Yo！我喺MTFU嘅Man神啊。
各位巴打會唔會覺得自己係一個比較怕醜內向嘅人呢？
如果你覺得自己唔太識得講嘢嘅話，又可以點樣抽到自己鍾意嘅女仔呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃１ 首先想講就係：好多男人會覺得溝到女嘅必要條件，
就係要識得講某啲搞笑嘢，識得點樣喺適當嘅時候講適當嘅說話，又或者溝女只係一個語言嘅遊戲。
咁所以亦都係點解咁多男人都覺得需要有pickup lines，
又或者九成問我嘅問題都係『點樣同女仔傾計／點樣透過verbal language去令到女人鍾意你』等等嘅問題。
事實就係：甜言蜜語／pickup lines／溝女句子等等根本就唔係最有效嘅工具，
WHAT TO SAY 根本對女人並唔係最重要！
今時今日，大部分女仔都已經厭倦聽到呢啲pickup lines，
佢一聽到類似嘅說話都知道你喺度做緊乜嘢，會準備篩走你呢個player。
＃2 如果係咁樣嘅話，你又應該做啲乜嘢呢？
尤其是你係一個比較怕醜內向講野唔叻嘅男人，又可以點樣吸引女人呢？
答案就係：其實有越來越多科學研究係證實，最容易的方法去令到女人對你有興趣，係你令到佢feel到某種感覺；
而最有效令女人feel到某種感覺，就係透過你嘅身體觸碰／physical touching！
＃3 美國南伊利諾伊大學醫學院／ Southern Illinois University School of Medicine，同埋多倫多嘅麥馬士達大學／McMaster University，
佢哋發現原來女人嘅皮膚喺比起男人有多兩倍嘅神經接受體，而呢啲nerve receptors亦都係更加緊密地連接！
換句話嚟講：女人透過皮膚得到嘅感受，係比起男人高至少兩倍，有時甚至接近十倍！
＃4 當你明白以上數據嘅時候，你就會明白點解尤其喺你一開頭遇上女人嘅時候，
你有幾經常觸碰佢並且你撫摸女人嘅程度，其實係會決定佢之後有幾被你吸引同埋有幾被你撻著！
你對女人嘅touching，
係會直接影響佢覺得自己同你有幾夾／有幾connect／有幾『啱傾』，同埋佢會唔會相信你！
＃5 點解touching係一個溝女必要嘅過程呢？
點解身體觸摸對女人咁有效呢？
答案就係：當你掂女人嘅時候，你就會令女人身體釋放一種叫做催產素嘅荷爾蒙；
而oxytocin／催產素，就係研究人員一直所講嘅『戀愛荷爾蒙』，
佢係會影響你嘅大腦令到你感覺温暖，感覺『相信某人』並且覺得同某個人好啱key。
所以都係點解會當你同其他人擁抱嘅時候，又或者當你緊緊攬住對方嘅時候，你哋係會感覺到一種comfort，有一種舒服嘅感覺。
就算只係一個人輕輕觸碰你嘅手臂，你都會有一個好正面嘅舒服感覺。
＃6 咁巴打我係咪叫你完全唔好同女人講嘢傾計呢？
梗係唔係啦傻豬…
但係我講緊嘅重點就係：就算你係一個怕醜內向唔係好講嘢嘅男仔，
你都唔需要成日喺度擔心『我要講啲乜嘢？』或者『我應該點樣講嗰一句嘢？』等等嘅憂慮。
你亦都未必需要講嘢比平時講得大聲啲，
又或者每次傾計嘅時候嘗試去做最Alpha最大聲最有霸氣嘅嗰一個人。
（雖然以上講嘅嘢都會幫到你）
你要focus嘅，就係運用touching去開始舒服地同對方有身體接觸，
咁樣你就能夠好快令女人放鬆，建立互信，並且甚至開始被你撻著。
＃7 擁有《殲滅friendzone方程式》裏面嘅《肉體接觸升溫藍圖》嘅巴打請你再次重溫課程，
但係你要記住嘅重點就係：
身體接觸係有一種流程嘅，你係應該由最無『入侵性』嘅身體觸碰慢慢升溫去到『有入侵性』；
只要你根據流程慢慢增加性愛張力／sexual tension嘅話，並且無時無刻觀察女人畀你幾多正面反應，
你就唔會喺『抽佢水』甚至被佢話你喺度非禮佢！
以上就係各位巴打以後溝女嘅時候需要focus嘅位置，
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！