Yo！我喺MTFU嘅Man神啊。
唔知道各位巴打有冇曾經被主流傳媒洗腦，
覺得女人就係『一朵柔弱嘅花』，必須悉心呵護備至，
所以佢哋只想要一啲輕柔舒服嘅錫錫，或者一啲甜言蜜語同埋充滿溫柔嘅性愛呢？
你又會唔會曾經覺得，束縛與調教／支配與臣服／施虐與受虐等等呢啲BDSM嘅形容詞好變態呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先想講嘅就係：大約喺八九十年代嘅時期，世界係出現咗一種潮流，
去呼籲『男人要變得更加sensitive啲，要對女人嘅情緒敏感啲，要明白女人嘅感受』等等嘅ideas。
以上提及嘅建議當然唔係錯誤或者有害啦，
因為你都應該知道我哋阿爺嗰一代，八九十年前社會係真係好撚封建嘅，
女人的確係被好多『大男人』同保守社會欺凌，
所以叫『男人尊重女性』絕對係當年一啲正確嘅message。
＃2 但係好可惜嘅係，呢種嘅意識形態喺過去三四十年，
開始令到大部分男人越嚟越害怕去做一啲果斷決定，害怕去帶領其他人，害怕去引導自己嘅女人；
做咩都需要去得到『集體嘅一致意見』，做咩都需要『民主諮詢』，做咩都需要聽曬所有聲音先至肯決定。
或者呢種諗法係對社會好嘅，
但係如果你喺床上嘅時候都咁撚民主嘅話，女人就會非常怨恨你！
＃3 充斥著『好男人血脈』嘅巴打你要明白：
大部分女人喺床上都prefer做一個submissive／臣服嘅角色；
就算佢哋喺工作上或者現實生活幾有power／權力／影響力等等，佢喺床上根本唔想再做一個咁成功咁主導咁雄性嘅角色！
意思就係：好多時候，
如果你連做愛嘅時候都唔能夠take charge，唔能夠果斷支配啲，你就絕對唔能夠令到女人愛上你！
＃4 究竟女人喺床上最想要啲乜嘢呢？
答案就係：女人想男人製造到一種強勁安全嘅環境結構，讓
佢哋可以完全放鬆自己，完全忘記自我，完全100%感受所有嘅快感，並且為你帶嚟完全零壓抑嘅快感！
點解女人咁想喺床上被男人支配呢？
原因就係：當女人感覺男人可以overpower／征服自己嘅時候，佢哋就會覺得嗰個男人可以take care照顧好佢哋；
當佢感覺自己被照顧嘅時候，佢就可以放鬆自己嘅腦海，跟住完全let go，讓自己感受性高潮嘅快感。
＃5 但係各位巴打你要小心：
Dominance／支配性，意思絕對唔係講緊你一定要SM／虐待女人，令到佢感到一種肉體上嘅折磨！
雖然《Fifty Shades of Grey／格雷的五十道陰影》令到好多人好奇想玩下馬鞭或者手銬等等，
但係其實女人真正想要嘅係一種心理上束縛嘅解放，
佢哋想要一個可以完全handle到自己嘅男人，佢哋想將自己交畀一個思想同肉體上比佢更強嘅男人去照顧。
你未必需要做一個最高大或者最大隻嘅人先可以投放呢種支配性嘅能量，
最重要嘅係，你要讓女人知道你喺床上可以完全handle到佢。
譬如話：你係可以完全控製到佢嘅雌性力量，
你係唔會害怕女人嗰種時起時服變幻無常嘅feminine energy，佢喺床上有幾『放蕩』嘅時候你都可以招架得住。
又例如：你喺床上絕對可以對佢更加直接，甚至有時命令佢『做呢樣做嗰樣』，
唔該你唔好下下問佢『想唔想換姿勢』等等被動弱雞嘅問題！
＃6 最重要嘅就係：你想女人感受到性高潮嘅話，你就一定要令到女人完全失去控制！
女人嘅身體係必須完全out of control，完全控制唔到自己，
完全唔諗嘢並且100%去感受自己身體當時個一刻，佢先至會感受到最放鬆最爆發性嘅性高潮！
但係如果你唔夠strong，如果你應付唔到佢飄忽起伏嘅情感同感覺，
如果你唔能夠以一種observer嘅心態去觀察佢呢種變幻莫測嘅emotions，
女人就好難相信你並且放鬆讓自己喺你面前臣服於你。
各位巴打又肯唔肯定自己喺床上喺做緊有支配性嘅嗰一個呢？
你嘅女人又係咪成日會主動搵藉口同你過夜呢？
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！
