Yo！我喺MTFU嘅Man神啊。
各位巴打，好多人學溝女嘅時候都想了解女人係究竟一種點樣嘅生物，但係你又有冇諗過你身為男人又係一種乜嘢生物呢？
你又知唔知道，如果你想同女人建立有健康嘅長遠關係，你係必須首先了解自己嘅腦部同心理點樣運作先呢？
男女呢兩種生物之間的運作模式究竟有啲乜嘢唔同，就係我哋今集同下一集MTFU探討嘅重點，繼續去協助你成為一個更有吸引力嘅現代男人，活出一個更有愛更有激情更有意義嘅生命！
＃1 首先想講嘅就係：某啲巴打可能記得我之前喺《超男之道》裏面係分享咗好多關於masculine energy／雄性力量同feminine energy／雌性力量嘅知識。
作為一個重溫，我哋係講過每一個男人同每一個女人都有各自嘅雄性一面同雌性嘅一面，而每一個心理健康嘅人，都係需要去develop呢兩面嘅energy。
我哋都講過：所有親密充滿激情嘅關係，無論係同性戀定係異性戀都好，雙方都係必須擁有sexual polarity／性愛極性；
其中一個人係有多啲masculine嘅特質，而另一半就有多啲feminine嘅特質，唔係嘅話佢哋就會開始對對方失去性趣。
＃2 另外一樣嘢你可能都知道，就係我哋阿爺嗰一代嘅時候係充斥住『大男人主義』嘅；五六七十年前嘅社會係非常封建，嗰陣時嘅女人係好慘，成日畀男人欺凌虐待…
但係到咗七八十年代，世界各地嘅社會就開始出現不同嘅嬉皮士，出現咗好多留長頭髮嘅男人，又或者好多唔戴胸圍嘅女人，出現好多free hugs自由戀愛嘅觀念，就係因為男人女人都希望得到自由同各方面嘅解放。
＃3 換句話嚟講，喺過去幾廿年，雄性力量同雌性力量嘅兩極性係開始出現退極化／depolarization；
好多男人變得越嚟越識得做『聆聽女人感受』嘅果一個人，而女人亦都越嚟越『可以自力更新，得到自己嘅財政獨立』。
原本呢件事係好事嚟嘅，因為社會整體都能夠開始脫離嗰一個專制橫蠻『女人為次等生物』嘅古代社會，去到一個比較『男女平等』嘅社會。
好可惜嘅係，亦都係因為呢種社會轉變嘅現象，令到好多人唔明白點解突然之間同佢嘅伴侶開始出現感情嘅問題，好多人都唔明白點解當夫妻越嚟越變得相似嘅時候，大家就會失去當年嘅激情同戀愛。
＃4 原因就係：好多人都唔了解到雄性男人喺supposed有佢嘅雄性領袖角色，男人喺唔supposed日日留喺屋企湊仔；相反，雌性女人亦都唔supposed好似男人咁樣係唔同嘅人生戰場上面打江山。
所以好多女人開始變得越嚟masculine，而好多男人又變得越來越feminine，最後令到大家之間嘅極性中和neutralize咗，令到大家之間嘅性愛吸引力越來越減少。
＃5 你可能會問我：『咁Manson，你係咪主張我哋返返六七十年前嘅社會，繼續去實行大男人主義呢？』
Well，fvck no！因為極端嘅男權主義或者極端嘅女權主義都係損害男女兩種生物。
正如我之前所講，我哋每一個人都有自己masculine同feminine嘅能量。
就好似道家嘅陰陽一樣，如果你想要一段充滿激情嘅關係，其中一方係必須有八九成masucline嘅一面，而對方係調返轉有八九成feminine嘅一面。
如果你係鍾意女人，而且你係想吸引一啲溫柔體貼嘅囡囡嘅話，你就必須大部分嘅時候都紮根於你嘅主場，紮根於你嘅masculine／陽性雄性力量嘅一面。
＃6 咁所以如果依家你唔係好知道自己有咩目標，唔係好知道自己有咩時候或者人生目的，又或者我覺得自己唔夠Man嘅話；
以下我就會開始同你分享一啲會令你大開眼界關於你自己嘅嘢，令你終於明白點解男人同女人有咁大嘅分別！
＃7 第一樣嘢就係：絕大部分嘅男人集中嘅時候都係只能夠單向性。
意思即係話：男人嘅大腦，係會令到我哋可以好勁地集中於眼前當下某一樣工作，而好難好似女人咁multitask，做下呢樣做下個樣。
當雄性男人集中嘅時候，我哋就好似laser咁樣越做越沉迷起勁，之後完全察覺唔到周圍發生緊啲咩事。
亦都係點解每次有人去騷擾我哋集中嘅時候，我哋都覺得好嬲好憔悴，原因就係佢哋嘅動作係令到我哋失去咗原本momentum建立嘅巨大能量，搞到我哋又要重新嚟過先可以好有效率地做野。
＃8 呢個亦都係點解男人傾計嘅時候通常都係非常logical，非常有規律有邏輯有秩序地講完X呢個topic，之後先至再會講Y嘅topic。
但係相反女人嘅大腦係可以好自然地隨時轉topic，原本明明講緊A呢樣嘢，下一秒就可以即刻轉去C嘅topic，在下一秒又可以無啦啦講H嘅嘢。
所以陽性雄性力量就好似一支紅色laser咁，但係陰性雌性力量就好似clubbing裏面嘅燈充滿著唔同顏色照嚟照去；所以男人女人都有各自嘅強項嘅，冇話邊個勁過邊個。
＃9 你要留意嘅：身為男人，你要小心當自己集中喺某一個人身area嘅時候，你好多時都會唔小心忽略咗其他方面，無論係你嘅健康，你嘅財富生意，定係你嘅感情方面。
咁所以你要時刻控制自己喺每一方面嘅balance，唔係嘅話你就會好容易『為咗一棵樹而放棄整個森林』。
＃10 第二樣嘢就係：男人嘅人生通常都係充滿住源源不絕嘅挑戰。
意思即係話：男人嘅大腦係想尋求更多挑戰，我哋係會更加容易偵測有啲乜嘢潛在嘅風險，我哋會偵測有咩會威脅我哋嘅獨立同自由。
但係好多時女人都唔會明白呢樣嘢，因為女人嘅大腦係會偵測有冇乜嘢係威脅緊佢嘅親密關係或者連繫。
所以亦都係點解，如果男人發現女人想操控緊自己嘅行為嘅話，男人係會好反感，因為佢覺得自己嘅自由受到威脅。
＃11 你要帶走嘅喺：Feminine嘅女人係想要更多嘅親密連繫，更多嘅愛，而Masculine嘅男人係想要更多嘅獨立自主，更多嘅自由時間。
如果你想要一段親密關係嘅話，你要小心自己嘅自由傾向有時係會令你封閉自己，令你唔想打開個心同女人有親密嘅真心連繫。
另一方面，你都要知道你係必需透過challenge自己，你先至可以繼續保持你嘅masculine edge；
如果你因為某段感情而放棄曬所有自己熱愛嘅娛樂，自己身體上思想上嘅訓練，甚至放棄自己嘅前途或者人生目的嘅話…
咁樣就算你當時溝到條女，長遠嚟講你都會因為變得越嚟越feminine而搞到條女對你失去吸引力！
以上就係頭兩種男女大不同嘅分別，我哋下一集返嚟再同大家分享其餘嗰三種。
鍾意今集嘅話就like，留言俾我知並且share比你值得分享嘅朋友睇啦， 下集再見你！