月份: 2017 年 3 月

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

今日再嚟多一集溝女Q&A, 好快為另一位聽眾解答佢嘅問題。

 

呢一位巴打問我:

 

“我女朋友主動話想濕吻，但佢完全唔知咩係濕吻，如果我同佢wet kiss既時候應該點算，在口腔裏用舌頭打圈？（我自己都唔太清楚咩係wet kiss,可唔可以指教下）”

 

好精簡嘅一條問題, 就等我以下回答你啦, 以下係我嘅回覆:

 

“Hello,

 

我唔算特別鍾情濕吻(French Kiss/Wet Kiss), 但係從我嘅經驗同research之中,可以分享幾點比你:

 

#1 一個好嘅kissing, 一定要未錫之前慢慢build up.

 

當你準備就緒想鍚佢時，你可以不經意地靠近佢，例如傾偈時幫佢撥一下頭髮, 之後望住佢雙眼,望一望佢嘴唇, 跟住先至慢慢kiss.

 

側側頭避免鼻撞鼻，之後將嘴唇輕按喺佢嘅上唇或下唇上，好似鍚BB額頭咁鍚佢。(記得合埋眼睛!)

 

#2 好好運用你雙唇

 

你可已試用唔同壓力,唔同濕度嘅吻測驗佢既激情指數, 同時細心閱讀佢有咩反應, 搵下佢覺得性感或者舒服嘅性感地帶。

 

#3 濕吻有幾點要注意:

1. 用你舌頭喺佢嘅舌頭輕輕打圈。
2. 頭部輕輕向後側移動，等你哋兩個嘅舌頭有更多靈活空間。
3. 輕咬佢喺舌頭，可以用舌頭探索你女朋友嘅口腔。
4. 最重要係動作要慢, 唔好讓佢覺得你硬塞舌頭過嚟嘅感覺。舌頭應保持放鬆，開始感受對方的舌頭，配合一起移動。

 

#4 你雙手都好重要, 可以放嘅地方有幾個:

1. 放係佢嘅腰上
2. 環係佢嘅肩背/頸上
3. 輕輕抓住佢嘅手臂
4. 手指輕輕撥佢嘅頭髮
5. 大手拉細手

 

#5 最後並且好重要嘅係, 你要記得要保持口腔清新, 冇口氣。

 

唔好kiss得太大力, 唔好將個頭撞落佢嘅牙齒度, 同埋唔該你唔好擘大曬個口,因為真係好撚核突lol.
咁以上就係各位巴打french kiss嘅時候需要注意嘅事項, 喺嚟緊呢個禮拜有機會呢就去嘗試一下, 再話畀我知你嘅囡囡有幾high啦! 🙂

 

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

今日想回答聽眾一條問題, 咁佢send email過嚟嘅時候呢,其實個標題係叫做”唔係幾鐘意做運動點吸引女性?”

 

咁但係佢都打得幾大段嘢, 總括嚟講呢, 佢就話自己鍾意打機,睇動漫,電影, 而呢幾樣嘢真係會令佢覺得開心,學到嘢。

 

但係佢擔心如果女仔知道佢鍾意呢類型嘅題材, 啲女仔就會標籤佢做一個『毒撚』。

 

第二點就係, 雖然睇動漫係佢嘅passion, 但係佢又未去到同人講野唔望人, 又或者真係買啲大波女人做wallpaper或者買figure嗰一個層次, 只不過係一開始認識果陣唔會太熱情。

 

咁最後佢所講嘅就係 (等我copy and paste畀你啦):

 

“其實而家我溝緊一個女仔，佢本身都會睇動漫，不過係少，亦唔介意我打機，可能因為我唔會掛住打機唔理佢。

 

我地都叫做有共同話題，有時會講下電影、動漫，但係佢其實都會睇下NBA咁，而本身我又冇乜睇過NBA,雖然佢都唔討厭我，同佢都單獨出過一次街，亦feel到佢對我有好感，但係我覺得長遠係咁好似唔係辦法，我應唔應該改變下自己嘅興趣呢?”

