Yo！我喺MTFU嘅Man神啊。
其中一條有部份巴打曾經問我嘅問題，就係：
『Man神，如果我同個女仔first date或者第一次見面有機會嘅話，應唔應該同佢上床呢？我咁樣著會唔會影響之後嘅second date呢？我咁樣做會唔會影響形象呢？』
呢條非常好嘅問題就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 呢條問題我係會由淺入深透過唔同個層次去為大家解答嘅，不過首先想講嘅就係：
基本上你去任何一個城市，你都會搵到一批淨係想要性愛嘅女人，
佢哋出去同你約會係唔想要任何relationship，佢哋暫時淨係想搵一個火辣辣嘅男人同佢搞嘢。
所以你必須明白，唔係個個同你約會嘅女人都係搵緊男朋友或者老公，佢同你約會嘅目的好可能淨係純粹想睇下有冇可能同你過夜瞓覺；
或者係因為佢單身dry咗好耐想再次濕下得到滋潤，又或者佢當時嘅life stage仍然只係想要一啲表面just for fun嘅短暫關係，
所以呢類型嘅女人係完全可以接受ONS。
＃2 你明白咗呢個現實之後，『初次約會應否同囡囡上床』嘅答案好自然地就係Yes。
你係應該盡量嘗試第一次就同佢上床，因為對住呢啲ONS嘅女士，如果你第一次都唔嘗試令大家撻著，佢好可能就唔會見你第二次；
而且當你同佢瞓咗之後，你哋雙方係會更加容易產生情感嘅連繫，如果大家有少少feel嘅話，你哋之後再約會係會更加容易。
＃3 當然雖然有唔少女士都係願意ONS，
但係出面其實都有好多女人係唔想第一次就即刻搞野，或者喺有一啲女士想要long term relationship，又或者一般嘅女士都係需要幾次約會先會願意上床。
但係你要記住你嘅general rule就係：
嘗試同女人上床但係失敗係唔會令到你樣衰，因為至少你都係一個有勇氣表達自己想要嘅嘢而唔怕rejection嘅男人；
但係如果你有意圖想做愛但因為淆底而閃閃縮縮無去take action，你試都唔試呢一樣嘢先至係樣衰，你咁淆底先至係女人唔想要嘅弱雞小男孩！
＃4 女人係鍾意一啲強壯有佔據性嘅雄性男人，佢喺會鍾意一啲知道自己想要乜嘢並且會追隨既男人。
你嘗試同女人上床呢個行為，就係令到女人感受到慾望同重視嘅一種行為；
如果佢對你有任何嘅吸引力嘅話，好大機會佢都會同你上床。
只要你唔係強迫佢做呢件事，只要你唔係一個完全唔理佢感受嘅人，只要你唔係一個佢認真say no但係你完全唔理佢反對嘅變態佬，
咁樣你去完全擁抱自己嘅性慾望並且嘗試同佢上床係一個你應該做嘅事。
＃5 好喇，以上就係比較表面嘅答法，
但係今日我Manson我想同各位成熟嘅巴打諗得更加深入：
就係如果你對於『初次約會／first date應唔應該同女人上床』呢條問題有所疑慮，又或者驚女仔直接問你類似嘅問題唔識得點樣答嘅話，
其實係暗示咗你內心係一種價值觀嘅衝突！
意思就係，只有當你自己唔想承認『我係一個第一次見面就會同囡囡上床嘅人』呢一樣嘢，我哋今集呢條問題先會係對你有影響。
因為背後嘅假設就係：
你係覺得『第一次就同女人上床』就係有少少shameful，覺得係一種恥辱，所以你想問我點樣解決呢種內心嘅矛盾。
＃6 咁所以喺你嘅內心，其實你係覺得『初次約會係唔應該同女人上床』，但係你細佬又話畀你知你好想屌佢。
面對住呢啲咁深入嘅兩難問題嘅時候，當你嘅價值觀出現衝突嘅時候，你應該點做呢？
＃7 我畀你嘅建議就係：Stop that shit！
如果你係掙扎緊呢啲價值觀嘅問題，你係必須忠於自己內心，忠於自己嘅價值觀，而唔好去做一啲你內心覺得唔正確嘅事情！
因為我同你都係有唔同嘅性格，我哋同出面嘅人都有唔同嘅values／價值觀，
所以就算出面有啲人係可以『好似成吉思汗咁樣食過萬條女』，都唔代表你一定要跟從佢嘅行為。
＃8 如果你問我Manson幾時先會同一個女人上床，我會答你當我同佢有chemistry有火花有感覺，當我係決定佢符合我嘅standards而且佢係慢慢贏取到我芳心，
並且我感受到大家之間除咗肉體上有慾望之外，我哋之間係有一種情感上嘅連繫，佢係get到我內心表達嘅嘢…
如果佢符合以上我所講嘅嘢並且當時timing喺啱嘅話，我先至會選擇同佢上床！
所以對於依家嘅我嚟講，無論條女有幾索，
如果我唔鍾意佢性格，如果我同佢根本傾唔到計，如果佢唔撚明我我又唔撚明佢，
又或者如果佢根本就係一個純粹得外表但係無內涵冇愛心冇同情心嘅索女，佢根本就冇可能撻著我內心令到我想同佢上床！
＃9 所以請巴打你問下自己：你同女人上床之前，有啲乜嘢條件係必須首先符合㗎呢？
好多人都覺得雙方係需要多啲時間，
但係其實你真正需要嘅係透過時間去睇下大家之間有冇真實嘅connection，又或者透過時間睇下大家有冇火花有冇feel，又或者透過時間去觀察睇下佢係咪一個可以值得信賴嘅女人！
如果你係一個高自我價值嘅男人，
你去『屌女』嘅standards絕對唔應該只係『條女索唔索／條女能唔能夠令我扯旗？』咁撚低標準，
因為如果條女索你就去屌佢你根本就係冇standards！
＃10 咁所以今日嘅重點就係：
請巴打你去仔細思考自己嘅values／價值觀，究竟你想你個人係代表啲乜嘢呢？你嘅理想人生係啲乜嘢呢？你做人嘅原則又喺啲乜嘢？
我講緊嘅係你嘅道德或者倫理嘅價值觀，而唔係純粹社交上面嘅values。
喺你角度嚟講，乜嘢先至係正邪呢？乜嘢先至係對你嚟講重要呢？乜嘢先至對你係正確或者錯誤呢？
因為如果你唔去活一個對於自己嚟講喺『正直』嘅生活，
你永遠都係封閉緊真實內心嘅自己，
你永遠都只係一個fvck boy而唔係一個real man，
你永遠都係活係一個shameful／羞恥嘅生命，
你永遠都唔係真正有吸引力！
＃11 所以唔好為咗『屌西』而去妥協自己嘅價值觀！
如果你嘅價值觀係覺得『初次約會就上床』喺ok嘅話，冇問題你絕對可以咁樣做，你亦唔需要覺得羞恥。
但係如果你嘅價值觀話你知『你係偏向鍾意認識囡囡更深先至同對方上床嘅話』，咁就請你忠於自己，唔好為咗食女而食女啦！
鍾意今集嘅話就like並且留言話我知啦， 下集再見你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！