＃1 我哋都活係一個『即食』嘅年代。
大部分嘅年青人都係想搵捷徑去成功，或者想搵最短時間最簡單嘅方法得到佢哋想要嘅嘢，無論係賺錢溝女定係做任何嘢。
咁所以喺呢一個主張你『付出最少得到最大回報』嘅意識形態裏面，男人嘅雄性力量／masculinity其實就係啱啱哋被蠶食緊。
＃2 點解？
原因就係因為我哋masculine energy嘅頂峰，就係處於係一個被挑戰／被challenge嘅狀態裏面。
如果你一味容許自己hea，一味畀更多藉口自己點解做唔到某樣嘢，你唔單止係變成緊一個懶到爆嘅value sucker，
你身為男人嘅masculine edge更加將會被慢慢殲滅，最後變成一個一無所有嘅loser。
但係你要記住：我哋之所以不斷俾challenge自己，並唔係純粹去追求下一個目標；
你真正要push自己嘅原因，係因為喺呢個過程之中你將會塑造自己成為一個乜嘢嘅人。
＃3 意思即係話：你每個禮拜花三四日去做gym，並唔係純粹想keep fit練大隻啲；
而係因為你係斷練緊自己嘅commitment，自己嘅堅持去做好某件事。
又例如你學習男女吸引力／兩性關係等等嘅學問，
並唔係純粹想抄牌屌西，跟住將所有被你『狠狠調教過』嘅女伴當作戰利品畀其他唔成熟嘅靚仔歡呼喝采；
而係因為你想成為一個更加明白男女intimacy同感情嘅人，
令到你能夠同你嘅partner製造既有激情又有深切連繫嘅quality relationship。
＃4 咁所以正當咁多男士墮落緊嘅時候，我邀請巴打你記住：
雖然你做以下我分享嘅嘢你係會馬上突圍而出，但係記住我哋人生唯一嘅對手就係我哋自己。
咁所以以下有兩樣嘢我想巴打你帶走：
＃5 第一，請你自己選擇點樣去challenge自己，
無論係健康上，財富上，親密關係上，性愛上，社交上等等嘅areas。
你依家會唔會覺得自己嘅人生某一方面係好停滯不前呢？
如果你嚟緊一年你只能夠達成一個目標，你喺邊一個area進步係會令到你各方面嘅生活質素都有最大提升呢？
要記住：好多時舒適範圍唔單止係講緊你做嘅嘢，comfort zone更加係講緊你生存嘅環境，
咁所以有時自己一個去旅行係一啲非常好嘅個人成長嘅方法。
＃6 第二，喺呢一刻嘅你，你覺得有乜嘢係綁住緊你隻腳，令到你唔能夠遠走高飛呢？
呢啲綁住你嘅anchors，好多時都係一啲你身邊嘗試破壞你夢想嘅人；
除咗係一啲故意攻擊你追隨自己道路嘅人，有時候好可惜嘅係一啲愛錫你但係過份干預你嘅人。
咁所以如果你唔能夠完全斬斷關係，你就要學識點樣有選擇性地 limit／限制自己同佢接觸嘅時間。
＃7 Anyway，最後想講嘅就係：
女人喺被一啲有目標，有purpose，有passion，有衝勁，識得自學反思去改善自己嘅男人。
咁所以當你唔再浪費自己時間，當你不斷挑戰自己能力邊緣嘅時候，
你就能夠好快喺事業上感情上突圍而出，並且同時得到你想要嘅理想人生。