月份: 2017 年 5 月

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日美麗嘅星期三，當然為各位巴打準備咗一條美麗嘅溝女Q＆A，

 

今日呢條問題嘅標題叫做『約會疑問』，係由HayHay提供嘅。

（我相信唔係你諗緊嗰一個HayHay啦 ;)）

 

希希問我：『hi man，睇晒你D片，先知以前錯晒。

 

癈話不多說，是咁的，背景有需要先再講，

 

第二次約個女仔（第一次同佢出去整電話 但表現十分小男人，乜都就晒佢），今次就去睇戲，

 

我既問題就係，出街既錢應該我比定AA？（例如食飯睇戲）

 

仲有就係，佢之前話過好憎人痴身（接番學放學果D），咁我應唔應該送佢番屋企?

 

BTW你真係幫左我好多，如果唔係你，我相信依家仲頹緊，不停地奉承女人，

 

可能仲有D問題問，不過未諗到住，希望你唔好嫌我煩! thx a lot!!!』

 

好！一條唔太長唔太短嘅問題，我鍾意:-)

 

『Yo HayHay，

 

好開心聽到能夠正面幫到你。需要少少背景先。

 

#1 你哋係中學生／大學生？

 

#2 你哋點識？又會無啦啦陪佢整電話lol』

 

『1中學生 中五

 

2青梅竹馬，細個成日見，大個好少見。

 

上次同佢食飯時（我婆婆同佢媽都系到），咁我同佢都要搭西鐵。

 

一齊行既時候佢跌爛左，我識人整電話，所以攞到佢number之後一齊出去整』

 

『Okay。

 

幾點你要注意：

 

#1 要break左青梅竹馬／好朋友／好鄰居嘅frame，唔好做埋啲朋友做嘅嘢 e.g. 無聊一齊行街睇嘢食嘢。

 

因為如果你唔break呢個frame，你一日都係以『舊朋友』嘅形象去同呢個女仔相處；

 

好難會變得多一個有sexual relationship嘅fvckable guy。

 

#2 而家大家都係中學生，錢都未搵，of course AA制啦，尤其是頭幾次出街。

 

直至你哋訓咗，直至你哋有所謂正式嘅relationship，直至你哋訓咗幾次，個女仔問你『咁我哋而家係乜嘢關係』之後，

 

你就可以決定請多幾次，你就可以考慮以一個比較provider嘅角色去take care個女仔。

 

#3 唔需要特登次次送返屋企（尤其是佢都話唔鍾意），

 

and你真係小心太過痴身。

 

男仔痴身=needy=唔成熟=最無吸引力=條女比其他仔食

 

#4 最好建議你唔好成日諗1-2-1 date，

 

你要開始學識建立『以你為中心』嘅social circle，做多啲搞手玩group events，咁樣先能夠吸引好多囡囡。

 

再者，咁樣你第時上大學／做嘢就會有好有用嘅skill sets，

 

去製造一個『不斷有貨』嘅運輸帶，吸引無數嘅新正女去你身邊一齊玩。

 

所以到時你有咁多選擇，有咁多更正嘅女，有咁多更啱嘅女，

 

呢條青梅竹馬你都未必再睇得上眼啦！

 

Hope this helps ;-)』

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

端午節咁開心，想好快問你一個問題，你知唔知點樣做一個真正嘅型男呢？

 

好多人包括我自己，每逢聽到『型男』呢兩個字，

 

就會諗起例如碧咸，Brad Pitt畢彼特，George Clonney佐治古尼，Ryan Gosling，Robert Downey Jr.等等嘅明星。

 

所以好多男人見到呢啲『型男』咁受女人歡迎嘅時候，都會嘗試去模仿佢哋，嘗試去『just be cool』。

 

但係其實『just be cool』有少少誤導，咁樣做有幾樣問題出咗嚟。

 

＃1 就係男仔諗住扮型／act cool嘅時候，佢哋就會顯得太過try hard。

 

Try hard = Die Hard

 

因為每逢你嘗試扮型，你嘅行為表現就會變得好唔自然，並且你會同自己講你既底子一啲都唔吸引。

 

＃2 First Impression／第一印象雖然係好重要，

 

但係更重要嘅係：當人自己總結某一件事嘅時候，佢哋就會真係好難再改變自己嘅意見。

 

意思係，first impression只係畀人一種感覺，只係一種『你能唔能夠入到門口』同人哋相處嘅第一關。

 

但係人哋對你最終嘅conclusions，係取決於佢哋自己點樣同自己內心講嘢，點樣去總結你係一個點樣嘅人或者其他嘢。

 

譬如：你成日喺度諗點樣開場白開得最完美，

 

其實開場白對你同嗰女仔之後相處嘅關係幾乎冇乜影響，你只要開到口講啲random嘢就ok，唔需要畀咁大壓力自己諗住用一句精彩嘅opener去溝到佢。

 

相反，就算畀你咁好彩，第一句講嘢就令到個女仔笑，跟住對住你眼甘甘，

 

但係之後個interaction你表現到好needy，好在乎得唔得到佢，好心急係咁chur佢追佢，

 

咁樣你之前建立所有嘅吸引力行為都會馬上被殲滅！

 

所以記住：

 

first impression同conclusions之間係有一個短短嘅時間框架，

 

去讓你製造一系列有吸引力嘅行為特質，之後讓女仔自己總結你係一個值得交往嘅男人。

 

 

＃3 如果有人總結覺得你係一個好『造作』嘅人，其實佢嘅意思係你做人唔夠一致，唔夠congruent。

 

Congruence嘅意思係，

 

你每一句話語，你每一下嘅眼神交流，你每一句說話嘅聲調，

 

你每一種身體語言，你每一次嘅行為舉動係咪『身心一致』，表達緊你最真實嘅諗法情感呢？

 

你諗到想做嘅嘢或者你感覺應該做嘅嘢，你係咪真係會喺現實之中付諸行動去做呢？

 

所以如果你畀人嘅感覺係『言行不一致』，佢哋就會覺得你好假好fake。

 

可能你會問：『要點樣先至能夠身心一致地成為一個型男呢？』

 

