Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
＃1 各位巴打，嚟緊呢幾日未必會日日有新片，
因為我哋將會玩一個好特別嘅遊戲，所以請你留心聽住今集，並且留意我哋最尾嘅特別宣佈！
Anyway，聖誕節假期已經到咗啦，嚟緊呢十幾日將會係全世界都好high嘅日子，你估下有啲咩會發生呢？
冇錯啦，新一年嘅2018年將會好快到達，咁你又知唔知道意味著啲乜嘢呢？
冇錯啦，意味著好多嘅gym將會突然之間出現好多新人，突然之間出現一班想減肥或者想練大隻嘅人。
＃2 但係更加有趣嘅係，你估下2月14號情人節道嘅時候，點解啲gym又回復返好似平時咁樣冇咁迫呢？
你又知唔知道之前有survey發現，每一年只有少於7%嘅人係會過咗1月之後，仍然堅守自己嘅『新年大計』呢？
＃3 我哋講緊係一啲真係有『新年大計』嘅人喎，而事實係今時今日大部分成年人，已經唔再有任何嘅新年大計，點解呢？
原因就係：之前嘅每一年佢哋都嘗試定立『新年大計』，
但係幾乎每一次佢哋都會違反自己承諾過嘅嘢，又或者好快放棄，缺乏持之而行。
所以當佢哋發現，既然承諾過自己嘅嘢最後都係失敗告終，咁不如一開頭就唔好set咁多目標啦？
年年搞咁多大計做乜春？
＃4 Well，佢哋都講得好啱嘅，大部分嘅人都係會好快放棄，選擇以失敗告終。
但係聽緊MTFU嘅你又係咪嗰種人呢？
選擇作為Top1%男人嘅你，又會唔會好似佢哋中途放棄，墮落番去平庸大眾嘅溫床裏面呢？
如果你係佢哋嘅話，如果你心中冇一團燃燒緊嘅火嘅話，
請你而家馬上unsubscribe我哋嘅channel，我祝你好運但係我哋唔想再見到你。
＃5 咦？你仲喺度喎？
咁我Manson多謝你肯為自己嘅夢想投下賭注，
我多謝你勿忘初衷仍然肯堅持落去，
我多謝你願意成為一個有價值有質素嘅人，去令世界變得更美好！
＃6 所以我依家真正要問你嘅問題就係：
點解每一年新嘅一年，我哋都有咁嘅衝動去做一啲新年大計呢？
原因就係：一個新嘅日曆畀我哋嘅感覺，就係我哋可以重新開始，重新出發，有一種煥然一新fresh start 嘅感覺。
更重要嘅係，我哋其實知道真正嘅滿足感，真正人生由內而外嘅fulfillment，
係喺我哋每次有進步有progress嘅時候得到嘅感覺。
＃7 所以各位巴打請你記得第一樣嘢就係：
永恆嘅滿足感（lasting fulfillment）係唔會喺你不斷去買新嘢去集郵去儲新貨去acquire new things而出現嘅。
買更多新嘅嘢／攞多更多新嘅material things／好似PUA咁屌更多索女，只會帶畀你暫時性嘅歡樂，
只會帶畀你維持一兩個星期／一兩日／甚至一兩個鐘嘅開心感覺，科學已經證實咗呢樣野n咁多次！
＃8 相反，只有當你能夠首先心靈滿足，能夠首先得到internal fulfillment，
你先至會更容易得到外在嘅成功，external嘅success！
更多錢更多索女甚至更融洽嘅人際關係，全部都可以令到我哋暫時性地興奮。
但係就算係一個好正嘅relationship，
只有雙方係不斷各自成長，只有雙方不斷協助大家嘅關係一齊成長，我哋先至可以持續地感受到興奮！
＃9 所以喺2018年成為真男人七步曲嘅第一步嘅秘密：
就係你必須focus喺自己嘅progress，必須集中喺自己嘅成長進步之中，而唔係純粹望住個目標有幾宏大有幾遙遠！
＃10 你試下諗下呢個例子：假設有兩個拳手成個職業生涯係有50次輸50次贏。
第一個拳手，頭50次都係輸曬，但係之後自己不斷努力進步，
最後就以50次贏嘅成績去完成佢自己嘅職業生涯，聽落都係一齣幾好睇嘅電影呀係咪？
相反，第二個拳手頭50次都贏，但係之後就50次輸撚曬，你估下邊一個拳手會得到更多快樂同滿足感？
＃11 重點就係：如果你係一個正常人，
你必須明白真正嘅成功／真正嘅滿足感／真正嘅快樂，全部都係來自進步progress。
無論你依家人生喺邊一個位置，
如果你缺乏持之以恆嘅進步進展，你就一定感受唔到由心出發嘅滿足感同快樂！
＃12 所有嘅轉變／所有嘅change，係一種自然會發生嘅事，你冇需要擔心。
你嘅身體係會隨著歲月改變，
成個經濟環境氣候絕對會改變，
你同唔同人嘅關係都絕對會改變，
生命上嘅每一樣嘢每一分每一秒都係改變緊。
＃13 所以改變／change，喺必然會發生嘅事情，但係進步進展／progress就未必！
你係必須勤力用功先至能夠令自己進步，
你係必須積極／proactive你先至可以控制呢個成長過程，
你係必需主動take active actions先至能夠確保你嘅生命係向上流緊，
無論係你嘅財富健康定係感情愛情方面。
＃14 呢個就係我哋今次『2018年成為真男人的七步曲』系列嘅重點！
喺嚟緊呢幾日聖誕期間，
我就會帶領大家以七步曲去喺2018年成為一個真男人，唔知道你準備好未呢？
唔知道你鍾唔鍾意學呢啲嘢呢？
唔知道你想唔想新嘅一年真係有實質嘅進步變化呢？
唔知道你想唔想確保自己唔再滯留喺同一個位置，唔再喺度頹廢腐化慢慢死亡呢？
你想嘅2018年成為真男人嘅話，
就請你依家馬上like呢段片，並且comment話我知啦！
我會視乎大家嘅反應，再睇下幾時推出下一集嘅，完唔完成到就靠你嘅支持喇！
希望今集幫到你！