Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
嚟到超男之道系列嘅第17集，今集叫做 Women Are Not Liars，女人唔係大話精。
意思係：
『講得出做得到／keeping your word』係一種雄性嘅特質，男同女都係。
但係如果一個人嘅底子喺擁有更多雌性特質，
可能佢未必真係能夠『講得出做得到』，但係對佢嚟講唔係『講大話』。
喺雌性女人嘅現實，
語言／字詞／字眼／證據／事實根據等等全部都唔係著眼點，
佢哋會認為自己每一刻嘅情感emotions同任何關係轉變緊嘅心情，係可以凌駕一切。
當女人同你講：『我好憎你／我永遠都唔會去日本／我永遠都唔想同你睇戲』等等，
好多時都只係反映瞬間當下所感受嘅流動情感，而唔係對某種事項永遠不變嘅立場。
相反，雄性男人講得出就應該做得到，男人口中所講嘅嘢就喺佢嘅榮譽，a man’s word is his honor.
但係雌性女人所講嘅嘢只能代表佢當下一刻嘅感受，只係反映嗰一秒佢真實嘅表達。
所以女人嘅speech，好多時會比較似係一首詩咁樣，多過係一種付諸行動嘅計劃。
例如你可能問佢想唔想睇戲，佢可能會話唔想。
但係你之後行去攬住佢，fing佢一個圈，再同佢講『不如我哋去睇戲喇』，佢可能就會話好呀！
所以女人一開頭話唔去睇戲，唔係代表『佢冇慾望去睇戲』，
女仔係講緊當時嗰一刻『佢對你嘅感受』並未強烈到想同你去睇戲。
所以同女人溝通基本嘅規則就係：
唔好太過盡信女人口講嘅每一言每一語，唔好太過斟酌佢嘅wordings；
當女人係以佢哋嘅雌性本性同你相處，
要明白，佢口中所講嘅嘢只係講緊佢當下嘅感受（her current feelings），唔一定代表你哋之間講緊嘅topic／subject matter。
除非女人當時係充滿對你嘅愛意，
否則唔好因為『女人講話佢想做啲乜嘢』，你就十足十跟住佢所講嘅嘢去計劃你哋嘅行程 。
佢嘅心情係每一秒都轉變緊，
所以你可以預期當佢嘅心情轉變，佢係可以隨時改變原本嘅諗法／決定。
對我哋男人嚟講，
女人睇落去好似成日都三心兩意，自打嘴巴，講大話，做人冇原則等等。
但係你要明白呢種就係雌性女人feminine woman嘅原始特質，
所以作為雄性男人嘅你係必須最終為你所下嘅決定負上100%責任。
你一定要以自己嘅真相Truth為基礎去做決定，
如果你下下嘅決定喺妥協於女人當時不斷改變嘅表達，你最後只會責怪佢㗎啫！
你要做嘅就係：
仔細聆聽女人所講嘅嘢，並且感受佢背後嘅情感；
跟住小心考慮佢畀你嘅意見，最後用你最大能力根據自己內心嘅truth去作最好嘅決定。
咁樣你就唔會妥協自己嘅path，又唔會責怪女人係咁改變主意；
你就可以享受睇住佢呢種好似天氣咁變幻莫測嘅情緒，
同時知道自己嘅actions永遠都係忠於自己嘅智慧同真相！