以下我就畀三個小貼士你去慢慢成為一個真正嘅型男：

 

Tip＃1  對於你控制範圍之外嘅嘢，唔該你唔好再睇得咁重。

 

James Bond之所以係典型嘅『型男』，就係因為佢比一般人顯得唔太在乎，

 

即使佢好著緊／關心某啲嘢，或者遇上一啲好危急／好危險嘅情況，佢都係以一種『處之泰然』嘅心態去盡力處理一件事。

 

事實係：

 

我哋每個人都有care嘅東西，但係我哋要學識分辨邊一啲嘢係喺我哋控制範圍之內，邊一啲嘢係完全不能夠被操控。

 

所以如果今日咁好彩陽光普照，去Starbucks飲嘢無啦啦有個靚女主動同你搭訕，cool，好好享受呢樣嘢；

 

但係唔好將自己attach落呢種『理想化嘅情景』裡面，因為天氣好唔好／會唔會遇上一個可愛嘅靚女主動同你搭訕，呢啲『結果性嘅嘢』我哋係唔能夠控製到。

 

相反，如果有人無啦啦失驚無神講一啲好mean嘅說話俾你聽，

 

cool，要明白佢哋嘅行為完全唔關你事，佢鬧你只係顯示佢自己內心嘅不安同妒忌。

 

每逢有啲人想『踩低某個人』或者想令到某個人出醜，

 

佢哋咁樣做只係想透過外在因素話俾自己知『佢比另外嗰人高價值』，呢種係一種缺乏自信嘅表現，唔需要理呢啲低地位嘅人。

 

Tip＃2 唔好再有一種『佢係天才／佢條命生得好』嘅受害者心態

 

塑造自己成為一個型男係一種技能，係一種可以學嘅skills。

 

冇人天生就係型嘅，好多今時今日嘅型男都有柒過嘅階段，

 

每個型男都係隨著時間建立良好嘅行為習慣令到自己變得更型。

 

所以唔好再畀藉口自己『話以前冇人教你去型』，

 

你成為型男嘅第一步，就係你必須首先批准自己去以一個嶄新嘅型男形象，去面對世界。

 

Tip＃3 最型嘅人，永遠都係嗰個最能夠喺當下玩得最開心嘅人。

 

如果你有落過club，你都會見到九成嘅男仔都係喺度扮型，扮cool，扮有錢開枱，扮唔想溝女。

 

如果dancefloor少人嘅時候，好少男仔係會主動落去跳舞，又或者要等到成個場爆曬之後先至願意落去un一un。

 

正當大部份男仔都喺旁邊扮型，一路飲野一路四圍䀹女，唔同其他人傾計，

 

其實佢哋只係顯示自己淆底，一個唔social，一個根本唔鍾意clubbing嘅人。

 

所以你落club，千祈唔好做嗰個扮型嘅偽James Bond，

 

 

即使你唔識跳舞，你都應該享受當時嘅音樂，投入喺當時嘅氣氛，係嗰一晚四圍同唔同嘅人傾計，好好玩下。

 

 

咁樣先係一個具有社交能力，

 

一個帶俾其他人正面情感，

 

一個充滿正能量自然流露嘅雄性領袖型男！

 

希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

近幾日呢，我發覺自己有少少懶惰，有少少stuck，唔太想繼續做嘢。

 

好好彩嘅係，我好快catch到自己少少向下沉嘅徵兆，所以我就馬上用番我之前學過嘅嘢，去增加自己工作嘅動力。

 

你有冇試過發現自己越來越懶，即使你知道有啲嘢需要做，但係自己唔係好想take action去做嘢呢？

 

今日將會同你分享一條由一位專喺研究人類procrastination，最頂尖嘅科學家Dr. Piers Steel所寫嘅motivation方程式，

 

協助你令自己變得冇咁懶，唔好再拖延你嘅夢想。

 

以下就係Dr. Piers同我哋講動力方程式：M = E x V／I x D

 

意思就係：Motivation = Expectancy 乘 Value，除 Impulsivity 乘 Delay。

 

喺我哋解釋各項名稱之前，你首先要知道，

 

如果你想有好大嘅motivation動力，你嘅分子（Expectancy同Value）就要整大啲，但係你嘅分母（Impulsivity同Delay）就要整細啲。

 

首先，＃1 Expectancy其實意思就係你嘅自信心，

 

如果你『expect』預期某一件事係有可能發生，並且覺得自己應該都可以做得到，咁樣你就有更大嘅動力。

 

換句話嚟講，如果你嘅目標太過大，大到連自己都覺得完全冇可能發生，咁樣你就需要首先去簡化一下你嘅目標；

 

Set返低啲先，等自己做到一個較細嘅目標之後，建立更大自信之後，你再去攻擊下一個level嘅目標。

 

有野心係絕對好事，你亦都應該長期stay hungry，令自己不斷有更大嘅嘢去追隨；

 

但係如果目標太過遙遠，對於呢一刻嘅你太過難達到嘅話，你就需要輕微調整返少少，讓自己容易少少成功先，下次『升呢』之後再去打大佬。

 

＃2 Value就係講緊，其實你心底裏係咪真係好想達到嗰一個目標，你set嘅target係咪真係自己好想要。

 

呢種就係所謂你有冇一個burning desire，你有冇一種燃燒緊嘅慾望去做到嗰樣嘢，

 

如果有，你先至會有更大嘅motivation動力去take action。

 

所以我成日教你，你任何想做到／得到嘅嘢，

 

你一定要首先搵出你背後嘅原因，搵出你嘅emotional reasons，搵出你嘅WHY。

 

譬如你依家set咗個目標話『三年內要買到樓』，你都要問清楚自己：

 

點解我想買到樓先？

 

點解我一定要買樓先？

 

其實『買樓買車結婚生仔』呢啲概念係咪真係適合我想要嘅生活先？

 

我係咪真係想搵到錢就即刻令自己成為20年嘅樓奴？

 

定係其實我想投資呢筆錢去環遊唔同國家，感受世界有幾大呢？

 

＃3 Impulsivity就係講緊，當你真係有一種好想要嘅目標之後，你能唔能夠集中精神每一日去實踐最重要嘅事項呢？

 

