Yo! 歡迎嚟到新一集嘅Man The Fvck Up, 協助你創造一個你想要嘅戀愛生活。
你聽開我哋Man The Fvck Up, 你都知道我講過好多次, PUA教你嘅嘢其實好多會傷害你成功溝女嘅機會, 其中一樣最垃圾嘅嘢就係佢哋所謂嘅”The 3-Day Rule”。
“3-Day Rule”所講嘅嘢, 就係話當你攞咗女仔電話之後, 你應該等三至四日先至好text佢, 令女仔覺得你好似好忙咁樣。
即係話,假設你禮拜五晚攞咗佢電話, 你要禮拜一甚至禮拜二晚先好搵佢。
其實呢一條”3-Day Rule”係好戇鳩嘅, 乜你真係以為嗰三四日,個女仔日日喺度諗住你點解你攞完佢電話你唔搵佢咩?
喺2017年嘅今日, 三日係一個好撚長嘅時間, 當中係可以發生好多嘢。
你隔咁撚長先搵人哋, 人哋一早唔撚記得咗你, 更加會懷疑自己當日做乜無啦啦on99畀咗電話你!
當你再搵佢嘅時候, 你同佢講, “Hi 點呀你呢個weekend, 我係阿Jack。”
佢望到個message, 佢心諗, “邊撚個呀Jack呀diu!?”
點解?
因為三日前無論你同佢嘅 interaction有幾好, 大家有幾好傾, 你留下有幾好嘅 first impression… 每過一日佢對你呢個陌生人嘅吸引力只會慢慢下降, 當你再搵佢嘅時候佢已經唔再覺得興奮。
再加上, 喺佢所謂等你嗰三四日, 佢亦都好可能禮拜五晚,另外識咗第二第三個男仔, 禮拜六晚再識埋第四第五第六個男仔, 其中一個更加可能已經禮拜日約咗佢出街。
你禮拜一二晚先搵人哋, 你覺得你喺佢心目中嘅位置仲有幾低呢?
當然我知道你諗乜嘢, 你可能會怕即刻搵人哋會顯示得自己太過猴擒, 太過緊張,太過在乎, 太過low value, 所以你覺得需要製造一個”你依家有另外十條女追緊你”嘅假象。
但係一個真正有自信嘅男人係會第二日就搵佢, 並且嘗試set up a plan. 你會喺你哋對話之間聽下佢有咩想做, 或者最近有咩好玩, 你就直接約佢去嗰度一齊玩。
仲有好多其他例子嘅, 個重點係當你仲係製造緊吸引力嘅時候, 千祈唔好蝕咗度氣, 冇咗個momentum。
如果你要等幾日先至搵人哋, 你好可能要重新令佢對你產生好奇感, 由零開始去build attraction, 咁你就會嘥曬上一次同佢傾得咁好嘅experience喇。