Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
各位巴打你可能都發現，
MTFU每日都會吸引唔少全新有大志有理想嘅巴打們，去訂閱我哋嘅YouTube Channel同加入我哋免費嘅newsletter通訊。
除咗呢樣嘢係值得高興之外，
我有時會發現原來呢啲新手巴打，可能係一啲冇咩基本功但係又想增加自己女人選擇嘅巴打們。
所以今日想好快分享五樣溝女新手必學嘅精華，
令到呢一班新手／初階巴打能夠馬上運用所學，並且開始見到成績。
＃１ 如果你有聽過傳統嘅銷售學，你可能會睇過電影《Glengarry Glen Ross》裏面所講嘅『always be closing』；
但係如果你想識多啲女仔，正確嘅諗法其實就係『always be OPENING』！
所謂嘅opening，其實就係簡簡單單say hi打開話題同女仔傾計；
當然如果你冇乜咁樣嘅經驗去同陌生人傾計，你就一定會有好多不切實際嘅恐懼令你好驚咁做。
所以我會建議你唔好純粹見到靚女先同佢傾計，
你係應該對住任何人（無論係『男女老少多富窮，愛死動植飛即攝』－蕭源）你都練習寒喧幾句傾計；
你肯不斷練習自己嘅conversational skills，不斷訓練自己嘅social muscle，
你之後同你心儀嘅女仔傾偈就容易好多。
＃２ 練習同女仔flirting
Flirting調情，其實就係一啲好無辜／好playful／好玩／好淘氣嘅對話。
一個簡單嘅指標，
就係任何你小學雞二年級會覺得好玩搞笑嘅嘢，嗰啲都係一啲對flirting好玩搞笑嘅嘢。
例如你唔覺意淘氣地輕輕撞／推個女仔，你輕輕力玩佢扎嘅辮，你好似蝦細妹咁樣揶揄佢等等嘅行為，
其實都係一啲男女對雙方有興趣嘅潛台詞，咁樣嘅交流其實就係暗地裏互溝大家。
＃３擁有一個好有market／好有需求／好多女仔想要嘅形象
任何女仔都鍾意一個一早有好多嘢做／好忙／好唔得閒／生活好精彩嘅男人，
任何女仔都鐘意一個有其他女人選擇有options嘅男人；
而任何女仔最想要嘅，
就係一個雖然有好多女人選擇嘅男人，但係呢個男人最後就揀咗佢！
所以任何能夠暗地裏透露你同其他靚女hang out嘅hints，
任何精彩嘅真實故事，
任何你認真唔得閒同佢出街嘅原因，
任何表現得唔饑渴唔猴擒唔desperate唔needy嘅行為舉動，
都係會令到女仔被你吸引！
＃４ 學識精通push pull嘅技巧
我之前已經分享咗好多關於推拉法嘅技術，
所以敬請各位勤力嘅巴打自己主動啲去喺我嘅channel做research，搜尋番相關嘅高價值片段。
簡單嚟講，每次你透露咗你對佢有興趣嘅行為舉動（pull），
你就要適量地後退透露返一啲你好似對佢冇興趣嘅行為舉動（push）。
例如你啱啱讚完佢，你可能過幾十秒之後就揶揄番佢；
又例如你呢可能連續幾日都同佢whatsapp幾好傾，之後幾日你就唔好特登搵佢，等佢好奇你究竟搞乜嘢。
Push pull嘅精髓就係令到女仔產生困惑／confusion，等佢哋以為自己已經知道你底牌嘅時候，
突然你又做一啲意想不到嘅事情，令到佢質疑自己之前嘅判斷。
你越係喺唔在場嘅期間令女仔諗起你，個女仔越係會慢慢開始被你吸引鍾意你！
＃５ 習慣性地做身體接觸
Touching／physical escalation其實就係一個重要嘅行為，
去透露你係想將大家升溫去到一個有性關係，令你同個女仔建立一種親密嘅距離。
詳盡嘅教學琴日就已經講咗好多，請你溫書睇返琴日嗰一集啦！
希望今集幫到你！