 

好, 咁我哋就嚟料啦, 以下我有三點想同你分享:

 

#1 其實鍾意睇動漫電影係冇太大問題, 呢樣係你自己嘅興趣或者passion, 係可能某啲原因情況下好啟發到你嘅一種活動。

 

所以, 你唔好因為你嘅興趣而覺得慚愧, 覺得be ashamed of it;

 

相反, 你係應該Own It, 你係應該為屬於你自己嘅嘢感到自豪,你係應該有一種 “我係鍾意睇動漫啊,咁點呀?” 嘅心態。

 

因為當女士感覺到你唔能夠全面接受自己嘅時候, 佢亦都好難去全面接受你。

 

所以如果你真心鍾意睇動漫, 適量地去追隨你嘅興趣係絕對冇問題嘅。  

 

#2 其實所謂『毒撚』之所以吸引唔到大部分女性, 其實都可以歸咎於幾樣行為特質, 例如:

 

• 佢哋唔太著重自己儀容, 唔去打扮一下, sex up 自己

 

• 佢哋缺乏良好嘅溝通技巧, 講嘢嘅時候得一個沉悶嘅聲調…

 

• 佢哋平時做嘅嘢太過單方面 (i.e.即係淨係睇動漫,打機)

 

• 佢哋冇乜野心為將來打算
  (Btw, 如果你係一個有ambition嘅人, 即使呢一刻嘅你未必好成功好有錢, 但係女人見到你咁有上進心, 都會覺得你係一隻藍籌值得去投資一下。)

 

• 佢哋太過needy, 遇到心儀嘅女仔嘅時候, 好可能會即刻當佢女神咁樣拜,做一個所謂『守護佢嘅天使』

 

 

以上呢一啲都係比較unattractive嘅行為動態, 所以女性先會對毒撚冇乜興趣, 但係唔代表你鍾意睇日本某一類型嘅題材就代表你溝唔到女。

 

#3 你問我應唔應該改變你自己嘅興趣, 我有以下嘅睇法你可以去考慮一下:

 

我明白打機睇動漫電影會令到你開心, 會令到你有dopamine release/多巴胺荷爾蒙釋放嗰一種嘅開心愉快嘅感覺。

 

想自己開心係冇問題嘅, 所以間唔中沉醉於自己鍾意嘅娛樂都可以減下壓。

 

但係你要問自己比較deep嘅問題係:

”我嘅人生目的係咪為咗去享受,係咪純粹為咗快樂呢? 每一日去consume,每一日去娛樂, 係咪真係會令到我自己好fulfilling好滿足呢?  

 

定係其實有一啲嘢我係suppose應該去做呢? 我係咪其實有一條屬於自己嘅道路等緊我去行呢?”

 

當你大概有一個答案嘅時候, 下一條你可以問自己嘅問題就係:

 

“假設我選擇去行屬於自己嘅一條路,假設我想去彰顯我嘅生命, 我每一日空餘嘅時間去打機睇動漫電影, 係咪一個長遠可以幫到我快啲達到我理想嘅活動呢? 呢類型嘅嗜好係咪一啲高投資回報率嘅活動呢? “

 

個重點係, 當你能夠知道自己人生想點樣行落去嘅時候, 當你有一個比較清晰嘅方向, 你就會知道呢一刻嘅習慣, 呢一刻嘅興趣嗜好係咪對你長遠有好處, 係咪會幫到你去你想去嘅地方。

 

 

記住, 無論你點樣揀, 都要記得呢個決定係你自己做嘅, 都要記得呢個係你自己嘅選擇 🙂

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

有時我哋喺一啲semi-formal既社交場合識女仔嘅時候,有機會遇上一開頭握手介紹自己嘅情況,今日想同你分享點樣先至握手握得有魅力一啲, 令到你即刻stand out!  

 

其實握手呢樣嘢好簡單㗎啫, 只有五條好短嘅規則你要遵守:

 

#1 永遠都唔好好正常地同女仔握手,尤其係嗰啲你有興趣嘅。

 

因為9成9嘅人都唔會去諗點樣透過握手令自己突出一啲, 所以你唔想唔小心變咗另外一個普普通通平庸嘅人。  

 

 

#2 同女仔握手嘅時候,記得畀正常握手握耐少少。

 

譬如正常握手係應該大約兩三秒, 你就應該同佢握大約三至五秒。

 

 

#3 同女仔握手嘅時候,要令佢有覺得自己係女性嘅感覺 。

 

意思係, 你唔好握得佢太大力, 唔好好似同一啲男士握手嗰一種力度,又或者商業場合嗰一種比較大力,比較顯示自信,比較firm既感覺。

 

唔係嘅話,個女士就會覺得你哋只係普通社交場合嘅握手, 並唔會聯想到你有機會成為一個potential romantic partner.