定係每一次你大髀feel到電話震，或者聽到最新嘅email alert，又或者接收到一啲好似好得意嘅訊息嘅時候，

 

你會衝動地去令自己分心，跟住將你最重要嘅工作延期，遲啲先做？

 

你嘅Impulsivity越高，你越唔能夠自制，你做正經嘢嘅動力將會越低。

 

所以你必須搵方法去減低甚至完全消除所有嘅distractions，如果你工作時唔能夠好集中地focus，你係冇可能達到你嘅理想位置。

 

＃4 最後，Delay就係講緊你距離達到目標嘅時刻有幾遙遠，

 

越係長先至達到目標嘅話，你做嘢嘅動力將會越低。

 

所以綜合曬以上所講嘅野，有咩方法可以令到自己keep住有motivation做嘢呢？

 

答案就喺： 你要開始create micro goals，每一日製造一啲微型嘅目標。

 

你要學識將大型遙遠嘅目標『斬件』，

 

令你每一日都有一啲微型既target達到，每日都製造一啲small wins『小勝利』，令自己知道每日都係邁向緊正確嘅方向。

 

咁樣嘅話你就有更大嘅動力去keep fvcking going！

 

另外，因為你今日打扮得咁靚仔，所以等我畀多個bonus tip你 😉

 

我哋頭先講咗，Motivation = Expectancy 乘 Value，除 Impulsivity 乘 Delay。

 

雖然Dr. Piers呢條動力方程式寫得好好，但係我個人覺得motivation需要乘多一樣嘢先至完整，就係你嘅Energy Level！

 

所以條方程式正確嚟講應該係：

 

Motivation = ENERGY 乘 (Value 乘 Expectancy / Impulsivity 乘 Delay)

 

如果你本身成個身體都冇乜能量，

 

如果你touch wood最近做完手術依家瞓喺醫院度休養生息，

 

又或者如果你琴日通完頂已經冇瞓30個鐘，

 

你呢一刻係好難以一個『有動力嘅心態』去睇呢個世界。

 

所以每一日你優先必須做嘅，

 

你嘅No.1 Priority一定係首先去『優化』自己嘅energy level，去『叉足電』迎接每一天。

 

除咗有7－8小時充足睡眠呢啲基本嘢之外，最重要嘅你放咩落你個口度食，

 

你每日身體有冇足夠嘅旭動，你呼吸平時嘅方式係咪腹式呼吸，又或者你工作範圍係咪充滿著滋擾等等。

 

 

如果你真係想增加自己嘅動力，

 

由今日開始，請你好好認真地調節自己嘅energy，

 

並且善用以上嘅motivation equation，一步一步邁向『在你遙遠的附近』嘅偉大目標！

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日有一條溝女Q&A，由Mr G提供，

 

係關於女仔發脾氣，同埋應唔應該送女仔返屋企嘅問題， 相信會幫到咁多位巴打嘅。

 

Mr G腥畀我嘅email標題就係『請大師救命』，佢就問我：

 

『我叫Mr G，最近識咗個女仔，大家一拍即合，拍咗兩星期拖好開心，

 

但佢尋晚去完街突然發我皮氣，成日同我ex比較，但我ex同佢跟本差天共地冇得比，佢好過我ex好多好多。

 

因為我尋日冇送佢番屋企，佢就嬲我嬲到依家，話我好遠都送我ex番去，但尋日我就走咗去，

 

其實我只係送過我ex番去兩次，而我尋日有問駛唔駛送佢番去，佢話唔駛啦，但原來佢個心好想。

 

依家佢話既然大家唔夾不如算數。

 

今日大家都冇搵過大家，我又唔敢whatsapp佢驚會越搵越變下把，到時死得。

 

我真係幾鍾意佢，請大師教我應該點做，又可以比佢明白我個心但又唔會變下把。

 

我驚越唔搵佢佢會越嬲我。』

 

非常可愛嘅一條問題，通常會發生喺十零廿歲嘅豆芽戀愛嘅小朋友之中，

 

以下就係我嘅回覆：

 

『 Yo G，

 

似乎你哋應該係中／大學生年紀？有幾點你可以注意：

 

#1 佢發你脾氣喺好事，emotions = attraction，佢唔鍾意你都唔會care。

 

#2 女仔永遠絕對唔係咁『唔開心／嬲』，

 

你一定要係呢啲dramas／emotional storm風暴嘅時候處變不驚，一定要保持nonreactive，唔需要墮入女仔嘅風暴之中。

 

呢啲係女仔比你嘅shittest其中一種

 

（如果你攞咗《Shit Test完整反擊攻略》你會更加清楚），所以唔好中計。

 

#3 唔好理佢住，一定要保持你嘅frame，無論你幾鐘意佢都好。

 

唔好whatsapp佢，等佢著急，

 

等佢自己不斷諗：

 

『死啦，唔通你真係就咁算？乜你唔係鍾意我嫁咩，死啦，玩大咗添，點算呢，喺，自己衰，喺，whatsapp下佢先。』

 

記住：女仔嬲你係好事！

 

任何嘅正負面嘅情感，都係女仔投資比你嘅emotional investment，等於佢在乎你。

 

#4 以後唔好問『洗唔洗你送你番屋企』呢啲咁嘅垃圾說話，

 

你得閒想送就送，唔得閒唔想送就唔撚好送。

 

決定權係你到，you are the fvcking man，you make the decisions.

