Yo！我喺MTFU嘅Man神啊。
各位巴打我哋之前好多集就講咗好多『女人對你有興趣』嘅興趣指標啦，
但係你又係咪可以調返轉，真係收到女人對你無興趣嘅指標呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先第一個對你無興趣嘅指標就係：佢嘗試搵藉口離開你哋嘅對話。
譬如話：女仔同你講話佢要去廁所，又或者佢開始同其他friend傾計，
又或者開始係咁撳電話唔同你傾計等等，呢啲都係佢嘗試逃避同你傾計嘅方法。
咁當然，有時候佢需要excuse自己去做其他嘢係情有可原嘅；
但係如果之後再傾計嘅時候佢又唔知點解搵藉口要離開嘅話，
咁樣唔該你醒目啲，唔好再係咁樣lur住人，你就可以慳返啲時間去同返啲對你有興趣嘅女仔傾計啦。
＃2 第二個對你無興趣嘅指標就係：當你身體上接近佢嘅時候，佢係會移開自己身體。
譬如話如果你同佢握手嘅時候，或者畀一個擁抱佢嘅時候，又或者就咁接近佢physical space嘅時候，
你發覺佢有少少想行後返或者縮開自己嘅話，呢種嘅sign就係代表女人需要多番啲個人空間。
咁樣當然唔代表佢好憎你啦，
呢樣嘢只係代表佢對你仲未有足夠嘅comfort，意思只係你需要慢慢去身體升溫，過多一陣先再嘗試多次。
＃3 第三樣嘢就係：女人忽略你嘅短訊！
坦白講，今時今日如果女人對你嘅Whatsapp message毫無反應，
基本上佢都係一定收咗甚至睇咗，只係選擇唔去覆你！
如果你遇上呢個情況，你要記住你犯嘅錯誤好多時並唔係你嘅whatsapp唔夠特別，
好多時只係因為你哋真人interaction嘅時候，佢已經對你無feel無感覺！
所以如果你想解決呢個問題嘅話，
你就必須由『根本做起』，喺真人嘅時候製造到attraction，你之後嘅whatsapp先至會有效。
＃4 第四樣女人對你冇興趣嘅指標就係：佢問你關於其他追緊佢嘅男人嘅感情問題！
基本上任何問你關於自己relationships問題嘅女人，其實都已經當咗你係一個唔錯嘅朋友。
當然如果你同佢係friend嘅話，你畀意見佢梗係冇問題啦；
但係如果你想有進一步嘅發展，你係絕對唔想放自己喺friendzone並且為佢做一個戀愛醫生囉！
＃5 第五樣女人對你冇興趣嘅指標就係：佢嘗試避免同你有任何形式嘅『約會』。
一啲可能會好熱情地同你傾計或者whatsapp你嘅女人，但係就係點都唔肯同你出街嘅女人，其實好可能代表佢對你係冇性趣。
如果你已經試咗兩次或以上都係有咁樣嘅反應，
唔該你停止死纏爛打，請你馬上move on 啦！
＃6 第六樣女人對你冇興趣嘅指標就係：佢從來都唔會掂你身體！
淘氣好玩形式嘅touching， 輕輕力嘅互相拍打等等都係一啲男女互溝嘅必要條件。
如果女人好明顯地完全避免同你有身體接觸，你都可以幾肯定佢冇興趣同你調情！
當然touching嘅激烈程度係好視乎唔同女仔嘅個人接受程度嘅，
咁所以都需要細心觀察下佢究竟係對你冇興趣，定係佢係一個超級保守嘅人。
＃7 最後第七樣女人對你冇興趣嘅指標就係： 佢親口同你講話你『好好人』！
基本上你聽到女人讚你『好人』嘅話，其實都代表你喺佢眼中只係一個毫無傷害性嘅小男孩，
你係絕對冇機會同佢發展到任何浪漫嘅關係，佢最多只係感覺自己可以同你做朋友。
『Nice』嘅另外一個潛台詞，就係女仔感覺唔到同你之間嘅性愛張力，
感覺唔到你哋之間嘅sexual tension，感覺唔到同你有feel。
咁所以巴打你都可以反醒一下，究竟你嘅行為表現喺邊個位係表現得太友善呢？
究竟你嘅behaviors點解咁容易被女人定義為好人呢？
究竟你係咪壓抑住自己嘅性慾望，一味喺度扮晒friend，期望有一日佢會鍾意你呢？
各位巴打鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！