 

 

#4 呢一點非常重要, 當你同佢握手嘅時候, 你一定要直視佢雙眼, 用你雙眼穿透佢嘅靈魂。

 

再加埋我平時教你嘅小小嘴角向上斜陰陰嘴笑(smirking), 咁你就會無械可擊㗎嘞。

 

因為你咁樣做, 你畀佢嘅感覺就係:

 

依家係一個man-to-woman嘅接觸, 並唔係純粹友誼嘅身體觸碰, 你嘅奸笑亦都顯示你唔會因為佢美麗嘅外表而即刻當佢係女神, 而你肯掂佢係佢嘅榮幸。

 

 

#5  最後一點你可以做唔做都得, 不過通常我自己介紹嘅時候呢, 我都會嘗試睇下有冇啲好笑嘅問題或者idea可以即刻講下。

 

 

例如一招我好鍾意用嘅, 就係當佢講完佢個名嘅時候, 你就可以話, “你叫Ada? 唔似囉, 你應該叫做Amy先啱 lol.”

 
總之搵一啲你當時果一刻覺得好笑嘅嘢講或者放一啲花名落佢到, 令佢笑出嚟, 覺得你呢個人幾得意幾特別, 咁你就會喺頭十零秒啱啱認識嘅時候馬上突出自己!

 

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

想問你一個問題,你鍾唔鍾意聽秘密嘅呢?

你鍾意入面定係出面呢?

你鍾意入去,出去,再入去定係重複咗呢個動作呢? :p

 

啊,希望你作為Man The Fvck Up入面嘅成員,你係比較鍾意”入去”聽一啲insider secrets啦!

 

Anyway,聽住嘞個各位聰明人:

 

如果你係一個經常所謂被女仔friend zone嘅人, 請你以下留心。就算你冇被friend zone嘅問題,我以下所講嘅嘢都可以作為一個警號…

 

就係有一樣啲PUA好煩嘅嘢就係成日講到friend zone好似好賴大問題…

 

真相就係: 同女仔做朋友根本冇問題!

 

我哋都係鐘意女人嘅動物, 而你亦都應該同時鍾意同佢哋做朋友。

 

更重要嘅係，同好多女仔做朋友係對你嘅dating life有無限嘅好處!

 

當你同好多女仔做好朋友嘅時候, 你就有一個好少男人有嘅機會, 去觀察佢哋一啲平時冇乜防備下嘅行為舉動。

 

例如佢哋點樣化妝, 點樣揀衫, 點樣買鞋, 點樣講人是非, 點樣評論啲男仔等等…

 

而當你同女仔friend出街或者去social去蒲嘅時候, 你亦都有機會觀察, 當有啲random男仔去approach佢哋, 成件事完咗之後佢哋會有咩反應。

 

再講吖， 我之前都應該講過唔少次，擴展你自己嘅social circle，並且經過你嘅social circle佢識女仔，又或者有friend略略介紹你比其他女仔去識，係會畀一個cold approach容易順利好多!

 

另外有樣嘢你必須注意: 做你嘅女仔friend,你一定唔可以諗住去搞佢哋!

 

同呢啲女仔真係純粹好朋友關係, 係你選擇去同佢哋做friend.

 

我講到呢個位,啲PUA出生嘅可能會覺得, “頂…咁咪好嘥!?”

 

即係講到好似佢哋好憎同女仔做friend,講到好似永遠男女唔可以做朋友,講到好似一同女仔做朋友就代表你戀愛失敗…

 

頂, 冇病呀你?

 

唔好講到好似friend zone好大件事先得㗎!?

 

由今日開始你要記住:

 

係你去決定friend 唔friend zone個女仔, 係你決定呢一刻你只想同佢做朋友;

 

當然你對佢好似任何其他女仔一樣, 得閒可以串下佢,揶揄下佢,挑戰下佢,唔太過care佢有咩諗法,並且唔會喺度有咩身體接觸抽人水。

 

佢只係一個普通朋友，一個可能其實暗地裏對你有興趣嘅朋友。

 

而當你哋出街嘅時候，你就有呢啲異性朋友喺你嘅軍團，你估佢鍾意同你做friend嘅時候，會唔會介紹其他女仔畀你識吖嗱？

 

當佢無意中見到其他女仔係咁爭你嘅時候，你估佢會唔會暗地裡遲啲都想要埋你一份吖嗱？

 

有個秘密我想你記住:

 

對一個高質素有地位嘅男人嚟講, 根本冇可能比女仔friend zone,根本就冇friend zone呢一回事。

 

高質素有地位嘅男人係有大把異性朋友，而且呢啲女仔都係佢揀過高質素嘅女仔先至會畀佢留喺身邊。

 

如果遲啲有一日佢發覺有一個特別好 ，或者佢先至會考慮下個女仔，而因為佢本身係咁高質素，佢幾乎可以即刻要邊個就有邊個。

 

個重點係：

 

同多啲女仔做朋友基本上係百利而無一害，對住佢哋嘅時候chill啲，唔好祈求有乜嘢發生，一齊去玩，一齊癲，一齊喺各自嘅道路上去進步！

 

