月份: 2019 年 10 月

如果你依家係依靠最低工資生存嘅話，殘酷嘅唯一原因，就係因為你有極低價值嘅技能去貢獻呢個市場。

我知道我咁樣講絕對會即刻撻著某部分人，但我哋呢個series係叫做MAN Talk，就係同你講出一啲最裸露最多人願意接受嘅真相；

咁所以如果你真心想離開呢條討厭嘅貧窮線，唔想成日喺度低聲下氣嗌你嘅公會去五年後幫你爭取多0.3%嘅最低工資嘅話，我諗以下分享畀你嘅價值會幫到你。 

首先第一個最赤裸嘅現實就喺：你現時嘅收入有幾多，喺反映你現時有幾大嘅能力。 

你搵到幾多錢，就係代表你喺市場上有幾高價值；

因為喺呢個資本主義嘅社會，世界係會獎勵一啲提供value嘅人，而唔係獎勵一啲覺得自己天生就deserve財富嘅人，咁所以唔該你唔好再咁自欺欺人。

另一樣嘢就係：你有大學學位，碩士學位甚至博士學位，又或者考咗一系列嘅cert攞曬A都好，其實都唔代表你值得被人well paid。

你嘅沙紙，只係代表你唔係一個完全廢人，只係代表你有曾經努力過去考試。

但係你唔好覺得讀書叻就好巴閉，就覺得以後可以坐喺度等收錢；因為你一日都唔去睇現實世界行動為其他人製造成果創造價值嘅話，你一日都唔會收到錢。

第三樣嘢就係：就算你依家有份工，你千祈唔好因為覺得自己係公司做咗十幾廿年，你嘅財政狀態就好安全。

因為世界上係冇一份真正嘅筍工，如果你喺你嘅崗位上面變得自滿或者你嘅技能變得生疏做唔到嘢嘅話，就算你係CEO你都一樣可以隨時被人秒殺。

所以如果你拒絕去無止境地改善自己嘅話，你就可以準備好隨時被炒，或者同你老闆一齊被公司裁員，又或者將來因為機械人嘅出現而取代你再唔值錢嘅技術。

講咗咁耐，如果你真係願意停止投訴並且為自己財政負責任嘅話，有冇啲咩投資項目係可以快啲令自己賺大錢呢？

Well，如果你依家月入係低過十萬嘅話，其實最好嘅投資，就係將你儲落嘅錢投資喺自己身上，去提升自己嘅技能，從而增加創造力生產力同競爭力！

無論係巴菲特，定係比爾蓋茨，定係李嘉誠，佢哋都講過話大部分人最應該率先投資嘅，就係投資喺自己身上。

如果你依家癡肥或者覺得自己冇動力冇精神嘅話，第一樣你要投資嘅就係搞返好你嘅健康同埋荷爾蒙水平先，因為你嘅身體就係你運作嘅工具，冇強健嘅身體你咩錢都搵唔到。

第二步，當你身體已經夠強壯，下一步就係投資喺你現時工作最需要嘅技能上面，提升你嗰一方面技能嘅熟練程度。

譬如話，如果你係賣保險嘅話，你就要學習更多銷售嘅心態或技巧，去得到更多生意。

又或者如果你做生意嘅話，你就要學識點樣建立你嘅個人形象，更加有效率地推廣你嘅產品或者服務。

如果你係做私人教練嘅話，你就要學識點樣盡快更有效率地幫你嘅clients得到佢想要嘅身材，又或者學習一系列嘅心理技巧，成為佢最可靠嘅私人教練。 

當然不同嘅技能喺各行各業都會有重疊嘅位置，重點係你去增強自己嘅skillsets，令到你更有效率地幫到其他人解決佢哋嘅問題，你就會自自然然增加你嘅收入。 

講到底，無論喺搵錢做生意定係打工，搵錢嘅秘密：就係講緊你有冇能力協助其他人解決纏擾佢哋嘅困難，以換取金錢嘅報酬；

而下一個層次，就係你可以點樣以槓桿原理擴大你嘅影響力，幾何級地幫到更多嘅人解決問題。 

所以各位巴打，如果你現時月入低過十萬，但係你又唔願意每個月投資一兩百蚊去購買可能幫得到你嘅書或者課程嘅話，你又點會成功呢？

最理想地，你每個月係需要投資自己收入嘅10-20%喺你嘅個人進修上面。

我間唔中都會喺MTFU Daily Newsletter裡面同讀者分享我最近學過啲咩嘅，

咁所以如果你有興趣嘅話，你就去www.manthefvckup.com 訂閱我哋MTFU Daily嘅免費通訊啦，我所寫嘅價值好可能某一日會啟發到你點樣搵更多錢！

