Yoyo, 歡迎嚟到新一集嘅Man The Fvck Up, 協助你創造一個你想要嘅戀愛生活。
首先我必須承認嘅係…
今集嘅Man The Fvck Up 並唔係為你而拍嘅,
今集其實係為咗提醒我自己而去拍嘅。
想問你一個問題,
你有冇試過同一個女仔出街, 又或者啱啱去完你嘅first date…
你覺得識咗一個好特別嘅女仔, 你覺得你哋之間嗰一個 vibe, 嗰一個氣氛感覺係有啲唔同?
嗰chemistry, 嗰關係好似係特別密切, 你哋之間嘅接觸係畀之前你所認識嘅女仔特別唔同…
總之個感覺就係呢個女仔好似乜嘢都特別好咁。
可能你自己都唔知點解會有呢啲感覺,
但係你好清楚嘅就係你好想再見到佢…
呢一樣嘢最近就發生喺我自己身上。
其實我開頭對佢一啲都冇興趣㗎啦, 但其實我識咗呢個女仔都有好一段時間, 而且隨著我哋傾計嘅時候, 我無啦啦sense到佢有啲唔同。
或者係因為佢話咗畀我知, 我以前點樣正面咁樣影響咗佢嘅人生;
又或者我感覺佢畀我上次見到佢成熟咗好多;
又或者佢令我諗番起以前嘅我係一個點樣嘅人。
總之成個感覺好正,開始又有少少feel.
第二樣嘢我今日要承認嘅就係…..
我同個女仔都前前後後whatsapp左唔少…
即係話, 今次仆街啦。
因為可能你都知道, 我有條規則嘅…
就係盡量少啲message/ whatsapp個女仔直至你見到佢真人, 因為 腥message係對你冇額外嘅好處。
但係今次破壞咗依條遊戲規則…
咁所以依家咪自作孽囉, 我同佢text得太多, 所以佢開始佢冇回我, 頂!
或者之後會嘅, 又或者之後唔會…
都已經唔太重要。
因為我今日隨時可以出去識5-10個女仔, 又或者聽日又識多10個 …
每一日喺你身邊擦身而過嘅都有數以百計睇落唔錯嘅女仔, 只要你識得點樣去approach 同埋social, 識女仔根本唔係一個問題。
但係我都知道, 如果將來唔再見呢一個人,係一件好可惜嘅事。
但係呢個就係當你顯示得太多低吸引力嘅行為,當你忘記咗女人係唔鍾意一個黐身嘅男人嘅代價。
唔緊要嘅,
又多一個考驗…
又上多一堂寶貴嘅課…
又多一個機會去成長…
你知唔知最好嘅下一步係應該做啲咩?
你準備好聽答案未?
答案就係咩都唔好做 。
呢一刻最好嘅一步就係讓時間去幫你行下一步…
如果佢想再見我, 佢係會再搵我。
相反, 如果佢發現佢好憎自己, 唔認為自己應該得到最好嘅嘢, 咁佢就唔會再搵我。:)
我經常同client講,當你嘅emotion你嘅情感係好想focus 喺其他方面嘅時候, 唔係個個男人都可以控製到自己繼續行返佢哋應行嘅路, 繼續去專注工作, 執行佢哋每一步。
但係只要你肯堅持咁樣做, 你飄忽嘅情緒就會好快穩定, 你可以好快恢復理智 。
所以呢, 我親愛的巴打們…
如果呢一刻有一個女仔唔覆你message…
或者放你飛機…
或者聽日同你去玩心理戰, 令到你思緒不寧…
我係好清楚明白你嘅感受, 我比任何人想像經歷得更多類似嘅經歷…
但係呢啲嘢已經唔再影響我的情緒, 即使有啲friend話我好似好冷血咁…
但係哋唔明白嘅一樣嘢就係,
佢哋唔知我比任何人經歷得更多呢啲嘢,
所以已經去到一個點係呢啲嘢對我冇效,
當呢啲嘢再發生嘅時候, 我畀佢穿透我, 咁我好快就繼續行返屬於我自己嘅路。
我唔知今日我share嘅嘢幫唔幫到你, 我淨係想表達一下我遇到呢一啲情況嘅時候我有咩feel, 又會有幾多人打開個心同你咁樣講嘢?
多謝你今日收聽,
真心嘅,
下一集再講,
byebye.