Yo！我喺MTFU嘅Man神啊。
各位巴打你都知道小弟每日都會收到幾打嘅emails問題，
好多時呢啲溝女問題都係非常詳盡，寫信嚟嘅巴打係會寫百幾二百字形容佢嘅情況畀我聽，尋求我嘅建議。
但係今日我想解答一條非常精簡，重複又重複出現嘅溝女問題，
就係：『Man神，我喺XYZ場合見到一個女仔，我想同佢傾計，究竟有咩先至係溝女最好嘅開場白呢？』
解答呢條世紀大難題就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先想講嘅就係，要解答呢條問題其實好簡單，
我絕對可以就咁叫你『講呢樣，講嗰樣』就解決呢個開場白問題。
但係我想為你剖析得更加深入，
就係如果你問得我任何關於『開場白』呢啲咁低層次嘅問題，其實你已經話咗畀我知你係一個點樣嘅人。
＃2 你話畀我知嘅就係：
依家嘅你並唔係一個成日同女仔傾計嘅人，又或者你好少好少會出去social同唔認識嘅男人女人傾計。
因為我知道，如果喺現實中有take action，
如果你有將我接近400段免費充滿價值嘅片付諸行動嘅話，你根本就唔會問我關於開場白嘅問題！
問得我有咩『最正開場白』類似嘅問題，就代表你仍然好撚驚『rejection／被其他人拒絕』，
所以你就成日去諗有乜嘢perfect完美嘅『開場白』，等你開口講嘢嘅時候就馬上令到條女鐘意你，希望用盡一切方法唔會被條女reject。
＃3 你有呢種淆底心態我好明白，因為我都知道『被人拒絕』一啲都唔好受，無人會鍾意聽到對方say no；
因為心底裏每次聽到『No』嘅時候，你都可能某程度上覺得自己有一種『好似唔值得被愛』嘅感覺。
但係你要明白：無論你去溝女定係做嘢，
所謂『rejection／被拒絕』本身就係遊戲嘅一部分，你咁撚玻璃心嘅話就不如唔好參與呢個遊戲！
＃4 你諗下：你自己都有試過拒絕人啦？
人哋叫你買旗嘅時候，你都唔係次次say yes啦？
你收到啲金融宣傳電話你都cut佢線啦？
你阿媽叫你食飯你都會有時因為約咗friend所以推咗佢啦？
唔通人哋又咁撚玻璃心日喊夜喊，
喺度怨天尤人話『自己俾人拒絕／冇人會鍾意自己／自己好可憐』，跟住以後唔賣旗或者辭職咩！？
＃5 所以如果你死都要問我關於『開場白』嘅問題，
咁我唯一可以建議你嘅嘢，就係：你講任何嘢都總好過你唔講嘢！
神奇溝女句子唔係無，但係就算係神奇溝女句子都唔係次次一定work。
事實就係：溝女根本就冇必贏嘅句子，溝唔溝到女係好視乎你自己個人；
係關於你嘅性格，你對自己有乜嘢感覺，你點樣去睇自己，
你對自己嘅現實有幾肯定，你自己獨有嘅人生經驗，你覺得自己係一個乜嘢嘅人，
你相信嘅嘢，你鍾意熱愛嘅嘢，你嘅價值觀，你嘅style等等！
點樣去發揮獨一無二嘅你就係你最好嘅溝女神奇良藥！
你越係能夠成長發展自己獨有嘅一面，你獨有嘅溝女祕技就會發展得更加淋漓盡致！
＃6 所以你問我關於最好嘅溝女開場白，我係無辦法畀到你，
因為我嘅『最好開場白』，未必係對你『最好嘅開場白』。
我同你都喺必須根據自己嘅性格特點，我哋每一刻嘅感受，
我哋每一刻留意到嘅天時地利人和，我哋每次遇上嘅場合環境等等因素，
去講出當時我哋個心覺得係最正確嘅嘢，你咁樣去講先至係真正『最好嘅開場白』！
＃7 重點就係：呢個世界係冇所謂唯一一條『溝女最好嘅開場白』，亦都冇所謂最好嘅方法去搭訕或者同陌生人傾計。
可行嘅方法係有無限種，譬如話：
－你可以跑過去輕輕拍個女仔個膊頭，跟住同佢講：『唔好意思呀，我啱啱見到你XYZ，我想講呢…』；
－又或者你見到條女行緊過嚟嘅時候望著你，你直接對住佢微笑跟住high five佢；
－又或者曾經小弟喺間club裏面做過嘅，就係跳緊舞嘅時候見到條女同你互相微笑，跟住我就呻脷同佢玩，跟住一齊跳咗陣就行咗去出面傾計；
－又或者係同一個場合裏面大家幾玩得，但係一直無傾過計，跟住你哋互望嘅時候你直接畀隻中指佢玩下野等等。
＃8 以上嘅方法都係可以好有效，
但係你今日發覺最有效嘅方法，可能過幾年之後隨著你嘅成長就唔再適合你。
你係需要不斷做實驗，你係需要不斷自我成長，
你係幾乎每次都會嘗試講唔同嘅『開場白』去睇下嗰一次work唔work。
＃9 溝女整個過程每一次都係充滿未知數，每一次都充滿不確定性。
但係如果你唔肯開口同陌生人傾計，你唔肯擴闊自己性格成為一個social嘅人，
你就永遠都缺乏呢種social ＆ emotional awareness，你就永遠都感受唔到某個人情感上嘅微妙變化，你就永遠都溝唔到女！
當你習慣咗求其講一啲『開場白』，當你習慣咗不斷同唔同嘅女人傾計嘅時候，
你就會搵到好幾種最適合你，最適合當時情況嘅最好溝女開場白！
鍾意今集嘅話就like並且留言話我知啦， 下集再見你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！