Welcome to <A Billion Wicked Thoughts/十億個邪惡的念頭> Ep.6， 今集我哋會講埋呢本書Ch.3嘅下半部份，承接尋日所講關於『critical period／關鍵期』嘅嘢。
尋日講到：幾乎所有嘅性癖好，都係出現喺男人青春期嘅時期，科學家稱果段黃金時間之為『critical period／關鍵期』。
重點＃1 科學家發現：當雄性綿羊被山羊湊大嘅話，年輕嘅綿羊就會喺『關鍵期』被山羊『性印記／性印隨』(即sexual imprint現象)，將來會淨係想同山羊交配。
相反，雌性綿羊嘅『性印記』喺可以被扭轉，令佢哋將來仍然願意同其他雄性綿羊交配。
呢種『性印記』亦都出現喺斑胸草雀／珍珠鳥身上：
喺出生後頭幾個月至到一年期間會出現sexual imprint，令到雄性珍珠鳥將來會想搵返『似老母個樣』嘅雌性珍珠鳥。
換句話來講：當大腦對特定信號產生自然反應，令到大腦對擁有特定信號嘅對象產生『性印記』，就會產生cued interest嘅現象。
亦姐係話：如果男人嘅大腦直覺地迷戀女人嘅腳部，咁樣迷戀絲襪或者細頭高踭鞋嘅性慾望就會係男人嘅cued interest，因為兩者都係符合男人迷戀女人腳嘅信號。
所以某啲男人就會因應自己嘅成長經歷，青春期時接觸過咩女人，細個被邊類型嘅女人激發自己性慾導致射精等等，出現一系列唔同嘅性癖好，中意女人唔同嘅部位。
重點＃2 點解男人咁鍾意大波有曲線籮友嘅女人呢？
對於生物學家嚟講，過份膨脹嘅女性部位喺被稱之為『ornamentation／裝飾物』；
而呢啲玲瓏浮凸嘅『裝飾物』，其實就係顯示呢個女人將來嘅生育能力，將來仲有幾多年可以健康地湊仔。
咁所以『裝飾物』就係一啲透過女性競爭演化出嚟；隨著男人對女人身體部位嘅興趣，女人就發展出越嚟越大+更加正嘅相應部位，吸引鍾意相應部位嘅男人。
有吸引力嘅雌性『裝飾物』，就係象徵健康／好嘅生育能力／後代有較大生存機率。
男人鍾意得嘅部份(胸／屁股／腳)全部都係被estrogen／雌激素影響，而雌激素喺同女人嘅健康同能量有關，所以男人嘅視覺信號，就係引導緊自己尋找具豐富雌激素嘅女人，去增加後代嘅生存機率。
最後關於『裝飾物』嘅重點，就係雌性『裝飾物』都包含一種女人獨有嘅脂肪，叫做gynoid fat，通常儲存係胸／屁股／大腿附近。
咁所以呢樣嘢就解釋咗，點解有時男人會鍾意肥妹多過厭食症極度瘦削嘅女人！
因為肥妹雖然其他身體部位都肥，但至少佢有夠多嘅gynoid fat；
但相反，太過瘦削嘅女人喺會停止排卵，喺不育同健康差嘅象徵。所以喺演化嘅壓力下，男人會傾向要肥妹多過要太過瘦嘅女人。
呢本書Ch.3嘅總結喺：男人嘅大腦設計，就係對於一系列嘅『視覺信號』(e.g. 絲襪) 產生性慾，然後根據佢之前嘅『性印記』，迷戀女人身體嘅特定部位 (e.g. 長腿)。
就好似BB鵝出世時，會將任何第一樣又大又會郁嘅嘢『印記』為佢嘅母親；男人嘅性慾程式，都會根據佢年輕時周遭嘅環境，而令佢對特定女人部位產生『印記』。
你年輕時嘅性愛經歷喺點，喺會影響你一輩子嘅性興趣，會令我哋將來不斷尋找以往某種嘅『性快感』。
呢個就係點解男人咁難抽離睇AV嘅習慣，因為鹹網喺可以比無限自由你搜尋符合你特定性癖好嘅影片，之後俾你無限skip無限暫停，淨係比你回味令你最high嘅畫面。
當男人嘅性慾被撻着嘅時候，就好難被熄滅，就會需要『馬上出火』嘅急切性。
講到呢度，巴打你又會唔會唔小心聯想起某啲火辣辣嘅畫面，令你突然有種衝動呢？
你唔需要話我知，但喺我哋下星期Ch.4講女人嘅性慾望之前，
祝你你身體健康，唔好咁容易被外界操控你嘅性慾，操控你嘅行為喇！
有咩問題，就Like呢段片，訂閱我地MTFU嘅channel，然後下面留言比我知啦，下集見！