任何曾經同過高價值男人一齊嘅女人，係絕對冇辦法返轉頭揀一個低價值嘅廢柴。

因為世界上，咩國籍嘅靚女索女其實有好多，七分或以上嘅女人至少佔咗人類嘅20%；但係一個真正高價值嘅男人，喺地球上可能只有0.1%。

女人眼中所謂嘅高價值，並唔係純粹講緊有錢，有錢人世界上亦都有唔少；真正嘅高價值，係講緊男人各方面都去到最高層次：

包括佢身材外型上，包括佢明唔明白男女遊戲之中嘅潛規則，包括佢有冇足夠嘅資源令到女人可以無拘無束地有自由去玩去發癲去探險，同埋佢有冇能力照顧自己等等。

你可以話女人好自私，你可以批評佢哋貪心挑剔，但你唔可以否認嘅係：

當女人認為你係極罕有嘅最高價值男人，

佢哋係可以完全一反常規，突然變成一個為咗得到你而不擇手段搶你返嚟愛爆你嘅女人，係會突然變得極度忠誠+極度迷戀你+聽曬你話嘅小鳥依人。 

去到嗰一個階段，女人係唔會再care自己嘅宗教信仰，唔會再care自己嘅政見，甚至唔會再care你係咪一個屌緊其他女一夫多妻制嘅男人…

…因為女人生理上嘅設計，就係寧願要同其他女人分享一個終極Alpha最高價值嘅男人，都唔要獨霸一個溫柔體貼愛佢一生一世低價值嘅垃圾Beta。

大部分人之所以要跟從一夫一妻制，遵守社會上規則唔去cheat，係因為佢哋冇能力去cheat，係因為佢哋冇其他選擇；

最後就合理化自己嘅行為，然後包裝自己為一個 『我係永遠唔會cheat』嘅虛偽好男人。

睇緊呢條片嘅男士，如果肯坦白面對自己慾望嘅話，你係絕對知道自己有無窮無盡嘅性慾，想去用身體親身體驗無窮無盡嘅女人，係咪？

但係調返轉，大部分女人雖然享受性愛，亦都有唔少女人唔介意casual sex嘅階段；

但係佢地其實真正care嘅，係搵唔搵到一個最高價值有無窮無盡選擇嘅男人，屌完佢之後仍然會愛自己。

如果你能夠搵到方法令到條女自己總結『雖然你屌緊其他女，但係其實你心裏面仍然愛佢』嘅話；

女人係絕對會仍然用心愛你，仍然會為你做出一系列荒唐嘅事情去證明自己值得你愛，希望你唔會離開佢。

點解我會知道呢啲真相？因為我曾經喺唔同嘅context下，感受過女人原來可以為咗一個愛嘅男人去到幾盡。

調返轉，我亦都見識過當女人覺得你廢無價值嘅時候，佢哋係可以點樣無情地利用你對佢嘅好，不斷剝削你攞著數，最後多謝都唔講就離開你。

點解可以咁極端呢？

因為自古以來，最高價值嘅男人永遠都係三妻四妾，後宮佳麗三千。

男人屌過百條女係正常，但女人咁做就變得低價值，因為處女就係無價。 

去到某一個時代，社會開始人口膨脹，政府就決定強制性一夫一妻制；

因為咁樣先至可以確保大部分Beta男唔會因為冇女人而作反，所以monogamy係社會維穩嘅政策，而唔係生物學上正常發生嘅現象。

咁所以真相就係：女人一直以嚟都係準備好分享一個最高價值嘅Alpha男，而佢哋亦都預咗呢位大把女嘅男士唔會忠誠於自己。

但即使係咁，女人仍然準備好奉獻自己比呢啲極罕有嘅男人，佢會搵到原因點解自己咁愛你。

講咗咁耐，巴打你要問自己嘅問題就係：

除咗性愛上嘅忠誠，同佢講話你絕對唔會cheat，你只會愛佢呢啲垃圾謊言之外，你其實有啲乜嘢可以offer到比條女呢？

你床上嘅技能係咪可以令到佢高潮迭起進入忘我境界呢？

你唔喺佢身邊嘅時候，你係咪能夠令到佢感受到對你無窮無盡嘅掛念呢？

除咗愛之外，你能唔能夠令佢感受到其他甜酸苦辣，甚至痛苦仇恨嘅情感呢？

講到尾，女人會唔會因為你嘅出現，而令到佢喺沉悶嘅生活之中，重新感受到自己生存嘅意義，更加有生命力呢？

世界就係殘酷，人類交配成功與否就係睇你有冇價值。

所以你問我最好嘅溝女策略係咩？

就係唔該你確保自己係一個有substance有value嘅男士，

每一日都喺你人生三大範疇上面盡力打拼更多，獲取更多，得到更多，咁樣你先至能夠將自己放喺最有利嘅位置，吸引無窮無盡嘅女人。

人生三大範疇係咩？

就係我哋MTFU集中去為各位巴打提供價值嘅三大層次；

你去我哋嘅網站 www.manthefvckup.com 嘅話，你就會知道係咩。

