Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
非常之熱辣辣嘅一個禮拜呀，所以等我哋都整返一條新鮮滾熱辣嘅溝女Q＆A。
裏面將含有好豐富好進階嘅技巧，所以各位巴打我留心聽住啦。
呢條問題係由阿傑提供嘅， 阿傑前幾日就問我：
『阿MAN，你好！我叫阿傑啊。
我睇咗你嘅VDO同埋你嗰本溝女書之後，我覺得你教嘅溝女技巧眞係好獨特，
同其他人教嘅好唔同。令我對溝女有咗新嘅認識，眞係受益匪淺啊！
多謝你啊！阿MAN。
最近，我喺一間快餐店度見到一個比較上合眼緣嘅女仔，佢係喺呢間餐廳度做嘅。
但係，佢成日都好忙咁，我應該用乜嘅方式同佢say hi比較合適？我應該點樣做，求指點！』
非常獨特有趣嘅一條問題，其實有幾點你係需要首先注意嘅：
＃1 你溝佢嘅時候記得唔好太過直接，
因為佢係喺『工作』mode，有客人同其他同事望到，有機會影響佢聲譽同前途。
＃2 你嘅策略一定要係『放長線釣大魚』。
因為你知道佢嘅工作地點同時間，所以比較好嘅方式係去成為呢間餐廳嘅常客，
等佢見到你幾次，覺得你熟口熟面，之後就可以開始攻勢。
每次同佢好短social哋搭嗲，傾幾句flirt幾十秒，跟住放手；
重複幾次，慢慢建立attraction。
＃3 你每次去呢間餐廳嘅時候，最好搵一個唔係peak hours嘅時段去食嘢。
因為如果你喺正食飯時間去呢度，無論你幾有吸引力，個女仔都會因為工作關係而唔得閒同你調情。
你明白咗呢幾樣背景之後，以下就係比較進階嘅game plan：
如果你係同朋友一齊食嘢，喺你舉手點嘢食之前嘅時候，
你就可以首先同你個friend傾某一啲有趣嘅topic；
到個女仔行埋嚟落單嘅時候，你就可以先發制人，拎個頭過去問個女仔：
『啊，等陣先，想好快問你一個問題，我啱啱同我個friend講緊XYZ，想問下你，乜你覺得X好啲呀定係Y好啲呢？』
e.g. 你覺得食煙冇益多啲呀，定係飲酒傷身啲呢？
e.g. 你覺得GD型啲呀，定係TOP溝到女多啲呢？
e.g. 你覺得碧咸靚仔啲，定係Brad Pitt正啲呢？
跟住無論佢畀咩答案你，你都講笑地去反對佢，playfully disagree her。
例如佢話GD型啲嘅話，你就可以講笑地反對佢話：
『唔係囉，GD雖然睇落好似係大佬，但係你唔知最近有啲YG高層透露原來GD係雙性戀嘅咩？』
（當然完全係鳩吹， 重點係有趣觸動情緒嘅conversational topic）
咁你同個女仔嗌緊嘅同時，你哋之間就係建立緊sexual tension性張力，亦都同時暗地裏flirt緊，製造緊吸引力。
到佢走咗之後，下一次再返嚟，你就可以輕輕講下比較真嘅topic，
例如話：『嘩，又係你，anyway，你喺度做咗好耐㗎？』
佢答完你之後，你就可以講話：
『咁其實係咪你細個一直都想大個咗之後，喺呢一間XYZ餐廳做waitress／bartender㗎？呢個係咪你嘅夢想嚟㗎？』
當然你要以講笑嘅語氣同佢玩下，並且同時你哋有真有假地傾幾句，
並且保持你身體傾後嘅body language，唔needy，唔飢渴，唔會表現到『你想喺佢身上得到任何嘢』。
到咗呢個階段，你同佢就有基本嘅attraction，有基本嘅rapport，
喺呢個時候，到佢第三四次行過嚟你身邊，你就可以完全忽視佢。
嚟一招takeaway，等佢覺得『依？我做錯咗啲咩呀？點解呢個男人突然之間唔理我嘅？』
你今次push her away，就會令佢更加想要番你頭先賦予比佢validation，佢想要番你對佢嘅注意同認可。
BTW，你絕對唔需要第一次見佢就攞佢電話。
頭一兩次同佢傾計嘅目的，係畀佢知道你係一個fun+social cool guy，
你係一個能夠喺沉悶嘅工作環境下讓佢放鬆一下有趣而神秘嘅男人。
所以開頭幾次嘅短短對答係用嚟埋下種子嘅，
到你第三四次見到佢喺間餐廳度，因為你已經之前同佢傾咗幾次計，
你今次就可以同佢略略flirt完之後，問下佢：『呀，你嚟緊weekend有咩做呀？』
佢講完之後，就可能問返你有咩做；
咁因為你應該已經遵照緊我成日講嘅要首先建立一個好玩嘅social lifestyle，所以你應該已經一早plan好有咩正嘢玩；
喺呢一刻，你就可以用豐富嘅形容詞，形容一下你嘅活動有幾正，
等個女仔羨慕並且同你講話『嘩！好似好好玩喎』之後，
你就可以好不經意地回答佢：
『係呀，你有興趣嘅話咪whatsapp我囉，我哋confirm晒細節之後，我遲啲再話更多詳情畀你聽啦，你可以帶埋你其他friend嚟嘅。』
記得講完呢句之後，略略拎埋一面唔好望住佢，要不經意啲，
令佢感覺『佢嚟唔嚟搵你玩，你都冇所謂』，咁樣女仔就幾乎一定會答應並且問你攞whatsapp。
到佢之後whatsapp你問你知道詳情未，你就更加可以confirm呢條女對你有興趣，
因為由你畀電話佢嗰一刻，你其實係qualify緊佢，睇下佢係咪一個『有興趣到會自動搵你嘅人』。
點解咁做？
因為你嘅時間好寶貴去征服自己嘅道路囉，
因為你要畀佢知道你唔係咁容易花幾個鐘係一個唔熟識嘅陌生人同佢1-2-1 date囉，
因為你除咗佢之外仲有其他十幾個女仔可以隨時約出嚟囉！
到佢真係去咗你嘅social event時候，你就可以搵機會isolate佢，
同佢一對一傾多少少計，繼續做返平時我教你多種嘅技巧，咁樣佢就冇可能唔想要你！
今集以上分享咗好多進階嘅策略，
如果唔記得點做嘅話，就記得再聽多一次啦，
希望今集幫到你！ 😀