Yo！我喺MTFU嘅Man神啊。
你同我都聽過『女人喺唔鍾意矮過自己嘅男人』等等嘅說話，
而呢一種嘅思維好多時由小學嘅時候已經開始植入我哋嘅思想裏面。
所以今日嘅男人，好多時覺得自己嘅身高係會限制自己嘅選擇，
覺得佢哋只能夠溝到一啲矮過佢嘅囡囡。
究竟高過你嘅囡囡係咪真係咁難溝呢？
究竟女人係咪真係唔會揀矮過自己嘅男人呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 我不如就開門見山同你講：
『高妹唔會揀矮過自己嘅男人』只係一種主旋律嘅謊言！
以下就係一啲出名嘅例子，解釋點解高嘅女人係會揀矮嘅男人：
－湯告魯斯(5″7)，同埋妮歌潔曼(5″11)
－Mark Wahlberg(5″8)，同模特兒Rhea Durham(5″9)
－前法國總統薩爾科齊(5″5)，同佢老婆Carla Bruni(5″9)
－又係湯告魯斯(5″7)，同埋前妻Katie Holmes(5″9)
－超爆索嘅巴西女名模Alessandra Ambrosio(5″10)，同佢老公(5″8)
－哈利波特主角Daniel Radcliffe(5″5)，同佢女朋友Erin Darke(5″7)
－之前拍Fast＆Furious 8嘅女奸角，42歲仍然好索嘅Charlize Theron(5″10)，同佢前男友Sean Penn(5″8)
－女演員／模特兒／同埋前職業摔角手(5″11)Stacy Keibler，係曾經date過George Clooney(5″10)，之後仲嫁咗畀一個唔出名做宣傳嘅Jared Pobre(5″8)
－Kevin Hart(5″4)，同佢老婆Eniko Parrish(5″7)
＃2 我相信以上嘅例子已經夠多啦，
雖然以上都係一啲明星嘅例子，但係就算你矮過條女，其實好多高妹都唔介意date矮過自己嘅男人。
基本上，一啲米七三或以上嘅亞洲女性，
其實都知道自己係畀好多其他女人高，甚至高過唔少嘅男士。
如果佢哋真係咁介意矮過自己嘅男士，
其實佢係超級膚淺同埋close-minded，佢亦都係將自己可能嘅選擇大大咁減少。
咁樣無內涵純粹睇你外表能唔能夠令佢『感覺良好』嘅女人，你又會唔會想要佢呢？
＃3 講到尾，即使高嘅男人相對有優勢，但係要溝女成功其實有另一樣嘢更有威力：
就係你如何去communicate你自己嘅masculinity，你點樣從行為／behaviours之中透露你嘅雄性力量，
令到雌性嘅女人無法抗拒你嗰種吸引力，令到高過你嘅男人根本無得同你比！
所以巴打你下次遇上一個又靚又高嘅女仔嘅時候，以下有幾點你要注意。
＃4 第一就係：你根本無需要特登提及你哋兩個人之間身高嘅差異！
女人好多時根本就唔察覺一啲矮過自己一兩吋嘅男人，
就算佢知道，如果你唔當作係一回咩事，佢根本都唔會覺得係一個問題。
所以如果你遇上一個高過你嘅女人，你係冇需要特登draw attention去講話佢好高等等嘅話題！
就好似你食薯條開茄汁截咗落自己件衫度，你以為好樣衰好尷尬，但係事實就係根本冇人睇得到！
再加上，你愈係特登講及自己身高嘅問題，女人就會覺得你好insecure／缺乏自信／對自己身材唔滿意等等。
呢種嘅對自己都缺乏安全感嘅男人，先至係令到女人唔鍾意你嘅原因！
相反，如果你對自己嘅身高有一種『I don’t give a fvck』嘅態度，女人亦都唔會覺得你嘅身高喺任何問題！
＃5 第二就係：你千祈唔好嘗試『overcompensate／過度補償』。
意思就係：你唔好因為自己矮，就去吹噓自己事業有幾成功，自己有幾多錢，自己曾經date過幾多條女等等。
你越係去證明自己，你就係女人眼中變得越desperate／needy，
你就犯咗溝女最大嘅錯誤，which is『希望女人會認同你嘅價值／approval-seeking』！
點樣防止自己呢種過度補償呢？
答案就係：又高又索嘅女人都係人，所以請你對佢好似一個正常人咁看待，
畀機會佢去證明自己，去投資時間／金錢／注意力喺你身上，去賺取你嘅芳心！
＃6 最後就係：無論條女有幾高，佢對你有冇興趣都係可以觀察佢俾你嘅signals嘅。
譬如話佢係咪同你有相對長嘅眼神交流，佢雙眼係咪對住你笑，
佢係咪無啦啦唔知點解喺你身邊附近出現，佢同你適量嘅身體接觸，佢雙腳指住嘅位置等等。
有興趣嘅巴打，請你重溫《究竟女仔當你喺朋友定喺情人？》嘅嗰一集。
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！