Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
今日又有一條好正嘅溝女／人生Q&A送畀大家，呢條問題係由Mr K提供：
『Yo, Man!
你好衰囉！你實在太過份喇！
日日都同各位巴打分享咁多正嘢，搞到各方面每日都不停進步緊，愈黎愈接近完美嘅自己！ 唉～真係離晒大譜！
好喇，係時候講返今次嘅問題，
呢個問題係：愛情係啲咩？
還原基本步，究竟我地追求嘅係啲咩？
係啲咩值得我地每日花咁多精神、時間、金錢去令自己進步，去睇MTFU嘅newsletters, videos，去做運動，去建立高質素嘅social circle？
Man, 期待你嘅睇法。Best Regards, K』
非常非常之好嘅一條問題呀，
因為呢位K先生絕對係模仿到我平時講嘢間唔中嘅misdirection，絕對係一種fun+playful嘅表現。
所以你咁正嘅開場白我都好鍾意，咁大咁深入嘅問題都等我今日為你創造價值。
首先要知道嘅係：
我哋每個人都會有啲human needs，
love／connection 係其中一種，
所以我哋想feel到『有人明白我哋／珍惜我哋／錫我哋／重視我哋，覺得我哋對於佢嚟講係重要』etc。
至於點解愛情有別於友情親情 ，係因為愛情係有lust／性慾望嘅元素，所以喺唔同層次嘅。
無話邊個重要啲，友情親情愛情就好似『左手又係肉，手心又係肉』;)
至於點解要進步，
點解要work hard on ourselves，成為更加正／更加吸引／更加強壯有威力嘅自己…
答案就係：
Because GROWTH is the KEY to happiness.
睇住自己成長，睇住自己進步，睇住自己level up，
喺令到自己人生有意義，長遠快樂嘅recipe。
You either GROW or DIE。
你可以睇得到，
我哋好多嘅上一代勞勞碌碌地工作到65歲，又或者假設佢好叻50歲之前退休，跟住佢哋大部份下半世係做啲咩嘢呢？
一係，你見到佢哋日日喺公園捉棋；
一係，你見到佢哋需要喺老人院度過；
一係，你就見佢哋每日重複又重複地去『飲飲食食去玩去旅行』。
問心講，你覺得呢一種嘅生活模式健唔健康呢？
如果頭三四十年甚至五十年需要係咁做嘢冇得玩，臨尾嗰二三十年先至係咁玩，你又覺得咁樣嘅lifestyle巴唔balance呢？
仲要係我已經假設設咗佢哋有咁樣嘅資源同健康去日日玩喎，
如果一啲冇咁好彩嘅，
需要日日憂柴憂米，需要日日驚港鐵加價，
需要日日成日驚畀業主加租，需要日日擔心萬一大病冇錢做手術，
你覺得佢哋每日係咪真係過得開心精彩呢？
我首先需要講，
今時今日嘅我同你係非常之幸福，
我哋有咁樣嘅科技同埋『前人種下嘅樹』畀我哋去好好善用，好好更加容易地創造一個畀佢哋更幸福嘅生活質素。
亦都係因為係咁樣嘅『天時地利人和』，
我哋今日嘅時代嘅『氣候』係絕對冇可能再產生一啲『將來生活坎坷嘅一代』。
你話你冇讀過書？
香港咁多免費嘅公共圖書館同埋網上免費課程係絕對可以解決你嘅知識問題。
你話讀過書但係唔識得某啲應用技能？
你知唔知依家有幾多好似Coursera／Udemy／Edx／Udacity等等嘅免費大學程度嘅課程俾你遙距學習？
你話你只能夠一世打工，冇錢創業？
Bullshit！你知唔知呢幾年香港多咗幾多crowdfunding／crowdsourcing嘅platform畀你去展露你嘅有創意嘅ideas？
你話冇時間做某樣嘢？
Bullshit！全世界個個都係得24小時架啦，點解有啲人有時間可以由零開始做億萬富豪，你就冇時間呀？
Anyway，我越講越遠呀喇，重點就係：
＃1 如果呢一刻你係廿幾三十歲，甚至係45歲以下，
你係冇藉口將來『做窮人／孤獨終老／身體差』，
因為今時今日呢個年代實在有非常充裕嘅資源／資訊去令到你嘅健康，愛情，事業三大方面過得精精彩彩。
＃2 你之所以需要去grow，去進步，去磨練自己某方面嘅skills，去終生學習，
唔單止係為咗將來能夠實現你嘅理想生活；
更重要嘅係，
你每一日不斷挑戰自己，不斷刺激自己成長，不斷迫自己做一啲驚嘅嘢，
其實呢個過程係用嚟賦予你自己生命意義嘅。
假設你一出世就『咩都完美／任何夢想都實現曬』，乜你覺得仲會有一種動力去生活咩？
如果你真係下下都『夢想成真』，你覺得任何得到嘅嘢仲會有啲咩意義有啲咩價值呢？
唔知小學定中學嘅時候，你可能會讀過『釣勝於魚』嘅一篇文章，
講緊就係『過程』先至係任何事物最重要嘅嘢，
『得到結果』好多時會令到你瞬間興奮，但係呢種感覺唔會有你想像中維持得咁耐。
另外，我想你記住呢一句quote：
『Success is not something you pursue; success is something you attract by the person you become. 』
意思就係：
成功並唔係需要你去追隨，成功係一種需要透過『你過程成為一個點樣嘅人』而吸引返嚟嘅。
請你好好消化一下，
即使我唔知道你呢一刻能唔能夠睇到裏面嘅精髓，
但係我知道喺適當嘅時候，呢一句說話將會成為你人生嘅座右銘。
最後就係，你可能會再問，
咁grow完，進步完，叻仔完，勁完，之後又可以點？
Great question，我問得 😉
答案就係：
CONTRIBUTION／貢獻社會，就係另一個我哋感受到『滿足感／人生有意義』嘅方法。
我同你都必須做一啲『比自己更加大』嘅嘢，令到別人嘅生活變得更加美好，
我哋先會感覺我到自己嘅價值，先會開心。
更正嘅係，
當你能夠幫到好多人去解決佢哋嘅問題，其他人就會幫到你解決你好多嘅問題。
明嘛？
今集有冇mindfvck各位巴打嘅大腦呢？
點都好，希望今集我都能夠add value比你啦！ 🙂