我之前教過各位巴打，『被拒絕』喺溝女時必會遇上嘅事情，而我哋亦都應該練習厚面皮啲，唔好咁容易玻璃心就自卑睇少自己。
但今日我想用另一個全新角度去教你點樣看待rejection，令你更加有動力去識女仔！
＃1 首先我想教你嘅全新概念喺：如果條女reject你嘅話，雖然喺有好多外在因素無法控制，但你都應該完全take it personally當喺自己有問題！
我想巴打你當正喺自己『未夠好未夠型未夠高價值』，跟住利用呢種沮喪去令自己變成一個更強嘅人。
＃2 點解要做啲咁荒唐嘅嘢，去咩都攬曬上身，覺得喺自己有問題呢？
原因喺呢種嘅『攬上身付上過多責任』嘅mindset，喺可以無限地提升你個人嘅價值同吸引力。
你試諗下: 如果你係碧咸，Ryan Gosling 或者 Chris Hemsworth企係條女面前嘅話，你覺得條女會唔會reject你呢？定係你會覺得佢會好緊張，塊面紅晒，因為你打算約會佢呢？
＃3 你明白我哋咁做嘅背後原因，你就會明白點解我哋要take rejection personally，當正喺自己有問題要改善。
因為男人女人都喺只會揀一啲自己有能力吸引嘅最正異性，條女喺索嘅話，佢都一定會揀個勁啲強啲嘅男人。
咁所以每次有囡囡reject，你就要利用一啲超級高價值嘅男人為你嘅假想敵，去逼自己繼續增強，令到將來你遇上嘅女人無可能say no拒絕你。
無論喺你嘅外表儀容打扮，定係你個人幾有魅力好玩，定係你幾有錢有地位有權力，你一定要全部都upgrade到爆燈先好考慮停落嚟。
所以呢種高級mindset喺可以好鼓舞，因為每次有囡囡reject你，你就知道仲有空間去進步，你就知道呢個遊戲仲有排玩！
試下用咁嘅覺得睇rejection，我相信你溝女時會得到新嘅動力！