Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
我哋琴日講完頭三種challenge女仔嘅方式，今日就會好快講下第4至6種。
Challenge ＃4：唔好每一次都直接正經地回答女仔問你嘅問題。
當女仔開始對你有感覺，佢就會嘗試問你越嚟越多私人問題。
當然呢啲機會係畀你去用你嘅魅力flirt下佢，challenge佢，
但係你都唔好overdo咗，唔係嘅話你就會唔小心喺度qualify／證明自己，你嘅吸引力就會慢慢下降。
所以通常最好嘅回應方式係，
首先比一個搞笑／白痴／跨張嘅答案，同佢玩一陣，之後先至好略略畀返一個真實嘅答案佢。
例如佢問你返工做咩㗎，
你就可以首先講話『我做FBI㗎，專喺捉一啲性格唔好嘅女仔lol』，白痴地玩完一輪之後，先至畀真正hints佢。
例如佢問你幾多歲，
你就可以講話『幾多歲都唔重要啦，你對我嚟講太細個喇，我哋無可能 :p』，flirt完一陣之後，先至考慮講唔講真實嘅歲數比佢。
例如佢問你拍過幾多次拖，
你就可以講話『截至今朝為止，107個啦 lol』，互相玩完一輪嘢之後，先至畀真實答案佢。
咁樣就能夠好玩地challenge女仔去work for你，去逐步地揭露真實嘅你。
Challenge ＃5：適當地流露你對佢嘅興趣，令到佢有原因去思念你。
要小心平衡你『唔去追女仔』同你表達『完全對佢冇興趣』呢兩樣嘢，
如果你太過冷漠，就算女仔對你有興趣，佢可能都會覺得『你的機會不屬於佢』，覺得畀你reject咗就會放棄。
所以當你發覺女仔對你好奇，你就要透過subcommunications適當地流露少少對佢嘅興趣。
其中一樣行為上嘅表達，就係當你唔在場嘅時候成為一個神秘嘅mystery，
但係你在場嘅時候就be present with her，讓佢感受到你嘅存在感，
透過好玩挑戰嘅氣氛製造吸引力，令到佢之後唔見咗你嘅時候，掛念嗰一種感覺。
當然呢樣嘢係需要正確嘅方法同正確嘅強烈度去調節，唔係嘅話你就會慢慢跌落friendzone嘅位置。
講開神秘感，亦都去到我哋嘅第6點。
Challenge ＃6：一個有神秘感嘅男人，係會challenge女仔嘅好奇心，令佢想知道多啲，想為你做多啲。
最正最好玩嘅女仔通常都係一啲好sharp好smart嘅女仔，佢哋係能夠好聰明地不斷同你過招同你互相揶揄製造火花，
而唔係好蠢鈍地唔明你做乜。
所以當你能夠製造一種『令佢想知道關於你更多』嘅感覺，你哋雙方就能夠多種程度地互相連繫。
要明白女人天生就係一種照顧人嘅nurturer，
只要當你唔係好依賴好needy地要求佢照顧你，你就能夠激活佢女性嘅慾望去『唔損害你自尊／面子嘅情況下』去take care你。
所以喺傾計嘅時候要喺適當嘅位置『留白』，容許佢去填補呢啲空間，
引導佢去問你更多問題，引導佢去發掘更多關於你嘅嘢。
要記得唔好咩都公開講曬出嚟，永遠留下伏線，
讓呢啲神秘感填補女性對你嘅思考空間，藉此讓佢嘅情感投資去你身上。
至於最後三種嘅challenge女仔方式令佢鍾意你係乜嘢呢？
記住唔好錯過聽日最後一集，
如果你表現好，我好可能係最尾會送多樣嘢畀你，
所以萬勿錯過，希望今集幫到你！