Yo！我喺MTFU嘅Man神啊。
最近同一位private coaching client上堂嘅時候，佢就問我『點樣先至可以令女人對自己有興趣呢？』。
各位巴打又有無曾經諗過：究竟要做啲乜嘢先至可以令女人關注自己呢？
究竟要學啲乜嘢，先至可以令到自己有無數嘅話題同女仔傾計呢？
究竟有啲乜嘢說話技巧，先至可以令到自己聽落好似好有趣呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先我同個位private coaching client講嘅就係：
如果你真係想成為一個有趣嘅男人，如果你真係想有多啲topics去女人傾偈；
你要專注嘅並唔係學習更多嘅說話技巧，你要focus嘅係出去做更多唔同嘅嘢囉！
你想令女人關注你，你想變得更加interesting，
你就必須累積更多人生閱歷，你就必須出去do some fvcking things！
＃2 你可能之前誤信讒言，聽咗啲PUA講話可以透過語言技巧扮曬高價值扮曬有趣令到女人鍾意你；
但係殘酷嘅真相就係：
你個conversations實際地有幾有趣，係取決於你實質個人有幾有趣！
如果你真係想同一啲八九十分嘅索女上床拍拖，
你就別無選擇，你係必須塑造自己成為一個實質值八九十分嘅男神！
＃3 就算可能你外在價值（樣／身材／財富／成就）無你嘅女伴咁出眾，
你嘅內在價值／internal value都必須同條女一樣甚至高過佢，你先至可以溝到條女！
可能係你嘅幽默感，可能係你嘅領導能力，
可能係你嘅冒險精神，可能係你好玩唔計較嘅態度，可能係你嘅life experiences；
但係如果你連內涵都冇，你係冇可能純粹以『技巧』去溝到八九十嘅女仔囉！
＃4 咁所以點樣可以成為一個更加有趣，更加令女人關注，更加永遠唔會冇話題去傾計嘅男人呢？
方法好簡單：你想變得更加interesting，你就必須帶領自己活一個interesting嘅生命。
問下你自己：究竟你係咪真係為自己嘅夢想打拼緊呢？
究竟你每日係咪challenge／挑戰緊自己成為一個更有質素嘅人呢？
究竟你係咪每日增值緊自己呢？究竟你係咪活喺自己極限嘅邊緣呢？
＃5 以下就係一啲實質可以做嘅例子：
－無論喺邊一個階段，你都必須有自己嘅嗜好／hobbies／passions，並且充滿激情地去追隨佢哋。
－每一年甚至每隔幾個月，你就必須離開你嘅出生地出去旅行。
因為每到一個全新嘅地方，你都會增加自己嘅閱歷，提升自己嘅智慧，令你變成一個更有靈性嘅人；
而你喺旅行期間遇上嘅趣聞，又可以成為一啲傾計嘅有趣話題。
－不斷嘗試不同健康飲食嘅實驗，因為有質素嘅女人係會欣賞一啲重視自己body，重視自己health嘅男人。
－每個月都睇至少一本書，因為『聰明有智慧有學識』都係一件sexy嘅事情；
冇女人係鍾意一個冇腦冇內涵冇passion嘅毒撚囉！
－你必須創造一份自己熱愛嘅工作，並且成為嗰一個範疇最top嘅人，因為你內在嘅self-motivation你嘅幹勁係一種具啟發性嘅性格特質。
－你必須成為一個physically active嘅男人，無論係去做gym踩單車行山定係做yoga都好，幾乎所有嘅運動係對你百利而無一害。
－最後最重要嘅就係：你必須擁有自己人生嘅目的，一個活著嘅PURPOSE！
因為擁有自己嘅mission，就係一個成熟雄性男人嘅真正特徵！
＃6 重點就係：當你不斷透過唔同形式嘅life expereinces填滿自己嘅人生，當你將自己每日嘅life變得越active；
你就根本唔需要擔心自己同女仔傾計無話題，你亦都唔需要擔心自己唔係一個有趣具吸引力嘅男人！
你肯咁樣做根本就係雙贏，
唔單止你會因為自己嘅true qualities而吸引更多高質素嘅女人去你生命，你亦都會因為自己嘅價值而得到其他嘅實質好處！
＃7 所以各位想成為一個有趣男人嘅巴打，我今日俾你嘅功課就係：
－第一，寫低3樣你一直好想去做／達到／完成嘅事物，但暫時好似好遙遠嘅事情。
－ 第二，寫低3樣呢一刻你有能力可以即刻去做嘅事情。
譬如依家你未必可以即刻成為一個男明星，但係你絕對可以開始參加做戲嘅acting classes。
－第三，每一個星期，抽出3-4小時去做research或者直接追隨呢啲你有興趣嘅事物。
譬如如果你想學結他，你除咗真係畀錢上堂學之外，
你都可以簡單地上網睇YT玩下，睇下自己係咪真係有興趣。
－第四，隨著你不斷付諸行動，隨著你take呢啲細小嘅actions，你就會開始睇到更大嘅picture自己真正想做啲乜嘢，發掘更多關於自己想要嘅嘢。
如果你根據以上嘅步驟去做，你下次同任何女仔約會嘅時候，你仲會唔會覺得自己冇話題可以講呢？
溝女會唔會其實就係咁簡單呢？
希望今集幫到你！
喂！多謝咁多位巴打嘅踴躍支持啊，
如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！
