其中一樣男士最常遇上嘅阻滯，就係溝女過程中失去動力。
無論喺繼續堅持玩app玩IG，定係間唔中daygame或者去夜店酒吧社交場合識女仔，好多男士都冇乜耐力，寧願選擇喺屋企睇波或者打機都唔願意溝女。
如果你覺得付出咗一段時間，好似都冇乜收獲開始有啲氣餒嘅話，今集嘅Man Talk就一定幫到你；因為我會分享幾樣令你溝女有更多動力嘅方法，令你繼續享受呢個遊戲！
咁所以你鍾意今集topic嘅話，就請你依家率先LIKE同訂閱我哋嘅YT channel，follow我manupmanson嘅IG，睇完片之後就留言話我知你下集想睇咩內容啦！
＃1 第一樣你必須做嘅：就係接受你任何形式嘅情感狀態。
任何人都喺想自己每一秒都快樂興奮，任何人都喺想自己無憂無慮地過活。
但事實係，九成時間我哋都係解決緊自己人生某啲嘅爭扎，基本上喺無可能完全零問題地生活。
咁所以當你溝女時想做某啲嘢，但喺又冇乜動力去做嘅話；你就要停一停，深呼吸，去觀察下自己內心點解喺度對抗緊。
唔好審判自己住，你只需要察覺一下自己嘅情感狀態，然後選擇完全嘅接受。
＃2 第二樣你要學習嘅：就係明白所有嘅feelings都係暫時性嘅。
無論喺唔開心／擔心憂慮／抑鬱／憤怒／又頹又悶，定係開心興奮／好有衝勁／舒服平安嘅感覺，呢啲feelings都係會隨時間而消逝。
咁所以只要你溝女時記得返呢啲真理，就算你當時冇乜mood你都知道自己好快就會有返推動力。
一個小小trick就係你瞌埋雙眼，幻想一下自己正面有動力嘅畫面，利用一啲美好將來嘅影像去激勵你呢一刻！
咁樣你能夠增加某一刻嘅行動力。
＃3 第三樣令你有動力識女溝女嘅方法，就係淨係集中去咗下一步。
唔好諗遙遠嘅嘢：唔好諗佢係有潛質做女朋友，唔好諗你之後點樣約會佢，唔好諗佢係咪有男朋友…
Instead，你只需要集中諗當下嘅下一步
譬如話：想喺屋企識女？開個app囉。
喺街上想認識條女？行過去佢身邊先啦。
想約會啊？搵5條你whatsapp緊嘅囡囡text返一兩晚先囉。
約會期間啱玩想開房啊？帶佢轉場去飲杯嘢先囉。
唔好一次過諗晒之後10步要做乜，每次只集中下一步，你就會覺得相對容易，你就會更有動力行動。
＃4 第四樣喺同第三樣喺相反但可以並存在嘅概念，就係有意識知道大picture點樣走。
意思姐係話：正當你微觀地集中行動做緊下一步，你亦都要宏觀地有意識知道點解你咁樣做緊。
譬如：你知道自己同咁多女搭訕嘅宏觀目的，就係想增加自己嘅性經驗，將來有足夠經驗搵到少數值得keep嘅忠誠女人，甚至你所做嘅一切喺為咗你後代著想。
因為任何將來『令你舒服嘅成就』，某程度都需要你『當下唔舒服嘅付出』；
咁所以即使你覺得識女溝女好花時間精神力氣，呢個過程都係其中一種嘅犧牲，去建立你將來多姿多采美滿嘅感情生活。
你記得返自己行動嘅目的嘅話，你就會更有動力。
＃5 最後第五點就係記住：行動就會製造動量，動量就會製造動力。
你越喺咩都唔做摺埋自己，你就會越失去動力去打破呢種毒撚悶局。
但當你肯的起心肝做少少嘢，你任何形式嘅溝女行為都會增加你嘅action momentum，有momentum之後你就會改變你嘅心情，最後你就會keep住行動keep住動力。
咁所以你肯放自己出去，你肯開個app玩10分鐘，你肯出街搵條女傾計，你肯無乜心情都照樣參與社交活動，你肯無乜狀態下照樣約會，你肯無乜把握下照樣嘗試開房嘅話…
…你就會發現竟然有時會有意想不到嘅收穫！
巴打你想學習點樣磨練自己嘅心理質素，經常擁有強者嘅心態嘅話，
我喺《強者心理訓練營》之中會用30日為你輸入一種IDGAF豁達嘅超能力，讓你完全不受外界干擾地繼續行動，繼續得到你人生想要嘅所有嘢！
呢個training program喺我最近下重注去為你度身訂造嘅，
所以如果你都想喺兩性對弈 + 累積財富 + 人際關係嘅層面上贏得更多嘅話，你就立即去我哋官網 www.manthefvckup.com 嘅訓練課程部分了解佢點樣可以幫到你啦！
今集就係咁多，有咩問題就詢問我哋support team，我哋下集再見！
