＃1 Yo！歡迎嚟到2018年MTFU嘅第1集，我喺Man神啊 😉
究竟點先可以知道個女仔係當你係friend，定係其實佢對你有性趣呢？
究竟有啲乜嘢隱藏嘅signals，我哋先至可以知道個女仔係鐘意自己呢？
呢個就係我哋今集ManTheFvckUp探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃2 各位巴打，大部分男人都係缺乏一種『偵測女人對佢有冇興趣』嘅技能，
我亦都收到唔少巴打求助嘅個案，問我某個特定女仔其實係咪真係對自己有興趣。
感覺就好似，
一日個女仔唔親口同你講『佢好鍾意你』，一日我哋都唔會肯定『啊！原來佢真係鍾意我！』
＃3 雖然好多男人都好戇居居成個盲毛咁樣，但係都唔可以怪責各位巴打嘅；
因為之前National Institute of Mental Health（美國衛生及公共服務部旗下嘅國家精神健康研究所）發現：
原來大部分男人都係真係唔識得閱讀女人畀佢哋嘅interest signals／興趣指標。
NIMH發現，原來男人嘅腦部結構，有七成嘅時間都係會將浪漫嘅性趣signals同普通朋友嘅興趣signals撈亂，
最後分唔清個女仔究竟係想要友誼定係要浪漫。
＃4 最後衍生嘅問題就係：
一係男人就損失一啲原本屬於自己嘅溝女機會，個女仔俾曬signals你話你知佢對你有興趣，
但係你又誤以為佢對你冇興趣，搞到條女以為你真係唔鍾意佢，所以之後就move on去下一個男人。
一係就係個女仔淨係當你係一個好朋友，但係你又無啦啦以為佢鍾意你，對你有浪漫嘅遐想，
最後你就面對一次又一次嘅rejection，被女仔拒絕。
＃5 所以喺2018年嘅第1集，
我就想教識各位巴打點樣去分清女仔對你係咪有浪漫嘅遐想，對你係咪真係有性趣，
以下就係你需要留意嘅一系列signals。
＃6 第一就係：女仔望住你嘅時候，有一種特別長嘅long eye contact。
人與人之間對望係可以有好多原因嘅，但係如果女人肯同你有特別長嘅eye contact，你都可以大膽假設佢係鍾意你。
因為當你同緊佢傾計嘅時候（甚至係你同佢傾計之前），佢望你eye contact嘅強烈程度，好多時都代表佢對你幾有興趣。
因為好多時我哋眼球望嘅嘢，就係代表我哋當時嘅attention／注意力係邊度；
喺呢個『機不離眼』嘅世代，如果佢肯時不時就望住你，
基本上當代表佢好想同你傾計，或者你正正係佢嗰一type嘅男神，佢好想你行過去同佢傾計！
＃7 第二就係：你會睇得出佢雙眼好似對你微笑咁樣。
好多時就算女人大膽地對住你微笑，你可能都會說服自己，話佢可能只係friendly友善地同你微笑啫，未必對你有興趣。
所以一種小技巧去確實個女仔真係對你有興趣，就係觀察一下佢嘅微笑，
係咪一種真實自然嘅smile，而唔係一啲為咗影相扮出嚟嘅笑容。
一個真實嘅微笑，係會令到佢眼角附近都一齊微笑嘅；
所以如果你見到佢雙眼好似對住你微笑咁樣，就代表佢對你至少係有一種正面嘅感覺。
＃8 第三就係：女仔如果對你有興趣，佢係會唔腥唔腥放自己喺你範圍嘅附近！
無論係喺一個嘈吵嘅bar／club／party裡面，定係喺大學中學課室裏面，定係喺一啲social gathering嘅場合上面，
大部分女仔都係比較少主動同男仔傾計。
但係女仔好聰明做嘅一樣嘢，就係會position自己係一個有利嘅位置，
畀你留意到佢喺available，製造一種機會畀你更加容易地去approach佢。
所以唔好咁蠢覺得呢啲『機遇』只係巧合，好多時個女仔係製造機會畀你更加容易地去同佢傾計！
＃9 第四就係：女仔對你合適嘅身體觸碰，喺合適嘅位置。
如果你哋兩個已經開始互相認識大家，你好可能會見到個女仔好自然地掂你隻手／你膊頭或者你胸口附近；
如果你淘氣地揶揄佢或者講笑，佢更加會輕輕地拍打你一下。
又或者你哋兩個坐喺大家隔離嘅時候，如果你哋隻腳或者膊頭間唔中互相觸碰，
但係個女仔又無特登避忌縮開嘅話，呢個係一個非常非常正面嘅signal！
最後就係，係一啲比較人多擠逼嘅場合例如bar／club／party，
某啲女仔係會有時乘機掂你，或者『唔小心』遇上撞到你，呢啲都係佢嘅方法去希望得到你嘅注意！
＃10 第五就係：正如前FBI探員喺《What Every Body Is Saying》嘅書裏面講到，我哋雙腳好多時會透露咗我哋真實嘅感受。
所以如果女仔雙腳係面向著你，就算佢當時塊面喺望緊其他地方，佢好可能係對你仍然有興趣。
＃11 以上就講咗其中五樣好大機會女仔鍾意你嘅signals，但係我最想各位巴打記住以下呢一點。
就係無論係你啱啱識佢定係你哋已經互溝緊大家嘅時侯，如果女仔仍然選擇喺度同你傾計，佢哋對你仍然係有興趣。
以上我提供嘅指標雖然係非常有參考價值，
但係好多男人犯嘅錯誤就係『諗太多觀察太耐』，嘗試得到100%嘅肯定性先至去出擊，
但係慢慢就說服自己話個女仔可能對自己冇興趣，所以最後咩都冇做到！
＃12 所以記住，最好嘅溝女規則都係：Always ASSUME she is interested，
永遠都首先假設個女仔係對你有興趣，無論佢有冇畀signals你都好！
咁樣除咗可以令到你變得更加主動，增加自己識多啲女仔嘅機會之外；
就係就算個女仔真係對你冇興趣，你都可以肯定佢係會搵藉口離開你哋嘅對話，或者唔再覆你煩膠嘅message。
各位巴打，鍾意今集就俾個like我啦，預祝你喺2018年可以認識更多有質素嘅囡囡！
希望今集幫到你！
喂！多謝咁多位巴打嘅踴躍支持啊，
如果你想得到『10個溝女最常遇上嘅難題（…同埋解決方法）』，請你去到 http://www.manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去http://www.manthefvckup.com 啦！
同埋最後想睇埋每日update嘅Instagram，可以去https://www.instagram.com/manuptoday ，
下集再見啦！