＃1 Yo！歡迎嚟到2018年MTFU嘅第2集，我喺Man神啊 😉
全世界嘅人包括你嘅朋友你嘅屋企人你嘅女朋友甚至陌生人，都會同你講『溝女最緊要有自信』，究竟呢一樣嘢係咪真實正確呢？
如果真係要有自信啲，究竟又有啲乜嘢方法可以實質地建立運用你嘅自信呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃2 各位巴打，你能唔能夠首先幻想一下：
如果你係有多啲真實嘅true confidence，你係深刻地知道自己已經足夠地好，
你係真心相信自己可以達到任何目標，
你係有一種絕對嘅信念『無論發生啲乜嘢事你都可以搵到解決辦法』嘅話…
你估下你係溝女成功事業快樂等等方面會有幾大嘅進步呢？
＃3 你有冇試過曾經同自己講過話『只要我有多啲自信嘅話，我就可以做到呢件XYZ啦…』類似嘅說話呢？
我相信你同我同其他巴打一樣，
都曾經覺得『只要我哋有多啲自信，我哋就可以溝到嗰條女／sell到果個客／傾到嗰一單deal／上到台做MC講嘢』等等。
但係你知唔知其實呢一句『只要我有多啲自信我就可以XYZ』嘅說話係完全荒謬呢！？
原因就係：呢句說話係一種謬誤，係一種misconception，係一種錯誤嘅觀念，
誤以為『有自信先至可以take action』，
但係其實事實就係調返轉，『你喺需要take action先，你先至可以得到自信』！
＃4 你試下諗下，如果每個人都係需要『有
自信先至可以做某件事』，
咁我哋嘅社會係永遠唔會進步，我哋嘅世界永遠都係會停滯不前！
真相就係：任何人想進步嘅話，我哋就必須進入一種未發掘過未探索過嘅領域！
因為『自信／confidence』呢樣嘢，係必需透過你去『take action／實際行動』，
行動咗幾十幾百次，你熟悉成個流程之後，
你先至會有信心有自信，而唔係調返轉！
＃5 所以真正嘅問題就係：究竟我哋可以點樣喺驚嘅情況下仍然take action呢？
我哋可以點樣唔再受自己不同恐懼嘅限制呢？
答案就係：透過你點樣站立，透過你點樣運用你嘅body／身體，透過你點樣去carry自己，
你係能夠直接改變自己biochemistry，直接改變每一個當下嘅feelings／感覺，直接改變你每一個當下嘅confidence／自信！
如果你能夠讓自己露出燦爛嘅笑容，並且以一個良好嘅姿勢站立，科學係證明咗你係可以大大增加你嘅自信！
＃6 你可能都會聽過，喺2012年社會心理學家Amy Cuddy嘅Ted Talk裏面，
已經講過你嘅身體語言／body language同你嘅自信／confidence係有直接嘅關係。
佢發現你越係能夠以一個開放式姿勢去展露自己嘅身體2分鐘，
你係能夠增加自己嘅T-Level／睾丸酮20%，增加自己自信，
同時減低壓力荷爾蒙Cortisol／皮質醇接近25%！
＃7 咁呢個發現同溝女有咩關係呢？
好多人認為要得到某條女，就一定要有既定嘅說話要講，既定嘅行為去表現，既定嘅樣子去示人。
但係喺現實，所謂『最合適／最正確嘅事情』，
絕大部分情況下都係喺interaction之中，當下嘅果一個moment決定，
而唔係interaction之前一早plan好嘅嘢！
＃8 意思就係：所謂做得啱唔啱嘅溝女嘢，
好多時都係講緊你當時嗰一刻嘅context係發生緊啲乜嘢事，而唔係你某個動作／某句說話／某種行為嘅content！
所以同一句說話，同一句句子，同一句開場白，同一條pickup line，
點解有時好有效，但係點解有時又唔work㗎呢？
呢個就係喺唔同嘅context有不同嘅行為嘅重要性。
＃9 溝女都一樣，你每一次同女仔嘅語言對話，並唔係純粹講緊你自己講嘢有幾叻；
更重要嘅係女仔講某啲嘢嘅時候，佢係睇緊你點樣去respond／畀反應（或者你唔畀反應佢）。
如果你睇落完全唔sure自己講嘅嘢，
如果你做任何嘢係嘗試得到女仔對你嘅validation／認可讚賞，
又或者你畀人嘅感覺係講咩都『就住就住』成日喺度諗下一句要講啲咩正確嘢，
呢種就係女人口中話男人『冇自信』嘅意思！
＃10 你要明白嘅重點就係：
無論你內心世界有乜嘢感受，無論你當時有幾淆地有幾驚，
最重要嘅係你喺外在世界嘅ACTIONS，你有乜嘢嘅行為舉動！
而好消息就係，Amy Cuddy已經同我哋講咗：
只要我哋透過身體『扮演』有自信嘅角色，無論你當時一開頭有乜嘢感覺，你都能夠逐漸產生一啲真正有自信嘅化學感覺！
＃11 你可以帶走嘅就係，每次你想感受到『有自信溝女』嘅時候，你就問下自己：
如果我係有自信我係會點樣企喺度呢？
我會點樣行動呢？
我會點樣回應其他人嘅一舉一動呢？
人哋又會點樣回應我呢？
當你根據呢個腦海中『有自信版本嘅自己』作出一系列相應嘅實際行為，你就能夠開始製造出一系列正面『自我實現』嘅循環；
你內在嘅荷爾蒙同外在嘅行為表現就會讓你表現得真實地有自信，女仔亦都會畀更多正面嘅反應你！
＃12 所以記住：唔好等到有自信先至take action；
相反，你係必須首先透過身體take action，你先至能夠有自信去溝女！
希望今集幫到你！
多謝咁多位巴打嘅踴躍支持！
如果你想知道 『10個溝女最常遇上嘅難題（…同埋解決方法）』，你可以去http://www.manthefvckup.com/freebook 去下載呢本免費書。
想睇埋今集文字blog嘅話，可以去：http://www.manthefvckup.com
想睇每日update嘅Instagram，可以去：https://www.instagram.com/manuptoday
下集再見！