Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
今日想好快同各位巴打講下，一啲年青朋友可能會遇上嘅問題，
就係即使好想上床搞嘢，但係因為缺乏經驗，又或者一啲以往唔太好嘅experience，
搞到心理上有陰影，影響自己嘅sexual performance。
基本上，你對於性愛有太多憂慮或者有啲驚佢唔知點樣搞嘢，其實主要嘅原因只有好幾個：
－一係你就曾經試過想搞野，但係扯唔到旗，懷疑自己係咪不舉。
－一係你就曾經都搞過嘢，但係就係一個快槍手，幾分鐘甚至幾十秒之內就射咗出嚟，懷疑自己係咪早洩。
－一係你就曾經經歷過一啲所謂『道德宗教式洗腦』，覺得做愛係一件污糟邪惡錯誤嘅事情，覺得sex只能夠係神聖莊重嘅場合環境條件下先可以進行。
如果你係基於第三個原因以害怕上床搞嘢，我哋遲啲會在開一集講多啲。
但係如果你遇上嘅問題係第一或者第二種原因，可能你好耐以前曾經試過扯唔到旗或者幾十秒就射咗出嚟，
咁呢啲經歷嘅畫面你可能會不斷喺自己嘅腦袋replay再replay，
最後將成件事件放大，並且越來越懷疑自己夠唔夠man。
第一樣嘢你必須明白嘅就係：間唔中你遇上呢啲premature ejaculation／又或者唔知點解扯唔到旗好耐／又或者覺得自己唔夠硬，
其實呢啲睇女仔眼中都唔係一件『非常大世界末日嘅事』，好多女仔都唔會覺得係一件big fvcking deal。
因為可能你遇上嘅女仔嘅性經驗都比你豐富，
所以佢人生都見過唔少男人間唔中扯唔到旗或者勁快射，所以對佢嚟講都唔係一件驚人嘅事。
對女仔嚟講，雖然great sex都係維繫關係嘅重要元素，
但係女人傾向去感受同你一齊嘅時候，成個emotional experience／成個情感經歷，而唔係純粹單睇你性愛能力有幾強。
相反，好多男人就諗多咗／overanalyze過度分析自己嘅性問題，覺得自己扯唔到旗或者早洩就代表自己係一個loser，將成件事無限放大。
事實就係，鍾意你嘅女人係會諗：
『唔，我識咗呢個男仔，佢個人都幾好玩幾搞笑幾正呀；我同佢又好似幾夾咁，雖然佢又間唔中窒下我，但係佢又識得令到我感覺好sexy同興奮。
跟住我哋嘅前奏又有好正喎，搞到我都好投入。我哋有試過搞嘢㗎，但係你第一次唔太work，不過整體嚟講，成個experience都幾好呀。』
喺女人嘅腦裡面，佢就只會略略帶過你嘅sexual problem；
所以其實只有你覺得係一件大問題，之後搞到自己每逢有得搞嘢嘅時候越嚟越大壓力，最後又因為太過緊張而影響表現。
Anyway，除咗你要明白sexual anxiety大多數都係心理緊張之外，你有有乜實質嘢可以做去改善呢？
首先就係，如果你扯唔到旗，你就應該休息15－20分鐘之後再嚟過。
只要你唔好比呢種暫時性嘅生理反應影響自己嘅情緒，影響自己嘅mood，
好多時只要你keep the fvcking going，你嘅小鳥之後就會無啦啦識得抬頭做人。
喺嗰段期間，你只需要直接同個女仔講話一陣再試過，
跟住你哋繼續做返之前嘅傾下計，談下情，flirt下，玩下其他嘢。
只要你唔好覺得係一件大件事，女仔通常都唔會覺得係一件大件事。
至於如果你覺得自己幾分鐘之內就太興奮太快射咗嘅話，
視乎你嘅年齡同健康情況，通常呢等大半個鐘或者一個鐘到，你就可以再嚟料再搞過。
因為sex唔係純粹講緊你哋穿穿插插嗰個過程，sex係講緊由你哋接觸嗰一刻互相開始flirting，
互相開始提升sexual chemistry，互相開始增加身體接觸，
慢慢各方面升溫，變得越來越親密，去到成個做愛過程，
到做完愛之後更親密地connect嘅整個emotional experience。
穿插只係sex嘅一部分，所以只要你成個過程係sexually comfortable，
只要你隨時間不斷增加你嘅性經驗，你將來會繼續遇上呢啲問題將會越嚟越少。
咁所以各位巴打，
如果你未有百零次嘅性愛經驗（無論係同一個女仔或者同多個女仔），咁你就無需要太過擔心你自己嘅所謂『不舉／早洩』問題。
只要你唔好又煙又酒，只要你平時朝早起身係發現自己扯到旗，
只要你持之以恆不斷練習，只要你keep the fvcking going，
你嘅性愛憂慮將會逐步消失！
希望今集幫到你！