巴打，點解大部份嘅婚姻都係失敗終結呢？
點解就算雙方喺深愛著大家，但好多時都會因為『隨著大家認識更加深，關係變得更加舒服』嘅時候，唔多唔少都會開始對對方產生怨恨呢？
其中一個原因，就係因為好多男人一直錯誤地以為『當自己肯為女人犧牲，肯為感情付出嘅時候，女人就會感激佢，將來報答返自己』。
＃1 首先你明白嘅嘢係：女人喺無能力去真正明白男人嘅付出有幾大，更加無能力去真正感激一個男人『選擇同佢一齊』背後對佢嘅付出！
喺現實裡面，『男人犧牲自己，去尊重／去歌頌／去愛女人』等等嘅行為其實喺非常普遍，女人同社會喺expect你咁樣做，你喺唔會因為咁做而收到一句真心嘅多謝。
你以為自己為咗佢犧牲咗你嘅學業前途好偉大咩？
你以為自己為咗佢不斷努力賺錢，犧牲咗你嘅健康好感人咩？
你以為自己每次有索女想同你攪嘢，但你抑壓自己嘅性慾拒絕佢，繼續做一個忠誠嘅男人好偉大咩？
呢一系列嘅嘢，女人都係take it for granted，女人都係覺得『個個男人都suppose咁樣做』，只會覺得係你應份嘅責任。
＃2 好多感情之所以會破裂，就係因為男女之間太熟絡，做埋太多重複嘅嘢，兩者嘅內外變得越嚟越相似。
你話『一段長久嘅感情係需要彼此努力經營』？
Well，問心講嘅話，現實之中，又有幾多個案喺男人單方面『努力經營』，搞勁耐最後條女都係話無feel無感覺呢？
你娶完老婆，一世都盡忠職守地唔去溝其他女，咁多年嚟女人又講過幾多次多謝你唔去偷食呢？
＃3 重點係：喺現實裡面，男人嘅大小犧牲，甚少喺會被女人感激。
你不斷嘅妥協，你不斷嘅讓步，你不斷嘅遷就，你不斷為佢嘅改變，永遠都唔會滿足到女人『想繼續改變你』嘅慾望。
所謂嘅『感情經營』，其實好多時暗地裡都係女人繼續維持現狀，而男人不斷去犧牲自己迎合女人口中嘅條件。
巴打請你永遠都唔好咁做，你為女人改變自己嘅一日，就係你同佢嘅感情被蠶食吞噬嘅一日。
無論係你條女定係你老婆，每次你嘗試以『令條女開心』為目標，而忽略率先take care自己需要先嘅話，你每次都係舖緊路分手。
你肯咁樣做嘅話，你肯唔妥協放自己為第一位先嘅話，你同條女嘅感情先可以經營落去，你條女先會真真正正感激你！
如果你想學習多啲嘅話，你就腥email去support@manthefvckup.com查詢加入Insider嘅詳情喇，因為我喺裡面將會教各位內部巴打更多出面唔會提及嘅資訊。
鍾意今集嘅話，就Like呢段片同訂閱我地MTFU嘅channel喇；
有咩問題，就下面留言比我知啦，下集見！