 

#5 佢同你ex比較，又係另一種shittest，你一定要對佢苛刻啲。

 

佢如果咁煩，再係咁提起嘅話，你就可以warning佢同佢講：

 

『唔該你唔好再同我嘅ex比較，我講咗好多次，你係你，佢係佢。

 

佢已經係過咗去嘅事，而家你先係我嘅人。

 

你再係比較我點對你同佢，咁你都會成為下一個嘅佢。』

 

間唔中發下白痴脾氣喺可愛嘅，但係如果係咁搵同一樣嘢嗌交，你作為alpha male係唔應該接受。

 

一定要下馬威，比佢知道你先係『揀佢嘅人』，

 

亦都係可以隨時out左佢，隨時有其他選擇，隨時move on嘅人。

 

 

咁樣佢先識得珍惜你嘅好，唔會濫用你甚至『情感欺凌』你！

 

 

希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

嚟到超男之道系列嘅第8集，

 

亦都係我最鍾意嘅一集，因為今集嘅主題係叫做Your Purpose Must Come Before Your Relationship！

 

亦都即係我成日講嘅，你人生嘅目的／你嘅任務／你每日活著嘅原因，一定要凌駕你其他任何嘅人際關係。

 

因為每一個雄性男人，

 

當佢哋仔細沉思嘅時候，其實佢哋都知道，

 

佢哋人生最大嘅目的，唔可能係純粹為咗有一段精彩嘅relationship；

 

更加絕對唔可能將整個人生縮小到淨係維持某一種關係，無論係父母／女人／朋友／子女定係其他任何形式嘅relationship。

 

每次佢將自己嘅relationship凌駕於佢嘅life purpose，

 

佢就係衰弱緊自己嘅大能，亦都係同時傷害緊整個宇宙，

 

因為佢冇盡佢嘅責任，擴大自己係世界上正面嘅影響力。

 

所以各位巴打，

 

喺你整個人生會有無限次嘅引誘或者測試，你將會好多時被放喺一個兩難嘅位置：

 

你一係可以選擇一個所謂『完美嘅親密關係』，又或者你可以選擇去追隨你最高嘅人生目的；

 

而如果你想最能夠彰顯自己生命，

 

你每一次必須選擇喺你嘅purpose上面成功，你嘅relationship無論如何都唔可以成為你嘅首選。

 

你嘅mission一定要係你嘅priority，

 

因為每當你嘅mission唔係同你嘅生命規劃成一致，

 

其實你嘅core，你嘅內心係會有一種空虛感，有一種講不出聲嘅失落感。

 

所以當你下一次發現自己『為咗女人妥協某啲基本原則』，

 

又或者『為咗陪女人』將你嘅任務延期，

 

甚至係所謂『為咗女人開心』而否定屬於自己嘅true purpose，

 

 

巴打，你就一定要停止繼續否定你嘅calling。

 

你可以同你嘅女人講你好愛佢，但係你唔能夠因為咁樣，而掩蓋住自己嘅心裏面知道正確要做嘅事。

 

你可以同佢講，

 

我接下來半個鐘（或者任何特定時間）都會100%同你一齊，畀曬所有嘅注意力你；

 

但係過咗之後，我必須返去喺屬於我嘅任務打拼，我必須繼續行屬於我嘅道路。

 

如果你真係喺嗰半個鐘裏面100%全心全意同佢一齊每一刻，你嘅女人係會比起你『一齊出街食飯睇戲六個鐘，但係兩個人冇乜溝通，成日喺度各自玩電話』更加滿足。

 

要記住：

 

每次你花時間同女人一齊，你每一秒都係應該當時真心想同佢一齊；

 

而唔係因為大家想搵盤hea時間，

 

互相浪費青春，

 

互相『人在心不在』，

 

互相無意識地隨波逐流，跟住社會大眾節奏走。

 

 

所以各位巴打，同有質素嘅女人一齊互相去感受世界係好開心嘅，

 

你亦都好應該去擴闊同唔同女人嘅experience；

 

但係去到某個位，

 

當你自己feel到好似總係有少少空虛感，

 

好似硬係有啲嘢欠缺咗，

 

好似個心同你講仲有啲其他更大嘅嘢想做，

 

喺呢一刻，喺呢一個時刻，就係好好嘅跡象話你知：

 

你喺時候返去追隨番屬於你嘅人生任務，

 

你喺時候接受生命賦予畀你更大嘅project，

 
你喺時候勇敢地踏進新一趟具挑戰性嘅旅程，希望今集幫到你！

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

Mr Harry Potter：

 

『Hi man又係我 今次都幾多問題下 我盡量 cut short

 

問題1 最近我發覺對住條女有啲淆底，唔太敢望住佢對眼。

 

其實我成日聽到你講用穿透視眼神望住佢，其實啫具體係點lol

 

唔敢同佢講啲deep啲嘅野，只係日日得f+c， c都唔知係咪真係c，畢竟我都唔係好清楚c具體係點，

 

anyway，我就係唔敢望住佢講deep野啦，可以點做？

 

問題2 最近佢仲煩緊野，我msg佢佢都唔理，口講唔在意其實心理上都有種不爽嘅感覺，有咩意見可控制下我個心態。

 

我有試過同其他女develop下，但佢表示呷醋，唔理佢又好似好衰咁。

 

畢竟佢都唔似前線個啲咁諗野，但我都係有啲在意係msg到，求支援。

 

問題3 我有心但有時唔敢take action，真心對唔住巴仔同你。

 

我知到我要out zone，我知道take action，先有用有利於我。

 

但我少左個動力，我嘅藉口，考試就嚟到啦，諗咁多做咩，唔該你鬧醒我。

 

問題4 一條無咁deep嘅問題，但都應該幾多巴仔煩惱過嘅野，就係生日禮物or就咁想送禮物。

 

唔知呢啲野你會唔會做呢，但係我唔太知送咩好，你平時會送咩架，我想俾個surprise佢，俾啲好玩啲嘅建議。

 

盡左力架啦，最短啦，辛苦你啦man，等你嘅回覆。』

 

Yo Harry，

 

#1 Watch this:『氣場』同『堅定眼神』點樣練到？[溝女Q＆A]

 

呢個係咪你女朋友？點解會驚望住佢嘅？想知道你咁做嘅時候你心裡面當時有咩感覺。

 

好簡單嘅challenging方法可以係『行動』上嘅challenge，

 

例如唔係成日得閒同佢出街，

 

例如唔好做永遠搵女仔嘅第一個，

 

例如有時夜晚先覆佢whatsapp，

 

例如暗地裡讓佢知道有其他女追近你，

 

例如你每個禮拜都會出去social並且好自然地識到女仔etc

 

 

總之你唔係永遠available，你唔係『隨傳隨到』，你唔係『樣樣都say yes』，咁樣你就永遠都係女人眼中嘅challenge！

 

 

#2 小心，你嘅行為開始變得needy，佢忙嘅話就由佢忙，唔好搵佢住，直到佢搵你，trust me。

 

佢呷醋，that’s exactly what you want!!!

