Yo! 歡迎嚟到新一集嘅Man The Fvck Up,協助你創造一個你想要嘅戀愛生活。
你知唔知我最近好憎啲乜嘢？
我知道呀，就係永遠都stay喺同一個位置。
我諗冇咩嘢畀一個『永遠一樣』嘅人更加unappealing…
冇成長，冇進化，冇新嘅改變。
就好似你可以隨時走咗半年去旅行，你返返嚟你都冇miss過任何嘢。
最慘嘅係，呢啲就係大部分人嘅諗法，呢啲就係大部份人認為人生就係咁樣。
講到好似『改變同成長』係一件壞事；講到好似『變幻唔係永恆』。
事實就係：世界上唯一永恆嘅嘢就係改變，一係你進步，一係你就死撚咗去。
Sor，文雅番少少，就係叫做『學如逆水行舟，不進則退。』
喺我今日教你點樣讀女人心之前，有兩個重點我想你帶走嘅：
＃1 你係永遠永遠都會改變，每一分鐘你都變化緊。
所以你最好就醒醒定定，去有意識地選擇你嘅行動／行為，選擇你嘅習慣，令到你改變緊嘅方向，係一個正面並且你真係想去嘅地方。
＃2 如果你身邊有任何人嘗試撳低你，嘗試阻止你去有意識地改善你嘅生命…
唔緊要嘅，唔好為呢啲樹根嘅『雞毛鴨蒜小事』影響到你嘅『大事』，要搞清楚content同埋context嘅分別。
即係話，個content就係嗰個人所講嘅說話或者所做嘅行為嘗試影響你。
但係個context，個bigger picture係你進步緊，而對方唔係進步緊。
唔好畀一啲唔重要嘅，短暫嘅『芝麻綠豆』令你分心，你只需要繼續focus返喺你宏大嘅，有影響力嘅行動上面。
高地位嘅人望一件事情，永遠係比較宏觀去睇嗰件事嘅長遠價值， 所以當時嗰啲無謂嘅言語紛爭或者gossip，對佢嚟講係完全零意義， 唔撚使理佢。
所以喺溝女角度嚟講，與其我哋喺度諗點樣去溝呢條女，不如我哋去諗下點樣成為一個有魅力嘅人去charm呢個世界。
當你有能力去『色誘』整個世界，『色誘』嗰一個女仔或者佢班friend就會好自自然然成為一個必然發生嘅事。
當你自自然然係一個charming嘅人，你就唔再係玩低層次PUA嗰種嘅game；
你只係做返自己，而因為咁多人都被你『迷惑』，你只需要想嘅時候先至去揀返你想要嘅女仔。
係咪即係話我唔再講溝女呢？
當然唔係啦！
但係我想你記得，喺我哋講緊溝女呢個content嘅時候，你背後要記得，我哋同時係講緊點樣成為一個自自然然，有吸引力嘅男人呢樣比較大嘅context。
我嘅直覺話畀我聽，聽緊Man The Fvck Up嘅你，唔單止想得到更多囡囡，
你係其實想喺整個生命得到更多，更多成就，更多有質素嘅朋友，更多人生閱歷，更多力量，更多意義，更多滿足感等等。
點解？
因為你值得囉。
係呀，我講緊你呀，唔係喺你隔離或者後面嗰個戇居仔呀。
係你呀，YOU，你值得得到更多架，相信我 🙂
好奇怪囉，我哋有一種神奇既連繫…
就好似雖然我哋真人唔認識大家，但係你好似get到我講咩，你好似明白我嘅諗法…
就好似，呢一刻你仲諗緊點解我仲未講『如何讀女人心』呢個話題呢…
個感覺係咪好奇怪呢，當你好似get到我講咩嘅時候…
但你有能力咁樣做嘅時候，呢個係一個好好嘅人際技巧嚟嘅…
意思係：
當你能夠協助其他人去總結你get到佢哋，你就會有能力去『感染』佢哋嘅人生。
因為你能夠睇穿佢哋表面嘅面具，令到你可以睇到背後真實嘅佢。
點解呢個係一個咁重要嘅skill呢？
就係因為你嚟緊認識嘅每一位女士，佢哋暗地裏都希望可以遇上一位能夠『真係睇到佢真人』嘅男士。
一個可以睇穿佢『女神』嘅表面，
一個可以睇穿所有『流言蜚語』嘅煙幕，
一個可以睇穿社會對佢嘅期望，對佢嘅無形壓力。
高地位嘅男人係可以睇穿佢嘅面紗，並且覺得佢扮嘢嗰個樣好cutie，喺適當嘅時候篤穿打破佢！
所以如果你想讀女人心，喺你頭幾分鐘認識一個女仔嘅時候，
你可以cut through all the bullshit，直接真實地，略帶講笑嘅語氣去challenge佢，講話：『哈哈，你內心真係好曳囉，今次大鑊喇…』
咁佢通常都會話：『咩呀，你講咩呀？我唔明你意思喎。』
咁你就可以講，『Fine，你咁想聽我就話你知啦…
你應該知道，大部分喺度嘅人都認為你係一個又乖，又溫純，又識得諗嘅女仔， 而你大部分嘅時候都係咁樣嘅，你亦都好叻去表現呢一面畀人睇…
但係呢，其實你都知道你內心同時喺第一個好曳嘅女仔，你有時都會諗衰野，你有時都會眼甘甘望住你嘅男神…
就好似…
唉，算啦，其實我都唔係好知可唔可以信你，我哋都係唔應該繼續咁講呢啲嘢喇…』
頂！你見唔見到呀？
呢個就係著名嘅cold reading，你冷靜地有自信地去『冷讀』佢，仲要最後嚟一招takeaway，令到佢喺短短幾分鐘嘅對話裏面總結：
＃1 你可以get到佢，因為你可以睇穿佢嘅表面嘅面紗，即刻畀佢之前所認識嘅一百個男仔突圍而出！
＃2 佢覺得你講嘢咁大膽自由，你一定係一個講你想講嘅嘢，做你想做嘅嘢嘅人，咁樣同你一齊嘅時候咪好刺激好興奮！？
＃3 啊！佢覺得你咁快就揶揄佢又challenge佢，仲講話唔知可唔可以信佢…
呢個男仔實在太特別，太有挑戰性，太搞笑啦，我好想得到佢！
真係正到爆炸…
各位觀眾，呢啲就係『好波』，
呢啲就係有魅力並且自然地去溝女，
呢啲就係你知道女性心理學之後可以用到嘅招數，
你係咪覺得喺人海之中搵到Man The Fvck Up 好感恩呢？:)