Yo！我喺MTFU嘅Man神啊。
女人口講嘅嘢，好多時都未必係你想像中嘅意思。
有時候可能佢淨係同你講話想做個朋友，甚至同你講話依家唔想要啲serious嘅男女朋友關係；
但係其實佢內心又可能想你再主動啲，又或者轉個頭你就見到佢無啦啦同另一個男人一齊。
究竟你點先至可以知道『條女當你什麼呢』？
你點先知道條女真正想從你身上得到乜嘢呢？
呢個就係我哋今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先想講嘅就係，女人分析一段關係，其實係取決於你個人隱藏嘅價值。
譬如話，如果佢純粹想同你短期hookup玩下，
佢可能就想要一啲『完全唔會有咩責任／手尾／包袱』，大家純粹just have fun，大家性愛上都隨時開放隨時開房嘅男人。
但係如果佢想要一段long term relationship嘅關係，
佢就可能會比較重視雙方之間嘅交往／companionship，大家情感上／emotional嘅支持，同埋一啲深刻互相錫大家嘅愛情。
＃2 所以一條女見到你嘅事候， 佢就會比較下睇下你可以offer啲咩價值比佢，跟著決定想唔想同你發展特定嘅關係。
如果你想知道究竟佢當你係性伴，定係覺得你可以塑造成為一個男朋友嘅話，
你就可以問下自己以下兩條問題，等你終於知道自己喺條女心目中係企喺咩位置。
＃3 你首先可以問下自己：
你係咪通常會做義工，做善事捐錢，又或者做一啲『超乎自己個人利益』嘅事情呢？
好多人會覺得靚仔或者講嘢搞笑喺對女人係有吸引力，
但係好多研究證明，包括2016年British Journal of Psychology發現：
原來擁有Altruism／無私行為性格特質嘅男人，係會擁有較高交配機會嘅成功率，
一生人之中係會有更多嘅性伴侶，喺一段關係之中亦都會享受更多性愛。
所以即使你未必係好靚仔或者身材上佔有優勢，如果你係一個無私嘅人，
女人都會覺得你係較可取嘅對象，覺得你係一個長遠嘅relationship material，更加想同你生仔。
#4 但係，第二條剛剛相反你要問自己嘅問題就係：
你係咪會將自己嘅需要擺喺人哋需要面前嘅人呢？
另一份研究報告，喺2016年1月進化心理學期刊出版，佢哋發現：
如果女人純粹係想要one night stand，佢哋係會揀一啲自私表面上有吸引力嘅男人。
但係揀一個長遠伴侶，無論個男人係咪睇落有吸引力，佢哋都會揀一啲無私嘅男人。
＃5 點解會發生呢種異常嘅情況？
原因就係我一開頭所講，女人係會睇你潛在隱藏嘅價值。
如果佢淨係純粹想同你過一晚夜，佢根本就唔care你係咪一個『做好事嘅人』；
越係自私嘅男，好多時都越係有自信，從而增加條女想同你玩想食咗你嘅機會。
＃6 咁所以各位巴打，你可以點樣運用以上資訊，去增加你溝女交配嘅機會呢？
答案就係：你係應該同時增加你short term 同 long term交配價值嘅sexual value！
短期地，你係盡量應該執得更加靚仔，身材更加大隻，著衫更加sexy，
更加自high好玩，一開頭傾計更加challenging，
練習毫無過濾地講自己想講嘅嘢，自私地做自己想做嘅嘢，
並且盡量製造機會畀唔同嘅女人投資喺你身上，讓某條女慢慢去贏取你芳心返嚟。
但係同時間你亦應該睇長線，
打造自己成為一個長期有吸引力嘅雄性男人，做一個有大志有理想有野心嘅戰士，
將自己嘅使命凌駕於女人，將自己的人生塑造成精彩嘅旅程讓女人去加入感受，
不斷挑戰自己嘅邊緣同極限，不斷投資喺自己身上成為一個更有價值嘅人等等。
你肯咁樣做，你先至會由一個fvckboy進化成為一個masculine man，
你先會成為一個短線長線都贏到盡嘅雄性真男人！
鍾意今集嘅話就like並且留言話我知啦， 下集再見你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！