 

佢呷醋=佢在乎，一定要比佢知你有market，可以隨時『next 佢』。

 

同其他女仔flirt應該係你生活嘅一部份，呢一點一定要堅持，保持你嘅frame！

 

#3 動力唔係經常有，我明白嘅，我都唔撚係。

 

最好方法係build action habits，定時『自動』執行action，無論咩感覺都要執行。

 

例如，social方面，我一早已經plan好曬嚟緊6－8個禮拜嘅weekend會玩咩group activities，令我每個星期都識到新人，所以我唔需要禮拜五諗星期六日玩咩／點識女仔。

 

 

MTFU方面，我每一日都一早set好schedule，無論如何都要拍到幾多段片／寫到幾多篇newsletter／plan好下一個進階training。

 

 

你都見得到我而家每日出片，坦白講，成日諗咩講都好撚challenging，我都唔係日日『想做』。

 

但係呢，我起身都會提醒自己揀咗嘅mission，

 

我會提醒自己我想創造嘅impact，

 

我會提醒自己我要首先lead到自己去『捱過呢啲冇咩動力嘅tough days』，我先能夠啟發到大家去追隨各自嘅夢想。

 

因為你都知道，夢想成真都必須努力苦幹，

 

任何有價值嘅嘢都係需要『有策略地捱返嚟』，搵大錢／溝索女／練大隻全部都係。

 

所以你都要搵番你想做某件事背後嘅purpose目的同原因，再加埋你每日持之以恆嘅mini actions，你就能夠去到你想去嘅地方。

 

記住：Reasons come first, answers come second.

 

當你知道做某樣嘢嘅背後目的，當你知道自己嘅『WHYs』，你就有長期take action嘅燃料！

 

#4 生日禮物問題，視乎你哋嘅relationship去到咩程度。

 

有一本由Gary Chapman寫嘅書叫做《The 5 Love Languages》／《愛的五種語言》，係每個想同伴侶能夠長遠『感受到愛』必睇嘅書。

 

我需要坦白從寬，我係未睇晒嘅；

 

不過書裡面大約講，每個人都會有唔同嘅primary love language『主要愛的語言』，你要用嗰種語言同伴侶『溝通』佢哋先可以感受到你嘅愛。

 

嗰五種嘅『愛的語言』就係：

 

－Words of Affirmations 肯定嘅言語。e.g. 鼓勵的話語、仁慈的話語、謙遜的話語。

 

－Quality Time 有質素嘅時間。e.g. 把注意力集中在對方身上，全心全意跟對方一起作些他喜歡的事，

 

－Receiving Gifts 接受禮物 e.g. 把自己當成禮物，當對方需要你時，你就在那裡陪伴，或是購買禮物，但禮物不需要是昂貴的。

 

－Acts of Services 服務的行動。e.g. 藉著為對方服務來表達愛意，如: 幫忙作家事、溜狗、洗車、做一餐美味的菜餚。

 

－Physical Touch 身體的接觸。e.g.伸手撫摸他們，如:用手梳理對方的頭髮、撫摸背部、牽手、擁抱、按摩對方的腳。

 

所以講返你，如果你同佢已經訓咗幾次，亦都已經所謂正式『男女朋友』咗，咁送少少唔太名貴嘅生日禮物都無咩問題。

 

 

但係，如果只係『溝緊』輕鬆causal嘅階段，咁送生日禮物就唔太建議喇。
What a long episode, hope this helps!

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

今日想超快講下點解你每次溝女嘅時候，你一定要喺頭一分鐘之內開始掂女仔。

 

其中一個被friendzone嘅原因，

 

就係你唔能夠打破所謂嘅『Touch Barrier』，你唔能夠同女人盡快有第一次嘅身體接觸。

 

你越係遲掂女仔，即使你嘅『語言攻勢』你嘅verbal game好勁，你整體能夠溝到佢嘅機會率都係偏低。

 

Touching之所以喺其中一個成功好重要嘅關鍵，

 

係因為每次人與人之間有身體接觸，我哋身體就會釋放一種荷爾蒙叫做Oxytocin／催產素。

 

Oxytocin／催產素除咗係女性子宮收縮嘅激素，

 

亦都係每逢我哋感受到『戀愛時』會釋放嘅一種人體化學物質，令我哋有激動／愉快／甜蜜／快樂嘅感覺。

 

你每次有策略地掂女仔，同佢有適當嘅身體接觸，你就會刺激Oxytocin嘅釋放，

 

令女仔感到舒服，並且減低佢嘅緊張感，令佢感到喺你身邊好安全。

 

所以當你approach咗個女仔，並且打開口同佢開始傾計，你一定要喺頭一分鐘之內就要略略掂下佢；

 

令佢意識到你係一個有自信嘅男人，而你同佢傾計唔係純粹一個friendly conversation，

 

而係一個充滿sexual tension性緊張感，一個man-to-woman嘅對話。

 

正如之前某幾集講過，你一開頭最合適嘅位置就係略略拍佢手臂或者手前臂嘅外邊，

 

而每當你同佢講笑或者『咁橋搵到共通點』嘅時候，你亦都可以同佢high five。

 

溝女最差勁嘅一樣嘢，就係嘗試『扮識朋友』。

 

即使有啲女人同你講，佢哋一定要『首先做咗friend先，深入了解你之後先至會考慮成為情人』，但係呢啲全部都係誤導嘅！

 

女人真正嘅意思係：

 

佢哋想感覺到可以『相信你先』，如果你令到佢哋有feel，並且能夠令佢哋覺得你『信得過』，咁樣你帶領佢哋之後去搞咩春佢哋都會願意。

 

BTW，講開掂女仔，等我好快畀三個小貼士你，讓你成功盡快打破呢個所謂『Touch Barrier』嘅難關啦！

 

＃1  唔好太快掂得太多。

 

頭十分鐘到，你都係主要可以掂下手同手臂；最多可能係bar度經過佢後面嘅時候，輕輕掂到佢背脊。

 