係你選擇將女仔friend zone，亦都係你將來控制你會唔會將佢抽離friend zone去另一個關係。

 
近朱者赤，近墨者黑，花啲時間投資喺你既social circle，建立你自己嘅同性,異性嘅兵團，將會對你整個人生有幾何級嘅正面影響！

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

腥message或者whatsapp依然係好多巴打嘅問題，亦都有唔少巴打email我問我應該點樣做，所以今日想再開一集同大家講一講呢個話題。

 

第一個hint可以俾你嘅，就係如果你仲認為whatsapp或者texting係一個遊戲，咁你就睇錯咗喇。

 

意思係，

 

雖然你可以當腥message係一個男女之間大家玩下嘅工具，但係好重要嘅一點就係，其實一個message係根本冇乜重要性,冇乜價值,it’s no big deal.  

 

Message講到尾都只係一個雙方冇乜時間下而溝通嘅工具, 根本冇得同人與人/面對面真實相處呢種情感嘅connection去比較。

 

(Btw, 你同女仔傾計嘅時候, 你都可以一早講到明你唔太鍾意腥message, 一嚟因為你比較傾向真人相處,真實好多; 二嚟你覺得好嘥時間, 搞到你平時做嘢好分心。

 

你咁樣一開頭講定你對message嘅睇法, 係會之後幫到你set the tone for你哋之後之間點樣去溝通。)

 

講返正題先, 所以我send message嘅第一條規則就係:

 

因為msg呢樣嘢咁低價值, 所以無論如何你都唔可以太過對號入座。

 

乜佢隔咗好耐先至覆你咩? No big deal, whatsapp嚟姐。

 

乜你好忙隔咗成日先有時間覆人咩? No big deal, whatsapp嚟姐。

 

乜佢同你講, “哈哈 你好正呀”再加三個心心眼畀你? No big deal, whatsapp嚟姐。

 

喺message呢個渠道, 無論佢講嘅嘢有幾正面,有幾負面,有幾天花龍鳳, 你都唔可以太過對號入座!

 

至於我平時whatsapp嘅style, 可以有幾點補充:

 

#1 如果你有時打錯字呢, 唔需要特登打個星號下一句去糾正佢嘅。

 

而家唔係寫畀你老闆睇, 唔需要咁認真;

 

間唔中打錯字可以好好笑, 亦都顯示你唔需要 或者唔太過在乎去impress佢, 所以你打錯字就可以由得佢。

 

#2 喺你攞佢電話嘅時候, 最好令佢明白,你唔係經常咁容易畀你電話陌生人嘅。

 

好大嘅原因對於我嚟講, 就係我依家其實真係好少係咪都問女仔攞電話, 因為係同佢傾計嘅時候,大約都知道佢適唔適合我。

 

其次，當我真係去畀電話出去嘅時候, 我盡量都讓嗰啲想見我嘅女仔主動whatsapp我, 因為咁樣可以篩選淨返好多對你真係有興趣啲嘅女仔。

 

但係喺間唔中嘅時候，可能廿個有一個同你真係特別connect得到，咁你都可以同佢講類似

 

『我已經唔係成日攞女仔電話，但係啱啱同你傾完偈，我感覺你有啲特別，我唔知啦，但係呢一刻我覺得我哋臨走之前應該交換電話，因為我哋嚟緊都可能會約出嚟再做XYZ…』

 

你有咁樣類似嘅講法，唔單止可以令佢知道你有幾揀擇，亦都可以令佢知道你對佢嘅感覺並唔係單純在於佢嘅外表，咁你哋之後再whatsapp大家嘅時候，佢都幾乎唔會咁冇禮貌唔應機。

 

#3 你應該都聽過 “A Picture Is Worth A Thousand Words”架喇?

 

同埋你最近都應該留意到好多社交媒體都crossover咁樣有唔同嘅function, whatsapp近排亦都推出咗 “Whatsapp Status”，畀你好似係IG咁樣擺story既一個新功能。

 

雖然我唔主張你去花咁多時間去日日update你個profile, 但係你應該留意得到好多女仔都鍾意玩呢啲野, 所以你都可以間唔中擺下相,擺下video, 間接令你電話中嘅女仔都見到你有咩好玩嘅活動發生緊。

 

相同video都係比較能夠觸動女仔嘅emotions, 所以你有時間嘅時候都應該間唔中update下自己有咩新搞作。

 

以上就係你需要知道腥message嘅大約style,

 

要記住: 攞佢電話最主要嘅目的係約佢出街,係一個虛擬世界裏面係咁腥無限個whatsapp係冇用嘅！

 

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

又係一個美麗嘅星期一, 我相信你嚟緊呢個星期都會好忙, 咁不如今日就等我畀5個random小貼士你，點樣溝女溝快啲!