大部分女人都唔想濫交同勁多男人上床，佢哋係唔想做公廁或者蕩婦；

佢哋一直都喺度尋找緊，一直都希望得到一個自己可以尊重忠誠於佢嘅男人。

問題係：你係咪願意去捱去付出血汗淚水等等嘅代價，去成為最高層次嘅皇者呢？

暴力，從來都係和平社會嘅必需品。

暴力，從來都係人類甚至整個生物鏈之中永恆會發生嘅事情。 

好多人都鍾意覺得自己係一個『和平理性非暴力』嘅人，覺得自己係一個講道理唔野蠻嘅人；

而大部分現代人都係習慣性地覺得『暴力就係負面嘅行為』，但係就理解唔到其實暴力都分兩種：公平正義嘅暴力，同埋不公義嘅暴力。

唔知道各位巴打成長嘅時候，有冇聽過某啲好正直嘅人同你講話：『暴力係解決唔到任何問題／暴力係唔能夠令到你搵到答案』等等聽落非常之崇高嘅觀念呢？

但係我今日同你講：其實暴力一直都潛伏喺我哋左右，而我哋每一個人都係依靠緊暴力去維持日常生活嘅運作。

點解呢？

原因就係：無論係左翼右翼定係任何嘅政府或國家，任何一個有秩序有法治嘅社會裏面，背後係需要暴力去維持呢種嘅社會穩定性同安全感。 

如果某一條法律背後係冇『暴力嘅威脅』，缺乏一種實質嘅『行動後果』嘅話，所謂嘅法律其實都係鳩噏，冇人會真係care呢條法律講咩。 

譬如話：如果喺一個國家裏面偷嘢搶掠強姦係犯法嘅，但係原來所謂犯咗法之後，你係絕對唔會被人以『暴力』對待，你身體上係唔會被強迫遭受監禁嘅懲罰嘅話，你又覺得呢條法律幾有效呢？ 

又或者調返轉諗，當你喺度反對『飲醉酒揸車撞死人』嘅時候，當你要求某個政府要立法強制性唔准人哋醉駕嘅時候，其實你又係唔係用緊『武力』將自己嘅意願強加於某啲人身上呢？

再講得深入啲，當某啲環保團體聯署要求唔同嘅國家去『保護瀕臨嘅野生動物，要嚴懲一啲非法捕獵嘅獵人，並且要求某啲國家派出軍隊去通緝呢啲非法獵人嘅時候』，其實環保人士又係唔係某程度上『以暴易暴』緊呢？

重點係巴打：如果現實之中冇實質行動嘅話，一切嘅說話都係空談嘅垃圾。同樣道理，如果冇物質上身體上嘅暴力威脅嘅話，所有嘅法律其實都只係自high嘅條文。 

我唔係講緊話暴力係唯一嘅答案，我更加唔係講緊話暴力係最佳解決問題嘅方法；

我只係講緊，當邏輯道理解決唔到問題，當道德良知同理心唔能夠解決問題，當好nice地講和解決唔到問題，

當你用把口批評或者恐嚇人哋時解決唔到問題，當用錢解決唔到問題時…

無論你鍾唔鍾意聽都好，暴力就係最後關頭時，解決問題嘅唯一答案。

我絕對明白喺過去七十年尚算和平嘅社會之中，會令到好多人都忘記咗暴力嘅現實：

並且將行駛暴力嘅『權力或責任』雙手供奉畀制度裏面嘅維穩部隊，將自己嘅安危outsource出去畀紀律部隊，預期警務人員會幫我哋去阻止暴力發生。

但係極少人曾經花過時間去諗，其實我哋所做嘅嘢：就係畀保護費一班攞正牌行使暴力嘅人員，去幫我哋透過暴力『阻止人哋對我哋進行暴力』。

當你同維穩部隊都覺得第三方係威脅到現時嘅秩序嘅話，你就會覺得維穩部隊所做嘅暴力行為係合法合理。

問題係：無論你身處邊個國家，你係咪真係咁信任當地政府會伸張正義呢？

你係咪真係咁信任收咗你保護費嘅牧羊犬，會幫你班羊群『以暴易暴』對付豺狼呢？

當豺狼用暴力對待你嘅時候，甚至可能當牧羊犬變節嘅時候，

喺嗰一個當下時刻，你呢隻手無寸鐵嘅白羊，係咪真係諗住去等正義超人去護你，定係你會有能力保護自己呢？

咁所以各位請記住：就係正正因為你害怕自己將來會被暴力對待，你更加應該唔好再做一隻任人宰割嘅羔羊，而應該鍛鍊自己成為一個有能力進入暴力狀態嘅牧羊犬！

暴力係永遠都唔會消失，既然你知道每時每刻你都有機會受豺狼威脅嘅話，你更加應該放自己係一啲有暴力成分嘅受控環境之中，讓自己習慣面對暴力嘅真相。

我唔係叫你要變成一個暴戾嘅人，更加唔係叫你要濫用暴力去剝削其他羊群；

但你絕對要知道，世界和平係有代價嘅，因為暴力就係人類基因嘅一部分。

希望各位唔好再奉旨其他人會合情合理地保護你生命財產，

因為某一日如果你可能得罪咗我嘅話，我可能都會用呢把九吋長嘅餐刀去暴力對待你，祝你一路出入平安。