每一次都係輕輕賴過，千祈唔好捉實佢，更加唔好咁快掂佢啲敏感部位，e.g.胸／蘿柚等等。

 

＃2 唔好draw attention落你掂緊嘅位置到。

 

千祈唔好好白痴地一路掂佢，一路望住你隻手嗰個位置，呢樣嘢睇落係好變態好creepy！

 

男女之間嘅身體接觸只係一件好小事，無需要特登放大佢；你只需要一路掂佢嘅時候，一路正常地繼續傾計『令佢分心』。

 

＃3 無論係身體邊一個部位，唔好掂佢掂得太耐。

 

你大部分嘅觸碰，係一兩秒最多三秒嘅事。

 

你掂得太耐，成件事就會變得好唔舒服，女仔就好容易做咗『take it away』嘅嗰一個人，你亦都成為一個睇落好似『好有陰謀』嘅男人。

 

所以今集嘅重點就係，要記得：

 

當你初初識女仔嘅時候，女仔係需要好快地並且有自信地被你觸碰；

 

咁樣佢先至會即時意識到你係一個sexual man，而你亦都絕對唔會墮進friendzone嘅陷阱。
已經喺私人newsletter裡面嘅巴打，你應該會收到相關解決被friendzone困難嘅全新training，

 

 

有咩問題歡迎email我哋索取詳情，希望今集幫到你！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

你有聽開MTFU你都應該知道，whatsapp／texting嘅主要目的係約女仔出街，而唔係喺度嘥時間互相問候大家。

 

所以今集好正，

 

我將會列出男仔whatsapp女仔最常見嘅七大死亡位，令到女仔對佢失去吸引力；你學識之後，請你以後唔好再犯呢啲錯誤喇！

 

死亡位＃1 誤解女仔覆你whatsapp = attraction，誤以為佢對你有吸引力。

 

尤其是你只係見過佢一兩次，同佢仲未有first date；

 

就算女仔畀電話你同你text，都唔一定代表佢對你好有feel，你唔好以為佢覆你機就代表佢一定鍾意你。

 

事實上：

 

你喺約佢出街之前越係腥得多whatsapp，越係講得多無聊嘢，你約到佢出嚟見到佢真人嘅機會就會越低。

 

所以千祈唔好腥啲『How’s your day』之類嘅悶爆text，每次你想send嘢畀佢一句之前，你問下你自己：

 

『究竟我呢一個text，係咪令到我同呢個女仔，可以更接近出到街嘅機會呢？』

 

如果你嘅答案係『No，但我想認識佢多啲深入啲』，咁唔該你唔好send果一句！

 

死亡位＃2 你嘅text好撚悶，完全顯示唔到你好玩嘅一面。

 

如果你whatsapp嘅時候，唔能夠當下誘導女仔某一啲情感出嚟，咁樣佢好難花時間花幾個鐘見你真人。

 

任何一啲太過認真／死板嘅text例如『Hi，Nice to meet you』，或者畀太大壓力佢去同你keep the conversation going，又或者不斷問佢問題…

 

呢啲都係顯示你係一個超級悶蛋。

 

所以由呢一刻開始，你要選擇一啲用語係能夠顯示你嘅fun，某啲位可以誇張少少，

 

並且你提及嘅每一樣嘢都要講到好撚正，並且製造到『哎呀，你冇去到XYZ實在太可惜喇！』少少玩佢嘅感覺。

 

死亡位＃3 冇你個人嘅Whatsapp Style

 

要明白，每個女仔幾乎每日都有其他男人想追佢，

 

e.g. 佢嘅ex想搵佢，佢公司啲同事想溝佢，佢中學嘅男班長無啦啦某一日好random哋約佢，又或者前幾日識到嗰三個男仔想同佢食飯等等。

 

所以喺佢電話每分鐘被轟炸嘅時候，你搵佢嘅text一定要顯示你個人風格同性格；

 

就算佢冇咗你嘅電話顯示，從你嘅whatsapp style之中佢應該都估到你係邊個。

 

所以問下自己：有乜嘢詞語／句子／標點符號／或者emojis係可以突顯你嘅style呢？

 

死亡位＃4 你send嘅whatsapp實在太撚長！

 

各位年紀比較大啲嘅巴打，你要明白，whatsapp唔係畀你寫論文嘅地方。

 

所以所有嘅繁文縟節，所有嘅formalities，所有無關痛癢嘅small talk，唔該你唔好再做。

 

新年嘅時候你無啦啦send張恭喜發財嘅相俾女仔，

 

又或者聖誕節腥一段key咗特朗普個頭喺聖誕老人上跳舞嘅片，

 

只會顯得你係一個on9嘅煩膠親戚，成件事真係好唔sexy！

 

所以每次你whatsapp，

 

當你一開頭send咗句少少嘅teasing，加一個花名或者短短搞笑嘅趣聞軼事，

 

令女仔留意你之後，你就要盡快move the conversation forward，去約佢出嚟。

 

死亡位＃5 約佢之前冇嘗試spark emotions

 

另外一個極端，就係有啲男人會失驚無神，第一句就嘗試約女仔出街。

 

邏輯上，你可能覺得之前女仔對你有興趣，所以直接約佢冇乜問題；

 

但係，你可能忘記咗，女仔嘅情感每一秒都係流動，每一秒都係改變緊。

 

所以比較有效嘅方式，係首先engage佢嘅emotions先，好快觸動佢少少情緒上的波動；

 

flirt少少，幽默少少，令佢feel到少少正面嘅情感先，之後先至約佢出嚟。

 

死亡位＃6 你太過predictable，令女仔完全估得到你諗咩。

 

呢個死亡位係傾向之後少少嘅階段，

 

譬如你可能約到佢一兩次出嚟之後，諗住十拿九穩，所以次次都係用同一招texting，同一堆笑話，同一啲嘅問題。

 

Texting或者Dating嘅最大錯誤，就係太快自滿！

 

你必須間唔中就有啲『特別嘢』／戲劇少少嘅drama發生，

 

間唔中同女仔講『遲啲會有surprise畀佢』，但係又唔話佢知係乜嘢嚟，

 