 

#1 有一句好正嘅嘢, 你可以今日用嚟揶揄個女仔, 就係同佢講話, “啊,你個人咁天真,咁無辜嘅!” 又或者係,”啊,同你講嘢真係要家長指引先得囉!”

 

呢兩句嘢其實暗示佢個人太過safe,太過束縛;

 

當你咁樣評論佢嘅時候,好多時佢會有個自然反應去反抗你呢個標籤。

 

咁你覺得安全,個人好繃繃緊嘅相反係乜嘢呀?

 

就係一個又開放,又有冒險精神, 又open-minded嘅女仔, 呢個仲唔係你想要嘅佢? 😉

 

#2 唔該你開始做多啲你鍾意做嘅嘢, 減少做一啲你唔鍾意做嘅嘢。

 

聽落好似好簡單,”阿媽係女人”嘅一句, 其實好多人都唔明白當中嘅意思。

 

意思就係:

 

呢一刻有邊3-5樣嘢係你做嘅時候你成個人覺得好開心, 你就應該放多啲時間呢啲活動度;

 

相反,一啲會帶走你快樂或者正能量嘅人或事物, 你就應該減少接觸佢哋。

 

你肯慢慢主動地改變你日常生活中接觸嘅嘢, 你就會慢慢製造一個大部分時間都開心快樂既lifestyle, 乜呢樣嘢唔係你都想成日experience架咩?

 

#3 承接第二點, 你要記得你放乜人喺身邊,係會對你將來有最大影響!  

 

You are the average of the 5 people you spend most time with, 你係你5個花最多時間喺身邊嘅人嘅平均值!

 

你將會不自覺潛意識地慢慢pick up佢哋嘅信念系統, 佢哋嘅諗法, 佢哋嘅mindset, 佢哋嘅行為舉動, 佢哋嘅形象, 甚至係佢哋嘅結果!

 

如果你想學溝女學得快啲, 如果你想你溝通技巧進步得快啲, 如果你想快啲成為一個成功嘅人, 咁你就應該盡量花時同一啲喺某一方面叻過你嘅人hang out.

 

因為當你能夠親身目擊,感受呢啲屈機嘅人in action, 你嘅世界觀將會唔一樣。

 

#4 如果呢一刻你身邊有啲唔鍾意你嘅人,或者當你想嘗試進步,但係有啲人總係想拉住你等你失敗, 我想你以一個體諒,同情嘅心態去繼續愛佢哋。

 

當然你唔需要做任何嘢去愛佢哋, 但係喺你嘅腦海之中, 要明白呢啲haters其實同時間面對緊一啲佢哋唔識解決嘅問題,所以先至會”葡萄”你嘅進步人生。

 

唔需要太理會佢哋, 你只需要繼續專注喺你嘅道路, 每一日繼續成為一個awesome human being!

 

#5 Be FREE, 容許自己自由啲!  

 

做你想做嘅嘢, 講你想講嘅嘢, 成為你想成為嘅人。

 

永遠記住:

 

當你首先解放自己, 你就會成為人哋嘅啟發,人哋嘅希望容許佢哋解放佢哋最美好嘅自己。

 

呢樣就係『生命影響生命』, 呢樣就係你點樣改變世界,留下你嘅掌印。
下一集再見 🙂

 

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

奶奶同新抱/老母同女朋友同時出現喺同一個場合, 係一個令好多男人頭痛嘅問題。

 

女朋友第一次見你阿媽,究竟佢諗緊啲乜嘢?

佢會唔會因為你阿媽在場而覺得你冇咁man呢?

你應唔應該叫你阿媽,喺你女朋友面前做啲乜嘢或者唔好做啲乜嘢呢?

 

呢啲問題, 我哋事不宜遲即刻為你解答!

 

細細聲講個秘密畀你知啊, 其實女仔係好鍾意見到或者聽到你有幾愛你媽媽,所以你唔好喺度扮型,扮唔care你阿媽。

 

相反,你有時可以直接言語間透露佢知你可能琴日同阿媽傾完電話, 好開心因為近排你忙緊擴展你嘅生意,好耐都冇約佢出嚟飲茶, 所以有時得閒嘅時候打畀佢,會好開心聽到佢把聲。

 

喺適當嘅時候展現你柔情嘅一面, vulnerable感性少少, 女人絕對唔會因為咁樣而覺得你儒弱,反而會覺得你孝順同埋有人性。

 

至於第二條問題, 你平時可以做啲乜嘢先可以喺你嘅親人/親戚/朋友身上,得到應有嘅尊重同對待呢?

