Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
經過差唔多一整年嘅用心工作，我哋終於嚟到超男之道嘅最後一集喇，
唔知道各位巴打喺過去咁多個月從超男之道之中學到啲乜嘢呢？
你最鍾意嘅又係邊一集呢？
如果你鍾意呢一個系列，又或者鐘意我協助大家分析唔同類型深層次嘅書籍，
你就依家比個like呢段片，跟住comment話我知你想我之後幫你分析咩書籍啦！
Anyway，嚟到超男之道系列嘅第52集，
今集非常簡短，就係叫做：練習解放融化自己，Practice Dissolving！
＃1 作者意思係：就好似係一種激烈嘅性高潮之中得到嘅融化，男人最大嘅慾望就係能夠完全地解放釋放融化自己！
＃2 喺每一個moment，喺每一個時刻，你都必須不斷透過女人同世界去練習愛，
容許自己完全釋放surrender嘅力量，去將每一個時刻轉化成一種神聖嘅性高潮。
#3 如果你能夠以一種lover／情人戀人愛人嘅方式去擁抱每一個當下，
去擁抱每一種嘅experience，去相信每一個方向都係因為愛而令到你移動…
咁樣你先至能夠係分享自己最大禮物之中死亡，
你先至能夠喺一種完全『融化釋放自己』之中死而無憾。
＃4 Fear／恐懼係你嘅最後藉口，你唔需要去同佢鬥爭，
你只需要透過love／愛去穿透所有恐懼，
咁樣你就能夠完全打開心，讓自己最真實最authentic最有力量嘅一面去感染世界。
#5 呢個就係超男之道嘅最後一個重點：
希望各位巴打能夠明白雄性男人同雌性女人本質嘅不同；
能夠明白點解男人同女人係兩種完全不同嘅生物，擁有各自嘅真相去感受世界；
能夠明白點解purpose & mission／人生目的同使命先至係男人嘅優先事項，
而the flow of love in relationships／關係中愛嘅流動先至係女人嘅優先事項。
各位巴打仲想我為你分析其他書籍嘅話，
就請你馬上like呢段片，並且comment話我知邊一本書你想學啦！
希望超男之道嘅咁多集幫到你！