Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
＃1 各位巴打聖誕節快樂呀，Boxing Day快樂呀！
過去嘅兩集，
我就分享咗2018年成為真男人嘅第一步，就係你必須集中喺自己嘅進步／progress之中，
第二步你就係必須有一種resolve，去堅持take action邁向下一步。
＃2 今日就想同你分享成為真男人嘅第三步：
就係你必須擁有一個清晰並且具說服性嘅原因點解你要做嗰樣嘢，你必須有一種強而有力嘅reasons／WHY你想達到目標！
＃3 但係喺你擁有一種強而有力嘅reasons WHY之前，就
係你必須首先要有一個具說服力嘅願景，一個關於你真真正正想要嘅嘢嘅compelling vision；
而唔係你覺得自己可能想要，或者覺得自己應該想要，或者其他人話你知你應該想要嘅嘢。
＃4 好多人嘅新年大計就會類似係『我唔想再食煙／我想減廿磅／我想食少啲糖分嘢／我想今年冇咁lonely／我唔想再捱窮』etc.
但係呢啲目標嘅問題，亦都係點解九成五嘅人最後會失敗，
就係呢啲目標唔係好具啟發性，唔係太過inspiring。
＃5 以上所講嘅嘢幾乎都係一啲你唔想再做，或者你唔想再得到嘅嘢，
全部都係好難去激勵自己踏向前去take action創造成果。
相反，一個compelling vision，一個具說服力嘅願景，
就係關於一啲你想創造嘅事情，係關於一啲每次你讀佢出嚟嘅時候會令自己好興奮嘅嘢！
＃6 譬如如果你講話『我想減廿磅』嘅話，
你係需要依靠好多意志力／willpower，去迫你自己／去push你自己去節食做運動，
但係你都知道意志力／willpower係我哋人體有限嘅資源㗎嘛？
＃7 太多男人就係依靠呢種迫自己／推自己既『push motivation』，
所以佢哋日日上youtube喺度搵一啲激勵性嘅motivational video，嘗試去令到自己終於有動力去做gym或者做其他嘢。
但係呢種『push motivation』係永遠都唔會維持得耐嘅，你好快就會放棄嘅。
＃8 所以如果你想長期有動力，你想要一啲持續都有嘅motivation，
你就需要一啲具說服力嘅願景，一個compelling vision，一啲具啟發性令自己興奮上癮嘅未來畫面。
而令到自己嘅vision充滿啟發性嘅關鍵：
就係你有足夠強而有力嘅背後原因／reasons WHY／點解你嘅願景係咁有吸引力！
只有當你畀自己有足夠嘅原因／reasons點解你想做啲事情，你先至能夠持之以恆地堅持落去實現你嘅理想！
＃9 Reasons／原因，係永遠會贏短暫性嘅motivation／激勵。
你將來遇上嘅所有困難／困境／障礙／恐懼／又或者普普通通嘅懶惰藉口，
只有當你有清晰具說服力嘅原因點解你一定要完成你嘅使命，你先至能夠有足夠嘅power去穿越所有困境！
＃10 你嘅reasons可以係正面嘅原因，亦都可以係負面嘅原因。
你嘅reasons可以係關於『如果你唔完成目標』，你會損失啲乜嘢或者面對乜嘢後果；
相反，你嘅reasons 亦都可以係關於當你完成目標之後，你會賺取人生嘅乜嘢等等。
＃11 重點就係：只有當你發掘自己做某件事嘅reasons／原因，你之後先至搵到你想要搵嘅答案。
呢個就係所有成功嘅人，能夠喺困境之中堅持落去嘅秘密，亦都係你能夠『能人所不能』嘅秘密！
＃12 可能我以上所講嘅嘢你都聽過，
但係我淨係想喺呢個聖誕節提醒你，一啲你已經知道嘅事情，並且為自己未來嘅方向反思。
如果你真係想2018年各方面升呢，
你就必須首先(1) 成長／Grow，
(2) 下決心做某樣嘢／Resolve，
(3) 發掘自己做某樣事情，背後清晰具說服力嘅原因／Reasons WHY，咁樣你先至會有動力去實行你嘅大計。
＃13 以上就係頭三步你要做嘅事情，你仲有冇興趣學埋第四至七步呢？
如果你想嘅話，就畀個like呢段片並且comment話我知啦！
我會視乎大家嘅反應，再睇下幾時推出下一集嘅，完唔完成到就靠你嘅支持喇！
希望今集幫到你！