 

你要做嘅嘢就係: 你一定要訂立 一條真實嘅界線, set好你嘅boundaries, 令到其他人知道你想點樣被對待。

 

雖然聽落好似好嚴重,太過嚴苛咁樣, 但係你定立嘅界線其實係真心,真誠,並且坦白去話畀你愛嘅人知道有乜嘢你係接受, 有乜嘢你係唔接受。

 

對你最重要嘅人,係應該知道你真正嘅諗法,事實嘅真相。

 

所以如果呢一刻嘅你好唔好彩,同一啲唔知道你底線嘅人同居相處, 你更加需要讓佢哋知道有啲乜嘢,對你嚟講係完全不能接受嘅。

 

並且講明如果佢哋再超過嗰一條底線, 佢哋係將會損失同你相處嘅時間, 直至佢哋學識你真正需要啲乜嘢。

 

要記住: 呢個世界並唔係用你嘅方式去愛我, 而係用我接受嘅方式去愛我, 咁我就會應承你用你嘅方式去愛你。
呢一句睇落好似好深嘅嘢, 我相信你作為Man The Fvck Up嘅精英, 你一定會明白嘅 🙂

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

今日想好快好簡單畀個貼士你, 就係當你遇上一啲特別串,特別多阻滯嘅女人時, 你應該點樣處理呢? 你應唔應該繼續同佢玩鬥串呢?

 

如果你都有遇上呢類型嘅女仔, 你都會明白佢哋講嘢好有骨, 好叻諷刺你,挖苦你嘅。

 

識得同你互串嘅女仔其實好好玩嘅, 因為佢識得反擊你都證明佢幾有腦, 大家挑戰大家可以去到幾盡都係一個互相吸引嘅玩法。

 

但係有時去到某一啲位,佢繼續咁樣做就會over咗, 而且我亦都發覺原來有時呢啲女仔去得咁盡, 句句咁鬼寸,其實好多時係源於佢哋自己嘅insecurity, 佢哋缺乏自信。

 

如果你feel到佢太過保護/防衛自己, 抵抗你嘅進攻,咁呢個情況其實可以有兩種解釋:

 

#1 佢哋平時對住全世界嘅人都係咁撚串, 如果係咁, 即係話佢唔係對你特別有feel.

 

#2 佢哋對你有feel, 而寸你係佢對你有興趣嘅一種表達方式,如果係咁你可以點樣還擊呢?  

 

喺呢個時候, 你知道佢嘅招數係不斷串你,如果你繼續同佢玩鬥串嘴呢一個遊戲係無止境,只會火上加油。

 

假設你哋唔係去一個date, 下次你喺social嘅場合撞到佢, 你可以傾幾分鐘偈, 有講有笑, 佢串你嘅時候, 你可以講話,

 

”啊，我真係好感恩同你永遠都只係朋友囉, 因為我哋之間永遠都冇可能發生囉  LOL”

 

跟住呢你就走開! 等佢望到你同其他異性傾計,同其他女仔有講有笑, 又flirt下啲你有興趣嘅囡囡, 你要表達一個你毫不在乎佢,totally indifferent 嘅感覺。

 

你咁樣做,好處有兩個:

 

#1 如果佢根本對你係冇feel嘅, 咁你就唔需要再嘥時間一個唔鍾意你嘅人身上, 留返啲寶貴嘅”精力”喺其他人到 😉

 

#2  如果佢對你有興趣, 當你對佢顯示少啲興趣, 佢見到你去溝其他女嘅時候,佢一定會妒忌並且感到一個強烈嘅拉力去追番你。

 

喺嗰一刻佢某程度上一定有所行動, 你要小心觀察佢嘅signal, 慢慢將呢個串嘴Daisy收服嘞 🙂

 

 

Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。

 

今集將會分享一個唔少男士都會面對嘅問題, 就係如果你並冇你理想中嘅高度, 咁你可以點溝女呢?

 

咁其實好多謝最近一位聽眾嘅來信, 就問關於高度嘅問題, 咁我以下面就會分享佢嘅來信同我嘅回答, 相信無論你滿唔滿意自己嘅高度都會有所得著。

 

事不宜遲, 即刻開始, 以下係聽眾V嘅問題:

 

Hi man，我成20歲，身高得160，我未怕過拖我覺得同身高有關…溝唔到女搞到我好自卑，見到自己樣唔差但比我高既男仔覺得好自卑已經有輸比佢既感覺，好多女仔都想搵比佢高既男仔，女人係米咁睇外表？究竟矮仔有冇咩方法吸引異性？唔通真係要好有錢先溝到女？

 

咁以下就係我send番畀佢嘅嘅回應:

 

