Yo！我喺MTFU嘅Man神啊。
喺幾個月前呢，我哋係出咗一集叫做《點解做人要以自我為中心？》嘅片段，
各位巴打對裏面嘅內容都充滿正面反應。
今日小弟想再同大家真情剖白一下，
為各位解釋一下點解其實『自私』，係能夠更容易讓你建立真正自信，
令到你能夠活一個更開心更多女更有滿足感嘅人生。
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1每個男人都需要擁有以下三樣基本素質，
佢先能夠建立真正嘅自信，佢先至能夠成為一個女人不可抗拒嘅對象。
第一樣特質，就係你必須首先『自私啲』，照顧好自己先！
喺過去一年幾協助過千名巴打嘅旅程之中，小弟喺發現咗一個共通點…
就係好多巴打都淨係focus喺『溝緊嗰條女身上』，
或者focus喺『出面dating market上面有咩筍貨』，
又或者最常見嘅問我『自己應該做啲乜嘢先可以吸引條女』。
＃2 但係好多巴打忘記咗：
其實你溝女之前，你係必須率先照顧好自己，take care自己先。
好簡單嘅原因就係：如果連你自己每日活著都冇能力令自己真正開心嘅話，你又有乜嘢能力去感染身邊條女令佢開心呢？
你連自己都唔enjoy自己每日嘅生命，你又有咩籌碼令帶返嚟嘅囡囡enjoy呢？
所以你必須問自己的問題就係：
你每日係咪已經做緊一啲令自己開心快樂嘅事情呢？
你每一日嘅常規習慣，你之所以咁做喺因為社會會認同／接受你嘅行為？
定係因為你屋企人阿爸阿媽想你咁做？定係你咁樣做會令你依家條女『認同／認可』你呢？
＃3 再講：如果你仲讀緊書嘅話，依家你讀緊嘅嗰一科或者學位，你係純粹因為覺得將來容易搵工去讀，定係因為你真係對個科目有興趣有passion呢？
如果你返緊工，你係咪至少enjoy緊嗰一個工種？
定係你純粹為咗份唔知高唔高嘅人工，所以埋沒你內心感受去做一啲你討厭『自問冇意義冇歸屬感』嘅工作呢？
假設依家你好叻仔係社會認同嘅『專業人士』，你係醫生／律師／ibanker／建築師／政府高官／演員／藝員／創業家等等所謂『被尊崇被追捧被仰慕』嘅professionals，
究竟呢條生涯歷程真係你自己想要呀，定係你仍然活喺某啲人嘅陰影之下呢？
你有沒有冇時間去享受你嘅嗜好／hobbies／或者努力得返嚟嘅回報，定係其實你有錢冇時間享呢？
＃4 巴打我依家之所以問你一系列咁deep嘅問題，
原因就係好多時你眼見『好成功好有錢好有頭有面』嘅super achievers，其實佢哋內心未必係擁有真正嘅fulfillment，未必有一種由心出發嘅滿足感。
雖然你可能都聽過，但係如果你做某件事只係為咗錢，
如果你做某件事唔係真係『有heart由心出發』，如果你達到好多目標但係冇時間追隨自己嘅passions，
你嘅內心其實係一點一點腐爛，你嘅情感健康喺一秒一秒咁樣被你自己毒害。
當然我唔係叫你依家即刻辭工啦，但係你做每一樣嘢，你都至少嘗試去令某個過程相對enjoyable；
唔係嘅話，你所做嘅嘢都唔會係最優越。
＃5 當你照顧好自己內心後，第二樣嘢就係你係必須尋找一啲你熱愛嘅工作。
我哋每個人都有自己嘅強項／strengths，我哋每個人都有自己獨特嘅興趣同自動會好奇嘅事物。
正向心理學／Positive Psychology話畀我哋知：
如果你想活一種幸福快樂美滿嘅生命，如果你想發揮自己最大嘅潛能並且為社會貢獻最多，
你係必須根據自己獨特嘅強項／優點／長處同興趣，去打造一種屬於自己嘅工作，你先至會覺得自己人生美好並且有意義。
＃6 Anyway，關於更多正向心理學嘅智慧我哋遲啲再講，
今日嘅重點就係：
如果你能夠做一啲你熱愛嘅事情，你好自然地就會建立自信，
你好自然地就會充滿具感染性嘅正能量，任何人包括你想要嘅囡囡都會想黐落你度！
隨著你集中去繼續培養自己嘅strengths同passions，隨著你喺屬於自己嘅範疇裏面進步並且成功，
你就會感到越嚟越少依賴性，你就會越來越唔需要女人都會感到完整，你嘅吸引力就會自然地倍增！
＃7 最後第三樣嘢你必須『更自私』嘅就係：
請你放下『社會甚至父母對你嘅期待／認可』嘅嗰一種需要！
你要明白：社會嘅主旋律，社會主流所推崇嘅意念，
好多時都唔係為你個人長遠利益去設計，好多時只係為咗『繼續維持依家嘅社會齒輪機器』而去做。
呢啲所謂嘅『既得利益者』某程度上可能係『需要』咁做，
去維持社會嘅『安穩繁榮』，去繼續『馬照跑舞照跳』，因為好多人內心都係害怕改變…
…但係你要記住：如果你真係想活一個滿足自己嘅生命，
好多時你係需要重新定義對你嚟講咩先至係『成功』，
對你嚟講咩先至係『幸福快樂』，對你嚟講咩先至喺『我自己無悔想要嘅生命』！
＃8 譬如你要問自己嘅問題，可能包括：
－社會話我知『入名校，考牛津劍橋，做國際公司CEO，年薪過千萬，有樓有車有老婆有仔女，65歲去退休跟住就享受世界』就叫做成功，我就會好開心好幸福，
究竟呢一個formula係咪真係適合我呢？
－社會話我知『男仔追女仔係好平常』，『我愛個女人就應該 買戒指結婚擺酒並且承諾佢一生一世』，『IG/FB/SC上面嘅嘻嘻哈哈笑容就係真實』，
呢啲畫面又係咪真㗎呢？
＃9 重點就係：請你鼓起勇氣創造一種會令自己真正快樂幸福嘅生活，
而唔係盲目跟從『傳統智慧／地域文化／或者大氣候』所提倡主旋律嘅生活方式！
如果你可以暫時停止『純粹好醒咁用腦思考』，
如果你可以注意番自己身體同直覺比你嘅智慧，
如果你肯靜落嚟聆聽下自己嘅心最想要啲乜嘢…
…你先至會更加清晰自己嘅使命，
你先至會更容易搵番最真實嘅自己，
你先至會記得細個嘅時候原來自己一直最想要嘅喺啲乜嘢！
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！