2020年新年快樂啊各位巴打，唔知道到你有冇聽過Pareto Principle帕累托法則，或者80/20法則，82定律呢？
所講緊嘅就係好多時，只有20%嘅變數喺操控著80%嘅結果；只要你適當地處理到少數嘅關鍵元素，你就能夠大多數地成功。
究竟溝女上要做啲咩20%嘅細微嘢，就可以令到你變得80%有吸引力呢？
我哋2020年嘅第一集就會為你揭曉溝女之前，宅男必須做嘅3樣嘢！
如果你鍾意今集內容嘅話，就請你而家率先like呢條片同埋訂閱我哋MTFU嘅channel，之後再分享比你其他兄弟啦！
＃0 首先以下所分享嘅嘢，喺一啲你需要從生活習慣上徹底改變嘅嘢。
因為好多時年輕嘅男仔吸引唔到或者keep唔到女，就係因為佢啲本身呢啲基本功做唔到。
如果你肯聽我講並且徹底做到以下3種基本功，我保證你今年唔學game都會因為你嘅生活習慣改變，而唔小心多咗條女！
＃1 第一樣大嘅生活改變，就係你必須盡力提升你嘅表面顏值！
所謂嘅『顏值』其實就係除咗你塊面個樣之外，就係你嘅儀容打扮，你嘅身材身形，同埋你嘅著衫嘅潮流品味。
除非你天生真係不幸有一啲畸形嘅病，否則就算你唔係Top 10%嘅男模，基因差都絕對唔係你溝唔到女嘅藉口。
女人喺相對無咁care男人嘅外觀，咁但係你都要攞得一分得一分，盡量執靚自己嘅外形外觀。
譬如話：髮型要清爽啱你頭型，要學識點樣修剪自己嘅鼻毛耳毛體毛，學識剃鬚或者適當地留鬚，皮膚要盡量濕潤唔好咁多暗瘡，刷牙唔好口臭，適當地運用止汗劑同埋香水等等。
之後要做嘅，就係增肌減肥，儘量去到體脂10-14%，BMI大概22-26位置，因為女人喺鍾意有肌肉但唔係舉重選手咁over嘅身材。
最後一步就係學識着衫嘅基本功，因為如果你尊重自己並且想一定尊重你嘅話，你一定要有基本嘅男裝搭配技巧。
Style喺永恆嘅品味，而fashion就係過眼雲煙嘅花邊嘢；咁所以你明白咗基本嘅稱身，自己身材比例，基本嘅顏色mix and match，突顯自己身材某啲優勢，就已經攪掂。
＃2 第二樣好重要嘅基本功，就係一定要搵番一兩樣成日做嘅嗜好或者技能專長。
無論點樣包裝都好，匿埋喺屋企打機攞晒獎都絕對唔係好嘅嗜好，除非你打機可以打到搵到幾百萬，which is已經變成你嘅工作。
真正嘅嗜好，喺講緊一啲你熱衷練習，需要一定程度技術，顯示到你喺積極主動磨練某啲skill嘅hobby。
好嘅嗜好，同時亦可以讓你見多啲人，讓自己變成焦點，或者讓你結識更多異性，又話自己迫你去同其他男人競爭，從而提高你嘅吸引力。
實質例子當然我係要同The Kings Club嘅巴打分享啦
譬如話：拳擊／練跑／crossfit嘅堂，可以同時提高你嘅體能水平，同時增加你嘅勇武競爭力；
話劇／學演戲／跳舞，可以放你喺一個表演自己受囡囡注意位置；學德法意西嘅外語／做義工／品酒，亦可讓你接觸唔同囡囡。
唔同人會有唔同嗜好，唔同嗜好亦會吸引唔同囡囡。
咁所以唔該巴打你挑選一兩樣每星期都會+都會玩而自己有興趣嘅活動，去令自己interesting啲甚至神秘啲，因為無女人喺鍾意一啲淨係摺埋讀書／打機／做嘢嘅毒撚！
＃3 最後第三樣基本功，就係你要練習基本嘅社交技巧。
你要學識點樣喺並非pickup嘅心態或情況下，去同陌生人搭訕，簡單傾偈，維持對話等等。
大部份人一世都係淨係痴實自己嘅中學大學同學同埋返工同事，畢業後極少會主動尋找志同道合嘅新朋友。
雖然我唔係叫你離棄晒所有舊朋友，但當你keep住行動擴闊自己圈子認識新嘅人，除咗你嘅life會好玩好多具挑戰性好多之外…
…你亦會因為呢種隨時識到朋友嘅社交技能，而開拓到更多機會－無論喺工作搵錢，定係收到一啲private嘅invitation去體驗一啲特別嘢，定係認識異性。
＃4 就係咁簡單喇各位巴打，只要你改善自己嘅身材同外觀衣著，只要你培養一兩樣好嘅嗜好或者新技能，再加埋喺唔同社交場合主動練習識朋友嘅技巧…
你就已經做到8成有吸引力男人會做嘅事！
至於最後最關鍵令到我哋成功嘅三至四個條件當然就係透過我哋嘅The Kings Club裏面教授嘅秘密先至做得到啦
如果巴打你都想係今年突飛猛進嘅話, 除咗記得我頭先分享個三招基本功,
跟住查詢點樣加入王者俱樂部啦, 我同其他巴打期待喺裏面同你正式交流!
下集再見！