Yo！我喺MTFU嘅Man神啊。
溝女Q＆A好耐都冇同大家見喇，唔知道各位巴打有冇掛住呢個系列呢？
咁因為大家都知道我每日收到勁多巴打嘅溝女疑問，我係好難每日即時回答大家；
所以我希望透過溝女Q＆A呢個series，將好多巴打嘅常見問題逐一解答，
咁樣我就唔需要將同一條問題答完又答喇！
Anyway，個幾星期前嘅情人節，我相信大家都見到唔少花喺條街上漂流，小弟都唔例外。
咁嗰日我同某條囡囡夜晚睇Fifty Shades Of Grey嘅第3集時候，我哋見到一幕好嘔心嘅事情：
就係我哋見到一個戴住眼鏡著住恤衫好斯文嘅『半毒撚』，幫條女喺度攞住一大紮玫瑰花，
跟住條女喺度撳手機玩電話，兩個人咁樣企喺戲院門口等睇戲。
跟住小弟條女就同我講話：『嘩，條仔好樣衰囉，買咗紮花仲要自己攞住，好核突囉！』
咁我望到呢個情況聽到呢句咁精警嘅說話，雖然我好想鄙視條仔，但係我都感到好唏噓…
因為有咁樣嘅情況出現，
證明呢條仔仲未聽MTFU，
證明小弟嘅使命仲未達到，
證明我仲需要更加努力去令更多男人Man The Fvck Up！
跟住過咗幾日之後，好搞笑亦都係非常巧合嘅一件事，就係小弟收到一封email問題。
以下就係果位巴打講及嘅內容：
『Hey Manson， 我幾個月前開始同女仔A date緊，我哋由Day1開始已經發展到有性關係。
好多時每個weekend我哋都會一齊，而我好多時都會送花畀佢。
有次唔知點解佢遲咗幾日先收花，跟住佢Whatsapp我連埋張相，跟住話好開心。
咁其實我都送過花畀佢幾次，而每次佢收完花都好興奮。
但係就係唔知點解，今次收完花之後，過咗幾個鐘夜晚嘅時候，佢又再whatsapp我，
竟然同我講話不如分手，佢唔想再做我女朋友！？！？！？！？
叫我唔好再搵佢，但係又唔畀原因我？？？
我完全唔知發生咩事囉，究竟我死因喺咩！？！？』
Sigh……
Man神我都唔知畀咩反應佢好。
但係我可以同你講，會發生以上嘅悲劇一啲都唔出奇。
巴打你首先要明白：
送花比女人，好可能係一個男人最垃圾最廢柴最乞兒可以做嘅事情！
送花比女人呢個行為，根本如果你哋唔係已經一齊咗一年半甚至兩年嘅話，你根本唔需要去考慮呢件事！
女人可能係好鍾意『收到花』呢個嘅idea，但係當佢哋真係收到花嘅時候，
除非佢哋真係好愛好愛好愛呢個男人，『收到花』反而會令到女人尷尬，更加覺得你核突。
咁所以如果你哋兩個人只係短暫嘅性伴侶，又或者啱啱先至開始認真relationship嘅話，送花比女人係會出現反效果。
我都明白點解你可能會想送花嘅，咁因為我哋細個嘅時候，
我哋都係被灌輸被教導話『男人係應該gentleman／男人應該有紳士風度／
如果你鍾意個女仔，你應該鼓起勇氣同佢表白同佢親口講／
如果你真係鍾意佢，你就應該送禮物畀佢表達你對佢嘅愛意／
情人節應該送花』等等嘅bullshit！
但係我再重複多次：
送花比女人其實係男人可以做最廢嘅一件事，尤其是佢根本仲未真係愛上你嘅時候！
係一段頗新嘅relationship裡面，你送花就等於同佢講話：
『你係我世界上最重要嘅人／你對我係最重要／ 我已經完全愛上你／
又或者係我係一個desperate／needy／好飢渴，妒忌心重，我會好依戀黐住你，我會無時無刻諗住你，我會箍死你等你冇曬自由嘅廢物！』
送花根本就係零價值，根本就唔會有助你鞏固段關係。
相反，如果你真係要送禮物，不如你送一啲性感內衣畀佢，
成件事將會係更加sexy，令佢更加興奮，令佢更加對你充滿性慾望！
條女依家之所以會無啦啦whatsapp你，毫無原因地同你講話分手，
原因就係：喺佢內心裏面，佢根本就係驚咗你，想盡快一刀切斬斷呢個核突依戀湊BB嘅關係！
我可以幾乎保證，果位巴打肯定唔止送花；
佢好可能成日幾個鐘就whatsapp條女，成日問佢喺邊度做緊乜嘢，肯定成日同佢講自己好鍾意佢嘅感受等等。
但係你有聽MTFU都知道，你一開頭date緊條女嘅時候，
你係一定要有多啲神秘感，你係想條女唔係好清楚你係咪鍾意佢，你係想條女唔太知道你諗乜。
之前科學研究都證明咗：女人喺被一啲『唔知係咪鍾意佢』嘅男人更加吸引！
咁所以如果條女係完全清晰地知道你對佢嘅感受，
呢段關係根本就冇嘢可以再估下估下，冇嘢可以再畀條女思考你，冇嘢可以畀佢對你好奇！
講到尾：你要擁有嘅mindset不嬲都係要『條女sell緊自己比你』，而唔係你喺度sell自己！
而我之前亦都講咗，你係一定要製造障礙難關讓女人去通過，之後先至可以得到你嘅注意力。
你最終畀女人嘅注意力同認可，就係你獎勵容許佢同你上床！
你唔需要讚佢靚，你唔需要讚佢cute，
你唔需要花錢喺佢身上，你唔撚需要送花畀佢，你唔會下下whatsapp搵佢等等。
佢知道你對佢有興趣的唯一途徑，就係當你哋一齊嘅時候透過你哋嘅身體接觸！
女人係鍾意咁樣被你challenge， 女人係鍾意呢啲不確定性，
女人係鍾意咁樣去慢慢賺取你對佢嘅賞識寵愛！
當你採取一系列措施令女人去work for you嘅時候，你之後先至讚賞佢，
佢就會覺得成件『追你返黎』嘅事係有價值，佢先會覺得自己夠special。
所以總結就係：就算女人同你講佢好鍾意收花， 就算佢喺度講話條條仔都送花畀佢，
你都絕對唔好送花畀佢，或者你可以建議佢去搵返其他垃圾送花畀佢！
過咗一兩年之後，如果佢真係仲想要花嘅話，
MAYBE到時你就可以考慮送一支花畀佢，而唔係一大扎損害環境呃錢嘅花！
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！
VIDEO
