Yo！我喺MTFU嘅Man神啊。
正如上個禮拜嘅宣布：為咗讓更多巴打可以同我互動問我溝女問題，
小弟決定每次有新片推出嘅時候嘅頭1個鐘，即係每次出片夜晚6-7點呢段時間，我係會即時回答你嘅任何問題。
所以各位巴打除咗訂閱MTFU嘅channel之外，記得就係去㩒嗰一個『接收所有新影片的通知』鐘鐘掣，
並且每次出片夜晚6-7點呢段時候留言問你想問我嘅問題嘞！
各位巴打想唔想知道其中一種最有威力嘅工具，去令到女人充滿慾望渴求同吸引力係乜嘢呢？
你又想唔想知道九成五男人都缺乏運用嘅溝女技術係乜嘢呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃１ 首先等我畀個小貼士你，我講緊嘅呢種power技術，
並唔係講緊你有錢，靚仔，講嘢搞笑，畀到女人有美滿性愛，間唔中suprise佢等等嘅事情。
我講緊嘅呢種技術，
我都唔再賣關子啦，
就係中學Econ上堂都有學過嘅Scarcity／稀有性！
Scarcity／稀有性，無論喺你溝女邊一個階段，幾乎都係其中一招最致命嘅武器令到女人降服於你；
你識得點樣善用Scarcity嘅話，你基本上都可以從女人身上得到你想要嘅任何嘢。
＃2 我以往都教咗各位巴打好多次嘅就係：
We all want what we can’t have，我哋每個人都係想要一啲自己得唔到嘅嘢！
更重要嘅係：We all VALUE what we have to work for，我哋只會珍惜一啲我哋需要用功／盡力／刻苦／畀心機去爭取得到嘅嘢；
相反，一啲隨手可得嘅事物，我哋係唔識得去appreciate佢哋。
＃3 同樣道理：當女人可以隨時搵到你，隨時感受到你嘅情感，
隨時得到你身體上嘅注意力，隨時得到你肉體上嘅獎勵，隨時聽到你把聲，
隨時可以聯絡到你（無論係真人，電話，短訊等等），隨時可以得到你對佢嘅validation／認同認可，
佢就絕對會好快厭倦，好快覺得你悶，好快就唔再識得珍惜你！
但係如果佢唔能夠任意攞到我以上提及嘅嘢，佢唔能夠賺取你100%對佢嘅興趣，女人就會更加想要你。
佢就更加想要你嘅注意力，你嘅時間，你嘅觸摸，
你嘅氣味，你嘅短訊，你嘅甜言蜜語，你嘅關懷愛護，你嘅性愛等等。
原因就係佢feel到你有可能某一日唔再想同佢一齊，佢feel到 you MAY NOT want her。
＃4 咁當然做呢件事係需要拿捏一個平衡點啦，
因為如果你畀佢太少興趣嘅話，女人有可能會覺得太過難去得到你，佢就可能會放棄。
所以究竟你可以點樣適量地利用Scarcity／稀有性，
令到女人永遠唔會厭倦你，令佢對你嘅吸引力同欣賞有增無減呢？
＃5 第一樣嘢你要明白嘅就係：巴打你最寶貴嘅資產，就係你嘅時間！
時間係你唯一一樣唔能夠循環再用嘅資源，
所以如果你畀自己嘅時間女人，你就必須100%確保呢個女人喺尊重珍惜有得同你相處嘅時間！
譬如話：一個連同你上床搞嘢都未搞過嘅女人，你係冇可能每個星期都畀時間佢嘅！
如果你每個禮拜見超過佢一次，我保證你好快會出現被friendzone嘅危機。
又例如：一個未正式做你女朋友嘅女人，佢係冇可能咁快可以同你1-2-1『約會』嘅！
『約會』只係比一啲已經發生有性關係嘅男女進行，女人係需要賺取你嘅『約會』返嚟，
所以你係冇可能咁快願意花幾個鐘同一個陌生女人1-2-1食飯，because she hasn’t fvcking EARNED it！
就算你哋上咗床，唔該你頭一兩個月都唔好見佢超過一個禮拜一次；
只有當你哋兩個不斷上床上咗五六次，大家都享受親密性愛同埋花時間一齊，
女人同你講話佢想見你更多嘅話，你先至會考慮見多佢少少！
＃6 第二樣嘢就係：雖然身體觸摸／touching係人類深入連繫同親密嘅必要條件，而科學亦都證明咗touching係能夠減低抑鬱令我哋更加健康，
但係你對女人嘅touching亦都絕對唔應該毫無策略地『喺有摸唔喺又摸』！
如果你能夠有策略地運用touching，
每次女人做咗一啲對你有興趣嘅正面指標或者浪漫暗示，你先至運用身體觸摸獎勵佢嘅話，女人就會更加渴求你之後摸佢掂佢錫佢。
但係如果女人出現一啲bad behaviors，你就應該攞走你寶貴嘅touching從而去懲罰佢惡劣嘅行為！
＃7 第三樣嘢就係好多巴打問我嘅『究竟可以點樣令到女人期待我嘅whatsapp短訊呢』？
好好嘅一條問題，所以等我調返轉問你：
你有冇試過遇上一啲女人，成日都係勁短覆你或者淨係send個emoji比你呢？
又或者有冇試過遇上一啲唔係成日同你whatsapp嘅女人，搞到你成個禮拜都心神恍惚呢？
你當然有啦，因為嗰啲女人搞到你覺得佢哋好似好難溝咁樣，
搞到你覺得佢好珍貴好稀有，所以你會更加落力去希望『追到佢』。
＃8 咁聰明嘅你，又可以點樣調返轉運用呢啲索女嘅招數呢？
冇錯啦，答案就係你嘅whatsapp短訊根本唔需要咁熱情，根本唔需要下下send個emoji比佢！
以完整比較長嘅句子覆佢唔係唔得，但係你必須間唔中加入一啲又短又冷淡嘅回覆！
咁樣女人先至唔能夠100%猜測到你幾時會搵佢，會唔會搵佢，又或者你係咪仲係對佢有興趣等等嘅好奇問題。
所以請你確保你嘅whatsapp通常係少字數過佢，並且確保自己唔係永遠主動搵佢嘅嗰一個人；
開頭仲係溝緊嘅階段，一個星期先至whatsapp一兩次根本絕對係足夠！
＃9 最後就係：如果你覺得喺女人掌握曬所有性愛大權嘅話，
覺得永遠要等到女人好心情嘅時候先至同你上床做愛嘅話，咁你就錯撚曬！
因為好簡單嘅事實就係：
勁嘅男人可能一晚最多兩三次性高潮，基本上我哋射完精之後都要好一段時間先至可以恢復勃起嘅功能；
但係正常嘅女人幾個鐘之內，係可以重複又重複嚟高潮，一晚十幾廿次嘅性高潮絕對唔出奇！
所以你話邊個更加享受性愛呢！？
＃10 明白咗呢一點之後，你就可以利用性愛嘅Scarcity／稀有性，去持續製造女人對你嘅慾望同吸引力。
每次你哋過夜嘅時候，就算對人主動去挑起你性慾嘅時候，你唔一定要同佢上床搞嘢㗎！
你係有絕對嘅控制權決定幾時鍾意搞嘢就搞嘢，你唔想搞嘅時候就唔好搞！
如果你可以掌握呢種性愛嘅稀有性，間唔中reject同佢做愛嘅話，
我保證鍾意你嘅女人將會對你更加上癮！
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！