘅人類相處，
無論係你嘅朋友／屋企人／你老婆／你女朋友等等，
我可以保證你你永遠都會活喺自己嘅comfort zone之中，你永遠都會停滯不前，甚至落後退步。
＃5 我親愛的巴打，你喺2018年真係想為搵到滿足感同快樂嘅話，
你就必須step the fvck up為自己站起來，你就必須提升你對自己同你身邊嘅peers嘅標準！
＃6 假設你打網球抽到獎，發覺自己嚟緊三個禮拜可以同拿度或者費達拿打波，
連續三個星期互相練習，你估下三個星期後你打網球的技術會好咗定係差咗！？
明顯地，搵一啲比你叻嘅人去練習係令你進步嘅最快方法。
＃7 相反，如果拿度或者費達拿同你打三個星期波，你估下佢哋三個星期之後會唔會打波打差咗？
Of course！點解呢？
原因就係因為：Who you spend time with is who you become，
你同邊類人花最多時間一齊，你就會慢慢變成嗰一類人。
＃8 所以喺2018年，請你堅決去參與一啲比你高level嘅小組，將你自己圍繞係一班比你更叻更醒目更聰明嘅人身邊。
你問我有咩意見？
冇錯，MTFU嘅Youtube channel 同IG就係你成功嘅第一個起點，
而如果你想更進一步嘅話，你當然係會想加入我哋免費嘅newsletter，去進一步獲取我哋email獨有嘅資訊。
至於如果你有興趣personal coaching嘅話，都要視乎當時有冇位，
因為你好可能需要喺waiting list上面等一排，之後先至會睇下收唔收你做學生。
Anyway，你有興趣嘅話就email問我啦，
唔好問我email係咩，因為我係喺Youtube多個位置已經有講嘅！
今集重點講多次：Who you spend time with is who you become，
你同邊類人花最多時間一齊，你就會慢慢變成嗰一類人。
鍾意今集嘅話，就畀個like呢段片並且comment話我知啦！
我會視乎大家嘅反應，再睇下幾時推出最後一集，
2017年之內完唔完成到呢個系列就靠你支持喇！
希望今集幫到你！