間唔中同女仔講話『佢令你諗起一啲嘢…』，但係又唔開估係乜嘢嚟住，

 

間唔中無啦啦send一張唔需要佢覆你嘅random搞笑嘅相等等。

 

重點係：只要你令到女仔keep住估唔到你下一句whatsapp會係乜嘢，佢就會keep住對你有興趣，期待再次見到你。

 

死亡位＃7 誤以為『某個女仔』係好特別，唔同其他一般嘅女仔！

 

我講咗好多次，永遠都唔好喺whatsapp上面『表白』或者所謂『打開個心同佢講你真正嘅感受』！

 

每次你嘗試透過電話confess your feelings，你就一定會嚇親條女。

 

每次你嘗試同自己講『呢個女仔同其他女仔唔同』／『呢個女仔好特別』，就係一個警號，話你知你準備會失去佢！

 

點解？

 

因為每次你覺得佢『真係好撚特別』嘅時候，你原本有吸引力嘅行為表現，就會無啦啦開始有所改變。

 

你就會開始whatsapp得太多，你就會開始太明顯讚佢，又或者你就會開始諗太多先至敢約佢出街…

 

事實係：She’s NOT different！

 

唔好因為某個女仔，而改變到你原本吸引到佢嘅行為特質；

 

唔係嘅話，佢就會好快對你失去興趣！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

其中一樣男人最痛，就係當自己鍾意嘅人唔再想要佢；好多時分手之後，男人都會想再同返個ex一齊。

 

今日會同你分享，如果你想令到前度女友再次要你，三樣你必須做嘅事。

 

Tip #1： Get Some Distance

 

喺你想再次變得親密之前，你一定要首先分隔大家嘅距離。

 

我知，我知你個心好痛，我亦知你好掛住佢，好想見佢。

 

但係你諗諗，你分手後嘅情緒好多時都仲未平復：可能你好唔開心，可能你好嬲，可能你好困惑，

 

所以喺呢啲情緒高漲嘅時候你去搵佢，你嘅行為舉動一定係會變得非常依賴非常desperate。

 

你有冇試過飲醉酒跟住乘機打畀你嘅ex啊？

 

呢啲咁戲劇性嘅嘢，我就有好7哋試過喇 lol

 

結果係點？

 

結果當然係個女仔只會覺得你好廢，覺得你比佢更加癡情needy，跟住就會覺得你好煩唔會再覆你。

 

所以第一個貼士就係，你一定要分隔大家嘅距離。

 

最好就斬斷曬所有溝通嘅渠道，包括你嘅電話／Whatsapp／IG／FB／SC， 至少兩三個月都唔好搵大家，『騰出空間』讓呢個女仔思念掛住你。

 

你可能會問：驚唔驚佢會喺呢個時候搵其他男人？

 

你都唔驚得咁多。

 

啱啱分手嘅時期，其實係睇下邊個控制唔到自己會搵返對方。

 

兩個人都經歷緊一啲情感上嘅波動，

 

但係你作為男人你一定要畀女人更加控製到自己嘅情緒。唔係嘅話，佢都唔能夠完全相信你日後，能夠冷靜處理更大嘅問題。

 

Tip #2： Pick Yourself Up

 

即係話你要再次為自己振作起番身。

 

好多時候，你都會因為拍拖而放棄咗一啲嘢，

 

所以分手後嘅時間，係一個perfect timing去再次做一啲你不嬲鍾意做或者對自己有益嘅嘢，咁樣你先至可以再次提升自己嘅自信。

 

例如定時去返做gym， 去搵返你少見咗嘅兄弟，

 

去重新upgrade自己嘅衣櫃，去睇返一齣你好想睇嘅打交戲，去再次自己探險去旅行等等。

 

如果你嘗試用一個『靈魂被傷害』嘅狀態去溝番你嘅ex，你就一定會失敗。

 

Tip #3： Get Back In The Game

 

你一定要放自己喺番個dating market裏面，你一定要做返一個desirable，有女仔想要，有女仔想爭嘅男人。

 

要記住一個好簡單嘅道理：

 

Women want what other women want。

 

女人係想要其他女人想要嘅嘢！

 

所以點解你成日會聽到，我建議巴打一定要出去識女仔，

 

咁樣你自己先至擁有一個客觀嘅睇法，知道自己除咗小姐A鍾意之外，仲有其他十幾廿個小姐-Z對你有興趣。

 

咁樣你嘅前度女友見到，佢先至會有更大嘅慾望去爭你追番你。

 

另一方面，你當然要略略比佢知道，『原來分咗手之後你生活過得更精彩』。

 

所以呢個時候，你就可以利用social media嘅幻象，畀佢間接地望到你好正嘅lifestyle。
以上幾個tips其實好簡單，但係如果你肯咁樣做，你將會大大增加前度女朋友想要番你嘅機會！

 

 

Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。

 

Here’s the question Bill asked:

 

『Hi man 一直都有聽開你既片 email都有收到newsletter，我都知要投資係多幾條女身試同唔可以暴露自己既需求比女仔知，但係我好想知仲有無機會可以發展落去？

 

話說小弟當時有女朋友，宜家分左手半年到，當時個女仔都有男朋友但就成日都會用whatsapp傾下計，我無同佢講自由有女朋友，因為我果時對佢無興趣，就會玩下佢問佢唔驚我會中意你咩，

 

又問下佢男朋友既野但佢都唔會點答，慢慢我識埋佢個fd，係whatsapp開左個gp，而佢都講話男朋友成日陪唔到佢，之後佢個fd有問我係咪中意佢，當然果時我有女朋友我就成日話人地都有男朋友啦。之後有次臨時就約左第一次出去。

 

當時個女仔就話想買鞋，叫我去找佢地、佢地就好離奇甘比左個雲吞麵鋪既地址我去 、一去到就比佢個朋友串我 好易找架wo呢到。

 

唔知係咪大家都怕羞，我同佢既互動唔多，佢都無咩點講野、只係我同佢個fd講野多串下大家甘、之後佢無啦啦話要走話要番屋企、甘大家就走左。

 

開始懷疑佢係咪當緊我係兵、但我都要去接女朋友、就由佢，走左半個鐘到佢打左個電話黍，但我無接。

 