Hi V, 多謝你來信。

 

我好明白你嘅感受, 講個秘密畀你知, 其實我嘅高度係香港都係below average, 曾經有個階段我都好介意自己身高, 仲會insecure到我會買增高鞋墊整高少少自己…

 

第二, 其實我20歲嘅時候都未拍過拖, 所以你唔需要為呢樣野覺得自己好似欠缺咗一啲嘢 。

 

睇完你寫嘅嘢, 我想就你所講嘅某幾點分享一啲嘢畀你:

 

#1  “我未怕過拖我覺得同身高有關” / “好多女仔都想搵比佢高既男仔，女人係米咁睇外表”

 

真正嘅原因並唔係身高問題, 而係自信/自尊心嘅問題。

 

我明白社會意識形態都係崇拜”高大威猛嘅型男”, 而呢個大眾image暫時都比較難改變;

 

我唔會否認高大啲係畀細粒嘅男仔有優勢,但係我會同你講高度絕對唔係一個determining factor, 絕對唔係一個女仔最終決唔決定同你一齊嘅因素。

 

例子1: 我有一個都係157-160嘅男仔friend+中學同學, 我記得佢14/15歲, 我哋做project嘅時候, 佢已經好主動出街識女仔, 而喺呢十幾年, 佢真係可以講得上 “食女無數”, 一定超過100個女仔, 仲要好多係半IG女神級嘅。

 

更重要嘅係, 佢呢幾年發奮得好勁, 創業創咗一大筆錢, 已經係一間頗出名既social media公司做老闆, 賺錢多個HK特首…

 

例子2: 大約兩年幾前, 我去咗一個女仔嘅birthday party. 我好記得嗰度有一個好似李亞男, 起碼175以上model身材嘅女仔, 你估下佢嘅男朋友係點樣?

 

佢男朋友係一個樣子普通, 大約160既男仔, 佢拖住個女仔出街同其他人social完全冇問題, 個女仔亦都好冧佢好respect佢。

 

由此可見, 你最終溝唔溝到女, 係取決於你自己對自己嘅自尊心, 自愛。

 

女仔想要嘅係一個充滿自信, doesn’t give a fvck about what others think 嘅男人,佢哋想要嘅係a wide range of emotions, 並唔係好似男人咁視覺動物, 一定要樣靚身材正先會揀你。  

 

#2 .”溝唔到女搞到我好自卑”

 

呢個係好多年輕男士嘅心理狀況, 會將自己嘅價值同”溝唔溝到女”呢啲外來因素掛鉤。

 

如果你想由一個teenager boy成長到一個mature man, 你一定要記得你嘅快樂,你人生嘅滿足感,並唔係取決於外在嘅materials (女人/錢/成就etc.)。

 

你嘅快樂係取決於內在嘅, 係取決於你單身嘅時候點樣學識令到自己生活滿足, 係一個關於點樣選擇面對人生嘅態度。

 

呢一刻嘅你可能會比較難明白, 不過畀少少時間自己, 慢慢進步, 慢慢踏出你嘅舒適範圍comfort zone, 去嘗試女人以外嘅唔同嘅新事物, 你將會明白點解女人只係男人生命嘅一小部分。

 

#3 “究竟矮仔有冇咩方法吸引異性”

 

我想你唔好再focus喺”矮仔點樣溝女”呢個表面層次, 你應該focus嘅係”我作為雄性嘅男人, 有乜嘢behavior係吸引雌性嘅女人”。

 

(Btw,以下我所講嘅嘢比較深奧,我遲少少會再講多啲)

 

Sexual Attraction, 其實未必一定關男女性別嘅事, 唔係嘅話點會呢個世界有咁多gay/lesbian呢?

 

Sexual Attraction係講緊陰陽之間無法抵抗必然嘅吸引力, 係講緊男人通常擁有比較多嘅雄性特質(masculinity), 同埋女人通常擁有比較多嘅雌性特質(femininity), 呢兩樣嘢之間解釋唔到嘅吸引力。

 

所以當你能夠從你嘅表現行為之中demonstrate多一啲masculine嘅特質, 一個擁有女人味嘅feminine女人係必然會吸引落你度。

 

至於有咩實際嘅嘢可以開始做呢? 我畀三樣嘢你考慮下:

 

#1 開始鍛鍊你嘅身同心 (Develop physical + mental strength)

 

你要開始鍛鍊自己好似有warrior/戰士嗰種嘅”打不死”精神, 呢一種毅力/堅持/持之而行 嘅特質係其中一樣吸引女人嘅嘢。

 

你要開始愛惜自己身體,可以去做下gym或者玩一啲你鍾意嘅運動, 每一次嘅workout session都係你去提升自己嘅身心狀態嘅好機會。

 

#2  學功夫或者自衛術

 

生得細粒其實都係驚唔夠人抽, 如果你開始鑽研詠春或者巴西柔術(brazilian jju-jitsu),你會發覺呢兩樣martial arts system都係教你點樣打低一個比你高大嘅人。

 

當你知道你有能力去K.O.比你高大嘅男人, 你會有一種暗地裏嘅自信。

 

#3 學識點樣運用你嘅聲線  

 

好多人都會忽略練習佢哋嘅聲線, 但係其實一個說話強而有力,字字鏗鏘嘅男人係非常powerful.

