Yo！我喺MTFU嘅Man神啊。
對於好多男士嚟講，『事業』喺一個人生好重要嘅一部分，
亦都好多時會定義『你覺得自己係一個點樣嘅人』嘅因素。
因為你做嘅職業，
好多時會反映你嘅教育背景，你嘅社會地位，你嘅大志理想等等。
但係我哋都知道，
唔係每一份工作都係平等嘅，喺世人眼中某啲工作可能係『更加有吸引力』。
咁究竟對女人嚟講，男士做乜嘢職業喺最有機會被約會呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先想講嘅就係：
今日分享嘅調查，喺由好出名嘅dating app『Tinder』所提供。
Tinder幕後嘅團隊，佢哋問咗Tinder嘅男女用家，各自比較喜歡對方係做乜嘢工作。
譬如話，原來男士係比較鍾意女律師，女演員或者做一啲創意性嘅導演等等。
＃2 但係喺我全面開估之前，請各位巴打記住：
你嘅工作／事業只係溝女非常非常微小嘅一部分，『你工作做啲乜嘢』其實對溝女嚟講並唔太重要。
Tinder呢份報告純粹係講緊online dating嘅現象，所以並唔包括現實生活嘅男女交流。
先唔好講話online dating唔值得投資時間落去，
但係就算你真係想用online dating去識女仔，其他因素譬如話你張相，你年紀，你外表，你嘅儀容，你簡短嘅bio都喺會有好大嘅影響。
＃3 Anyway，我哋不如就首先開估男士最想女士擁有嘅職業。
名次先後就係：
女律師 ->女演員 ->創意女導演 ->女空姐 ->新聞女記者 ->女創業家或者女CEO ->女建築師 -> 女健身教練 ->女教師->女醫生->女攝影師->女護士->女工程師->女model ->女廚師
小弟有啲驚奇嘅就係，
竟然女護士同女模特兒唔係排喺頭五位，反而喺排包尾？
不過點都好，你想你嘅女人做咩職業都係你自己嘅preference。
＃4 所以不如我哋就去講下一樣嘢，就係女士最想男士擁有嘅職業！
名次先後就係：
男教師 ->男牙醫 -> 男語言治療師／病理學家 -> 男室內設計師 -> 男律師 -> 男嘅地產佬 -> 男健身教練 ->男護士 -> 新聞男記者 ->男HR／招聘人員 -> 男音樂家 ->男心理學家 ->男model -> 男空少
聽完呢個排名之後，
我相信你同我都會覺得竟然男model或者健身教練竟然唔係排頭幾位！
＃5 不過再講多次啦，
呢個study只係Tinder用家一小部分人嘅意見，而佢哋只係略略地就咁去講答案，而唔係實質證據。
再加上條問題係『你約會時會想對方係做乜嘢工作』，而唔係『對方做邊一份工作會令你最有性幻想』，
咁所以就算你依家做緊嘅工作唔係以上嘅list裡面都冇需要擔心。
＃6 女人並唔係好似男人咁經常用logic／邏輯去篩選自己嘅對象，
女人嘅『跳制位』好多時都係因為感受到某種emotions／情感而去做決定。
好多時就算佢哋口講到明話『我唔會揀一個XYZ特質嘅男人做我條仔／我淨係會揀一個XYZ特質嘅男人做我老公』，
最後佢哋都會因為對方激發到佢嘅情感，而最後選擇同『原本冇諗過嘅男人』唔小心一齊咗。
＃7 重點就係：如果你想溝女更勁更有效率嘅話，
就請你唔好再純粹依賴你嘅左腦去『邏輯地』分析思考溝女每一個細環節！
相反，
你喺應該鍛鍊你嘅右腦去更加『直覺地／有創意地』去感受自己嘅情感並且感受對方嘅情感，從而作出符合當時天時地利人和場合環境嘅行動。
只有你係be present，
只有你係留意男女傾計說話背後嘅潛台詞，
只有你係確切地活喺當下呢個moment，
你先至會留意得到人與人之間interaction每一秒微妙嘅變化，
你先至會感受到你同條女之間嘅性愛張力／sexual tension，
你先至會能夠透過『睇唔到並且唔合邏輯嘅技術』令條女被你吸引！
鍾意今集嘅話就like並且留言話我知啦， 下集再見你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！