Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
Difference b/w naturals and regulars = 溝女技巧背後的 Beliefs + Attitudes
型男嘅感覺 = 『你今日同到我傾計喺你好好彩波！』／『依，我識唔識你架？』（但又唔太自負臭串地做）
成為型男的七大特質（behavioral）
＃1 型男唔會在乎其他人點諗佢，he doesn’t give a fvck of what others think
發生任何嘢，佢會以自己選擇嘅interpretation去詮釋一件事，自己選擇某件事嘅meaning，自己選擇empower自己嘅含義。
佢知道無可能100%人都鍾意佢，更重要地無可能100%人都憎恨佢，所以做自己想做嘅嘢係完全okay。
＃2 高價值嘅友誼／尊重／關係，係需要賺取返嚟。
意思就係，因為你係型男，所以去賺取你嘅尊重，人哋係需要其他人friend介紹或者對方都係有一個好嘅personality，你先會對佢有好感。
無論對方係男定女，你都唔會因為對方嘅外貌，地位或者表面上有幾威，而馬上認同接受佢。
＃3 Openness & Honesty，型男係公開同誠實，佢唔會害怕分享自己嘅意見。
有自信嘅型男係唔會喺度講埋啲恭恭敬敬嘅濕鳩廢話，佢係能夠verbally freeflow，講出自己嘅想法。
因為佢知道自己嘅說話係有價值，其他人亦都會重視佢所講嘅嘢，所以佢唔會驚會冒犯其他人。
＃4 Decisiveness！ 型男係擁有絕對嘅決斷性！
你問佢想去邊度做啲咩，佢絕對唔會講話『唔知道／是但啦／冇所謂』等等嘅垃圾。
一係yes，一係no，所以唔該你訓練自己決斷啲！
＃5 型男係對於自己當時嘅決定充滿信心，無論之後係正確或錯誤（Leader Trait）
所以如果你揶揄佢著衫咁奇怪，佢就會幽默地同你講返似乎係你啲taste有問題／你唔係好有fashion sense等等。
＃６ 型男深信自己所做嘅任何嘢／佢自己嘅life，都係當時最精彩最正。
所以佢唔會妒忌其他人嘅life睇落好似正，因為佢深信自己嘅選擇係更加好玩更加重要。
更進一步嘅係，如果女仔喺度show off自己嘅lifestyle， 型男會暗示『個女仔做嘅嘢都唔係咁好玩啫，條女同佢一齊更好玩。』
＃７ 超級重要：女人永遠唔係型男嘅第一位！
講咗十萬次，型男之所以擁有一種indifference／不在乎嘅心態，全因為佢有一個更大更重要嘅purpose／人生目的／人生任務正在征服緊。
所以喺邊一個階段無論遇上咩女人，冇女人可以完全控製到佢，佢永遠喺一匹不能夠被馴服嘅野馬。
Anyway，你又係咪型男呢？
你有冇以上七大型男嘅性格特質呢？
只有當你慢慢培養以上所講嘅personality traits，並且內化成為自己嘅一部分，
你之後使用任何嘅溝女techniques先會有效，女人先會自然地被你吸引。
希望今集幫到你！