之後大家都有曖昧下甘、後來我發覺佢用左個假既ac follow我ig ，佢入面post左我打比佢既文幾句甘，又有我中意既花同圖。

 

之後佢個fd都不停問做咩唔追佢呀 、係咪對會有意思、一一都話佢有男朋友就算。

 

之後佢離開左香港但都有同我日日傾計，佢有日番左黍就send左佢同佢男朋友既對話比我入面就話要分手，呢段時間佢掛住第個甘、又話黍左我屋企樓下、我知玩大左就話我唔係屋企、佢就話自己岩岩好慘唔識路好辛苦先黍到我屋企樓下，仲跌傷左隻腳流血，

 

但果時我都仲中意女朋友，而太突然我都唔知點做所以就話我黍唔到、佢就話甘自己走去飲酒，我都無理過佢。

 

之後我就封鎖哂佢既所有聯絡，因為果時都係中意女朋友。而佢都有留意我ig知道我有女朋友、後來佢同番之前一直果個男朋友一起番。

 

宜家分左手，發覺其實佢都唔錯想發展下。但佢改左電話、我知果時令佢好傷心，佢連ig都block左我。大約係2年前到同呢個女仔既事、而係係做sales公司識佢後來佢無做同佢用whatsapp傾計多、出街就只有一次、但大家其實都一直曖昧緊只係我一直用佢有男朋友黍做藉口、無明顯甘追佢。

 

無諗過佢會突然同男朋友分手、當時佢地拍左two year拖、宜家就4年。我知道果時佢對男朋友係好淡、因為陪唔到佢。

 

呢排我用ig message 寫左少少野比佢都無覆過我、但佢無再block我Instagram 而佢男朋友ig就無啦啦block左我。佢都解封左我ig比我睇佢既野 、但佢唔比我follow ，無再block 我、但我所有massage佢又無覆！

 

我唔係好知佢想點、如果唔想做番朋友或者無可能既、講一句我唔會再煩佢、但佢由頭到尾都無講過野！令我唔知應該繼續諗方法令佢找番我定放棄好？

 

但其實我做既行動都好明顯，而佢一直都無表示甚至拒絕比聯絡方法我、我宜家無佢電話，只有ig fb但佢都唔比我add做朋友，但可以寫messages 比佢

 

點先可以溝番reject 過既女呢？

 

唔該哂man』

 

Hi Bill，下次你腥email呢，麻煩你精簡啲100字內寫完，唔係嘅話我好難覆你，因為我仲有好多其他巴打問題要答。

 

畀幾個重點你諗諗啦：

 

＃1 你話『人地都有男朋友啦』你已經輸咗，個女仔嘅mutual friend一定同返佢講，你嘅神秘感已經冇曬。

 

再加上，冇需要成日喺度問人哋男朋友嘢囉，who cares？你想畀人friendzone先會成日問呢啲嘢，你想溝佢以後就唔好再咁做。

 

＃2 雲吞麵舖事件

 

－人哋叫你出去你就出去，你冇其他嘢做架咩？佢兩個擺到明shittest你，睇下你係咪隨傳隨到，點知你真係去咗，即係你係一個畀人踩上心口都唔識反抗嘅beta male。

 

佢哋梗係走啦，咁悶有冇咩嘢傾，咁樣你話呢個『group gathering』有咩意義？

 

－用假ig follow你，又做好多小動作？

 

Bro，呢兩條女有毒㗎，佢哋兩個喺度用情感manipulate操控緊你。

 

一個扮曬畀mixed signals你等你去追佢，另一個又扮曬幫你游說你去追佢。

 

我未睇你下面啲details，我都知道你必須馬上斬斷同呢兩個變態女人嘅聯絡！

 

＃3 返咗香港XYZ等等事件

 

A bunch of bullshit！

 

佢真係有毒，做十萬樣小動作希望攞到你attention，扮曬可憐咁等你同情。

 

唔知佢諗咩，但佢係一個好邪惡想拆散你同女朋友嘅人。

 

＃4 『之後我就封鎖哂佢既所有聯絡』

 

Well done，做得好。

 

＃5 『宜家分左手，發覺其實佢都唔錯想發展下。』

 

下？佢痴線㗎，你唔好畀佢外表同變態嘅行為蒙蔽自己喇。

 

＃6 IG block嚟block去

 

痴撚線，唔好嘥時間同佢哋玩埋啲小學雞遊戲啦！

 

佢唔覆你咁又點啫？點解你仲嘥時間喺佢度！？

 

＃7 『我唔係好知佢想點….』

 

做咩朋友啫？

 

佢絕對係一個有毒嘅女人，佢係不斷玩弄緊你嘅情感，絕對係一個super drama girl無事生非搵痴線嘢嚟搞，你再係黐埋去你一定觸礁死硬！

 

＃8 『我宜家無佢電話etc.』

 

連呢條變態女都封鎖咗你，你仲要搵佢，仲話想媾返佢？

 

溝乜春！？

 

你要做嘅係斬斷同佢所有聯絡，ig fb 都唔可以有佢存在。

 

Anyway，我好撚激動，係因為呢一條係絕對有毒嘅女人，會毀滅你，摧毀你一生。

 

雖然你冇同我講，但係過咗咁耐你都記得咁多details，擺到明你呢幾年肯定冇出去識女仔，所以沉迷係一個變態女人身上。

 

所以我今日必須對你決絕啲，宣佈以下呢樣嘢：

 

我係唔會再幫你再答任何關於呢條女嘅問題，因為佢有毒，所以所有關於佢嘅嘢都係有毒。

 

我畀你嘅建議係，

 

＃1 由今日開始， 無論如何，呢條女唔可以再任何方法聯絡到你；

 

而當佢喺唔知咩情況下再次搵到你，你一次都唔會回覆佢。

 

＃2 你係時候出去識女仔，咁樣你先知道咩叫做冇毒嘅女仔。

 

呢一刻嘅你太過pure，完全係畀人玩緊；

 

你必須增加同正面嘅女性相處嘅機會，你先至能夠溝到對你身心有益嘅女仔。
希望今集幫到你！