 

尤其當你係細粒嘅時候, 我想你開始習慣畀依家講嘢大聲20%, 盡量低音少少, 由你嘅腹部用力吐每一隻字出嚟, 咬文嚼字啲, 講嘢肯定啲。

 

我保證當你咁樣做嘅時候, 男人會對你更加尊重, 女人會對你更加有興趣。

 

Man

 

聽緊今集嘅你, 又有冇曾經為自己身高煩惱過呢?

 

如果有, 你又準備好停止focus係一啲改變唔到嘅事物上, 而將你嘅精神/時間/專注/諗法投放返喺一啲可以進步,可以改善嘅位置上面呢?

 

當你豁達接受一啲改變唔到嘅事實, 當你唔再覺得自己身體某一部份係一個缺憾, 當你fully embrace every inch of yourself, 就係當你身體心靈能夠得到解放嘅時刻。

 

識得全面愛自己, 先有資格去全面愛人哋, I love you but I love myself too 🙂

 

 

 

Yo! 歡迎嚟到新一集嘅Man The Fvck Up,協助你創造一個你想要嘅戀愛生活。

 

最近睇咗一篇短文, 內容係講話”炮友”可以根據唔同嘅親密程度, 而擁有唔同嘅名。

 

例如Booty Calls嘅目的， 就係純粹為咗啪啪啪, 見面只會係大家係咁扑。

 

Fvck Buddies 就係一啲親密少少嘅關係, 大家都可能會行下街,食下飯,睇下戲, 先至會再搞下嘢。

 

而根據文章最後嘅一類嘅炮友, 就係friends with benefits, 比較傾向友誼的關係, 通常講緊嗰啲本身係friend底嘅男女, 去到某一個時間兩個人唔小心啪啪啪咗。

 

但係無論去到邊一個程度,炮友係唔同情人嘅。

 

喺女人眼中, 炮友係一個純粹基於慾望同好奇先會同佢上床嘅男人。

 

佢可能係一個禮拜五個女仔同friend食完飯覺得好悶,先會約出嚟執番劑嘅男人,佢更加可能係一個你冇同佢正式食過一餐飯, 但係食過大家幾次嘅人。

 

講到尾 booty call都係一個由於好悶先會call出嚟執番劑嘅一段關係。

 

相反, 情人嘅關係係深入好多。

 

喺女人眼中,情人係一個真係可以出街,可以約會嘅對象; 係一個唔單止扑嘢嘅男人, 佢係一個大家有connection真係可以make love嘅男人。

 

佢係一個女人好想同佢做好多嘢,好想佢成為男朋友嘅人, 但係基於某啲原因, 佢冇辦法同呢位男士正式建立一段關係。

 

最後,一個情人好可能會因為個女人認識咗第二個男人而被忽略。

 

但係當個女人發覺新果個男人唔啱佢，個女人又會番返情人身邊，直至佢搵到佢最想要嘅relationship。

 

炮友同情人其實好大分別,情人係一個至少女人會鍾意,尊重,享受一齊嘅男人,可惜嘅係呢個情人缺乏最後少少嘢令佢totally fall in love.

 

而炮友只不過係女人眼中嘅一個玩具, 係比起震蛋好玩少少嘅一個小工具。

 

雖然呢啲分類唔係非黑即白, 但係點解我今日會同你講呢啲嘢呢?

 

就係因為當你去date女仔嘅時候，你越知道女人點諗嘢，你自己越能夠開放坦白，大家越可以自由啲表達自己真正嘅諗法。

 

如果你一開始就好坦誠同女人講你想要啲乜嘢，同埋呢一刻嘅你可以畀啲咩嘢佢…

 

無論係一個booty call, 一位浪漫嘅情人, 定係一段commited嘅關係, 佢唔單止會尊重你, 佢更加會對你坦白佢想要啲乜嘢。

 

我諗你都唔鍾意成日估佢想要啲咩㗎,係咪?
所以你必須一開頭就絕對坦白, 咁樣做對你哋雙方長遠嚟講只會利多於弊。