Yo! 歡迎嚟到新一集嘅Man The Fvck Up,協助你創造一個你想要嘅戀愛生活。
有時我都覺得自己好撚醒嘅，就好似今朝出去做gym嘅時候， 突然之間靈機一觸，畀我諗到點解有時所謂『好人』會溝唔到女，但係女人又好鍾意啲同一啲所謂『壞人／衰人』一齊。
你應該知道 ，溝女嘅其中一條基本原則，就係所謂嘅Push／Pull。
你要有推又要有放，要send一啲mixed signals畀個女仔，有時對佢冷淡，有時對佢熱情，要等佢覺得你好似鍾意佢，但係你又好似唔鍾意佢，呢一種模稜兩可嘅感覺。
但係對於我哋呢一啲所謂『好男人』，其中一樣好煩惱嘅係：
我哋明知道自己係好人嚟嘅，但係可能我哋會有時問自己，點解要逼我去扮曳，點解要逼我去扮壞，仲要我有時對個女仔差差地呢？
點解我唔可以經常都對佢好呢？
點解我唔可以淨係愛佢，同情佢，聆聽佢，將所有最好嘅嘢畀曬佢呢？
答案就係：因為你淨係選擇性地展現你其中一面畀佢睇，而唔係畀你嘅全面畀佢睇！
簡單嚟講，男人雄性嘅心理學masculinity，可以分為兩大原型（archetypes）：
一邊係open嘅原型，係同世界或者社會上其他人connect嘅；
另一邊係closed嘅原型，係自我主導嘅，喺你角度係至高無上嘅，你係閂埋自己唔畀外來事物影響嘅。
如果你有時覺得同人social好困難，就係因為你花太多時間喺你closed嘅原型/能量裏面。
大部分男人，同女性相處嘅時候，佢哋都係表現緊佢哋open嘅原型，例如：
佢哋會話畀個女士知道佢哋對佢有幾愛慕；
或者會嘗試去仔細聆聽女士嘅說話，希望明白佢嘅諗法，同佢connect得到；
又或者會展現佢哋對女士原始人嗰種sexual desire嘅慾望，對住佢眼金金咁樣。
但係以上所展現嘅所有行為，都係屬於open嘅archetype，都係嘗試去pull／拉個女仔埋嚟。
所有男人都識做呢樣嘢，而當個女仔好似唔係好show佢嘅時候，好多時佢哋會做更多『拉佢埋嚟嘅動作』，希望可以用誠意打動佢！
呢個就係我哋今時今日dating嘅狀況，個個男人都係淨係識得嘗試追過女仔返嚟，而冇諗過點樣去push away her，等個女仔追返你。
我相信你都知道，人性係好犯賤嘅;
我哋係唔識得珍惜多嘅嘢，人喺必需要失去嘅時候，先知道事物嘅珍貴，我哋都係鍾意去搶一啲『限量版』嘅嘢。
如果今時今日九成九嘅男人都係淨係識得追女仔，咁你覺得喺溝女上面，有乜嘢係比較珍貴，喺女士眼中有乜嘢先至係有價值呢？
就係當一個男人去展現佢嘅closed archetype，去嘗試push away『推走』個女仔。
今日嘅社會裏，最罕有『閂埋』嘅原型，就係戰士warrior嗰一種嘅能量。
呢個就係點解我成日教你，除咗你要識得同女仔講笑，玩下佢，揶揄下佢之外，你更加必須要識得去challenge佢，去disagree佢，去disaspprove佢；
亦都係點解我成日同你講，話你必須set一個更高嘅standard畀你自己同個女人，而係關鍵嘅時候，如果佢過咗你底線／boundaries， 你一定要對佢嘅行為有所『懲罰』，甚至out咗佢！
講到呢一刻，醒目嘅你應該開始明白，點解有啲所謂『好人』係溝唔到女，但係有啲所謂『壞人／衰人』對個女人咁吝嗇咁mean嘅時候，反而溝到好多女呢？
就係因為『壞人／衰人』擁有一個好強勁嘅warrior嘅原型，一種九成九嘅男人都缺乏嘅『能量』。
佢哋係夠膽去反對女人一啲嘢，夠膽去挑戰個女人，或者夠膽去做一啲唔受歡迎嘅決定。
當然你都唔可以成日停留喺同一個狀態裏面嘅，如果你永遠淨係識得push her away，你最後真係會可能俾得太多痛苦佢，趕走咗佢嘅。
所以如果你想成為一個全面嘅男人，你一定要開始培養你嘅warrior archetype，你一定要開始做多啲你以前覺得淨係衰人會做嘅行為，你一定要開始喺適當嘅時候say no!
如果你想長遠地都吸引到女人並且可以keep到佢哋，你必須不斷替換你open同closed嘅原型，你必須不斷展現你『好男人』對佢『所謂好』嘅一面，同埋『壞男人』對佢『所謂差』嘅一面。
你嘅友善，
你嘅善良，
你嘅細心，
你嘅愛心，
你嘅人情，
你無私嘅大愛等等都係會失去意義嘅，如果你永遠淨係識得做呢類型嘅『好嘢』。
只有我哋同時間能夠『變壞』，同時間做一個『仆街』，你所做嘅『好人好事』先至會顯得有意義！
我想你寫低呢句好有智慧嘅quote:
Being good is only virtuous when you are also capable of being bad.
意思係：當你有能力有power去選擇做一個『邪惡嘅壞人』嘅時候， 你做一個『神聖嘅好人』嘅決定先至會算係品德高尚！
『做好人』係冇意義嘅，除非你同時間可以即時變成一個『壞人』，除非你係有意識地去選擇『做好人』呢條路。
當然，我唔係叫你去真係做一個賤男人啦！
我只係用呢個比喻，話你知你必須有open同埋closed兩種嘅archetypes，你必須去同時push + pull。
咁樣嘅話，女人就可以完全感受你每一面：
喺你對佢『衰』嘅時候，佢會明白你咁樣做係有原因嘅。
相反，喺你對佢『好』嘅時候，佢就會珍惜同你一齊嘅時間，佢就會珍惜你罕有嘅『好』！