Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
想問下各位巴打，咩叫做真正嘅自信呢？點樣先至為之有魅力呢？
其實有魅力有自信將來會成功嘅人，係擁有兩種性格特質：
＃1 願意喺唔確切／唔肯定／未有所有資料資訊條件之下，勇敢去take action踏進知數。
＃2 之後無論對方或者事件畀咩第一個反應／回應佢，佢都會100%接受，唔會將成件事take it personally.
意思就係：
＃1 有魅力有自信將來會成功嘅人，就算唔知道將來會發生咩事，
你會接受uncertainty並且願意踏進未知數，揭開神秘嘅面紗。
雖然你唔鍾意呢種感覺，但係你接受生命就係充滿神秘感，
所以你決定唔再嘥時間，直接move forward去睇下某樣嘢究竟係咩嘅一回事。
#2 你會接受對方/事件俾你嘅第一個反應。
譬如：你行去approach某個女仔，無論佢比咩第一個反應你，你都會欣然接受；
並且唔需要對方嘅permission，你會勇敢地作出下一個行動。
好多男人成日覺得自己『冒咁大風險』行去同女仔傾計，
就覺得女人係欠咗佢，覺得女人一定要好有禮貌並且打開自己去同你傾計。
咁樣嘅做人態度簡直係BS！
女人係冇同你簽合約講明，你做咗某樣『勇敢行為』，佢就一定會繼續支持你去結婚生仔㗎嘛！
你勇敢向前行嘅原因係為咗自己，
係因為作為一個成年人，果斷地去做自己想做嘅事，而唔係為咗得到別人嘅讚賞。
但係等我澄清一點：
雖然你唔需要別人畀好嘅反應你或者支持你繼續行動，
但係對人有禮貌／對人友善呢啲係好嘅價值觀，呢啲係值得提倡嘅事情，你自己應該平時會做。
Anyway，重點就係：
有自信嘅人係唔需要等到100%肯定／知道曬所有information先至行動嘅。
有自信嘅人係會欣然接受所有uncertainty，
喺存在不明確因素嘅條件下，仍然會take action，並且欣然接受之後出現嘅第一個結果；
如果結果唔理想嘅話，佢先至會在即時再根據現實情況諗辦法，執生睇下點樣改善。
希望今集幫到你！