Yo！我喺MTFU嘅Man神啊。
＃1 你對自己嘅性生活滿唔滿意呢？
如果你係坦白嘅話，可能你都會搵到一兩樣嘢想改善下，
無論係做愛嘅次數多啲，又或者每次做愛時你同你嘅partner可以多啲激情。
無論係點都好，有好幾份科學研究報告就分享咗，
原來Sexual Passion係有分兩種：
Harmonious／和諧式嘅性愛激情 VS Obsessive／癡迷式嘅性愛激情。
＃2 所謂嘅『和諧式嘅性愛激情』，
就係講緊當性愛喺能夠恰當地整合，並且同其他部分部份嘅自己和睦共處，唔會影響到自己其他嘅areas。
亦都即係話：如果你能夠將性愛同其他活動一樣，融入成為自己生活中嘅一部分，而唔係人生嘅全部；
咁樣除咗你同你嘅伴侶會減少磨擦之外，你都更加能夠有效率地控製到自己嘅性慾。
相反，一啲沉迷喺『癡迷式性愛激情』嘅人，佢哋除咗性生活唔美滿之外，佢哋嘅感情亦都會好飄忽唔穩定。
＃3 點樣知道自己係咪墮入咗『癡迷式性愛激情』嘅陷阱呢？你要問下自己以下兩條問題：
第一，性愛對你嚟講係咪一種目標呢？
如果你覺得sex喺你每日做嘢checklist裡面其中一樣嘢，
你咁樣嘅mindset除咗會製造一啲好唔健康嘅relationship之外，你亦都會損害自己搞嘢嘅機會。
你越係覺得得到sex係一種achievement，你就會越難得到佢。
因為sex本身就係一啲自然會發生嘅事情，性愛原本就係兩個玩得埋啱傾嘅人慢慢會到達嘅位置；
如果你咁desperate一定要今晚扑到嘢，你最後就自己搞喎原本個flow。
＃4 第二，性愛係咪你大腦唯一諗到嘅嘢呢？
如果你行街見到某條索女廣告，跟住十幾分鐘都係咁幻想自己同條女扑野，咁樣就代表你係完全唔能夠控制自己性慾。
間唔中諗下咸濕嘢當然係好正常啦，男人女人都會咁做；
但係如果你諗嘅嘢／講嘅話題／做嘅嘢／全部都淨係純粹圍繞住sex，你好可能就已經性上癮。
＃5 重點就係：如果你想提升性愛美滿度，你就要學習『和諧地』面對性愛呢樣嘢。
除咗一方面你係唔應該讓sex控制自己所有思想行為，但係另一方面你都唔好害怕sex呢個話題。
因為真相就係：性愛只係每一個健康嘅人每一日生活嘅一部分，同你平時刷牙洗麵食飯飲水一樣咁正常普通。
當你能夠接受sex is no big deal，唔好過份沉迷佢或者逃避佢，你自然嘅性吸引力就會自動增加，你能夠得到嘅性愛機緣亦都會大大增加！